ياهلال وش سويت ... كل الفرق أبكيـت [ صور وتعليقـات ] - شبكة القناص

**فيصل** · 07-10-2005, 11:09 PM

.
.
.
.
مسـاء الخير لكل الهلاليين ..

قبل كل شئ ترى ابتكلم في الموضوع بكل عاميه واببتعد عن الرسميه
ولحد يلومني ان شطحت يمين ولا يسـار تراني هلالي وبكيفي

امس سلمكم الله افطرت انا وواحد من سديقيني وسديقينكم
تعرفونه زين بس اخاف اقول اسمه ويزعل

المهم بعد ماافطرنا وعينا من الله خير ناظرنا طاش
والرجال من عقبها مزعجني ياله كوه للملعب مشينا .. ترى تاخرنا
ومن هالكلام اللي يوجع الراس قلت يارجال اسكت وماعليك ابوصلك للملعب قبل المباراة بساعتين وابخليك تدخل المنصه
<< مظبط وضعه مع بطاقتين دعوه للمنصه

صلينا العشاء ورحنا لم الملعب وصلنا لقينا المواقف ماش مهيب مليانه
قال وجع وين الهلاليين ليش ماجوا
قلت ماعليك يمكن يصلون التراويح وبيهضلون علينا
وانا تسذوب داخلني الخوف خبركم الهلاليين ماش المباريات اللي راحت ماحضروا
مالكم بالطويله دخلنا الملعب ورحنا لم المنصه وكل ماجلسنا بمكان قالوا محجوز
انا فيوزي صارت H قلت خير ترى انا فيصل مو حيى الله

قال دور لك مكان ولايكثر ترى الامير سلطان بيجي ولانبي مشاكل
قلت ابشر وانا ماكل العافيه

جلسنا بمكان استراتيجي واتعب وانا اقول استراتيجي < متعوب عليها هالكلمه

مادرينا الا جاي ورانا عبدالله بن مساعد ومعه سامي الجابر وعادل البطي
ومع عبدالله بن مساعد ولده عبدالرحمن اللي كل شوي طالع لاابوه
يقول بابا انا جوعان
ويلتفت الولد على سامي ويقول ليش مالعبت معهم انت احسن واحد << ياحوبي لسامي حتى الاشاده تجيه من الصغار

بدت المباراة والهلال ظغط وسيطر والعنبر يهدد وكل شوي وانا قامز
وعبدالله بن مساعد احس انه وده يطلق من العبيد حقينه ويروضوني
بس اخر شئ فهمتها وصرت مااقوم وانثبر بمكـاني

جلسنا وانتظرنا لعل وعسى يسجل الهلال بس ماش الاهلي يخوف
كل شوي منفردين ولا جايتهم هجمه بالعارضه وقلت خلاص شكل المباراة ضاعت
ووافقني الرأي سامي بس طلعنا كلنا خرطي يوم جاب العنبر قول براسه
وانا اقمز واضم سامي وحسيت انه زوجتي في ذاك الوقت<< بيتصفق هالادمي :D

مادريت شوي الا جاب ابوبندر الهدف الثاني عاد ذاك الوقت دورني
ماقدرت امسك نفسي وصرت ادق رقبه من الفرحه < دوسري ورجعت لااصلك

عاد بعدها بديت اشغل الكاميرا وقمت اصور
وخلونا الحين نروح في رحله مع التصوير والتعليقات
ولاتشرهون على التعليقات تراني فايز ومبسوط

جمهـور الهلال الرقم الصعب في المباراة
كنت متخوف مااحد يحضر بس حضر وازعجنا باأهازيجه بس ياحولها ويازينها
كانها بتجيب الفوز والبطولات

نواف بعد ماجاب القول قلت والله لااصوره
وسبحان الله لقطت الصوره وهو يسجد لله يشكره على القول
تلوموني ياناس في حب هالادمي

سامي بعد المباراة متشقق ومبسوط
بعد ماكان وسط المباراة قافله معه ووده يطب لو بثيابه :D

بالله ودي اسأل لاعيبه الهلال مامليتوا وانتم تفرحون
خلاص ياناس عطوا باقي الفرق شوي حرام كل شئ تاخذونه منهم :D

بالله مهوب جمهور يخوف .. مالوم لاعيبه الاهلي يوم مافازوا
مقابلين الزعيم بين جمهوره .. الله لايلومكم يااهلي جده

من قدكم يازعمـاء كل تفرحون وتنبسطون ..
الله يحرسكم من عيون الحسـاد ..
والله يكرر هالفرحه هالسنه وكل سنه

مسـاكين والله لعيبه الاهلي ..
جايين وماسكين خط واخرتها يرجعون لديرتهم بدون شئ !
حرام عليك يالزعيم حرام

لاعيبه الهلاليين مزلبين ام الكاس
يقولون ملينا من الكؤوس خلونا ننبسط تحت ونفلها

اسـألكم بالله مهوب وجه ينرحم ويضيق الخلق ..
والله حرام ياهلال تخلي طلال المشعل كذا وجه يصيح

ليش كذا يازعيم .. ليش ياعنبر ونواف تسجلون وتجيبون البطوله !
شوفوا مسكين النجعي ماسك الدمعه ومايبي يصيح
يالله ياهلال وش سويت في العالم

باي باي وبالانقليزي قود باي
كذا ودعنا جماهير الاهلي وقلنا لاتعودنها وتجون مره ثانيه

ربعنـا تجمعوا يبون ياخذون الكـأس
وكل واحد يعزم الثاني يقول وش رايك تاخذ ميدالتي وتجيبها معك
عاد واحد منهم نكوتي قال كلم ناصر حلوي تراه من زمان مارقى للمنصه

وصــد الامير الشــاب ..
صعد صاحب الارقام القيـاسيه ..
صعد الامير محمد بن فيصل ..
صعد لأستـلام الكـاس الخامس في تاريخ رئـاسته التى لم تتجاوز السنه ونصف
يالله 5 كؤوس في سنه ونص .. ماشاء الله
الله يرحمك ياعبدالرحمن بن سعود جلست في النصر 50 سنه وماحققت الا 20 بطوله
يعني هالامير الشاب لو يجلس 4 سنين بس بيجيب عدد بطولات النصر كلها

ياله من قدك يالقنـاص .. ثاني مباراة مع الهلال وخذت بطوله
بس الله يهديك سلم على اللي ماد يده لاتجحده ;)

تفاريس لاتقول ok امس تراك مخربها وطالع خرطي
اعقل وسنع عمرك لانعطيك تأشيره خروج بدون عوده
<< مسوي الرئيس على غفله :D

سبحان الله هالادمي مااحب لاعبه بس احبه كشخص لانه محترم
بس كلاعب قسم بالله يجيب التكه وضيقه الخلق
واكره مالي لاسوا يسحب وهو من جنبها .. ووووهـ بس منه

هاللاعب والله احبه وبشكل غير طبيعي
لو يغلط مليون مره احبه .. ياليته لاعب امس من الشوط الثاني
كان منهي المباراه منذ بدري

رحنا لم الجمـاهير اللاعبين يراكضون والجماهير يصارخون
والفرحه عامره على جميع ارجـاء الملعب

من قدك ياابوسعيـد .. لعبت في الهلال وخذت بطوله .. ماشاء الله لايضرك
وانت اول تلعب وتتعب في القادسيه واخرتها تفرحون انكم داخلين المربع

هالعارضه تأذت من الهلاليين وسمعت انها بتقدم شكوى
تقول ماصدقت افتك من ظافر البيشي تجي انت ياجبلي والياس
ياناس فكوني خلاص لاتخلون الهلال يلعب على نهائي :D

هـذا حارس المستقبل الهلالي
انتم بس ياجمهور الهلال عطوه ثقه وصدقوني بينسيكم الدعيع

امير الانسـانيه .. ماشاء الله حتى المعوقيين مانساهم
الله يخليك لنا ياابوسلطان .. والله يشفي هالمعوقين ..

خالد عزيز يقول حتى وانا اغير ملابسي تصورني
ياشين الشهره بس << مصدق نفسه قاتوزو

سعد الذياب والله ماقصرت انت واللي معك
وصلتونا النهائي وجابوا اللي اكبر منكم البطوله
بس الشكر بعد الله لكم انتم ..

كني اسمع محمد بن فيصل يقول ياهووه جيبوا الكاس
خلاص والله بنجيب غيره بس خلونا نمشي :D

نواف بن محمد داخل غرفه ملابس اللاعبين والظاهر انه ناوي يعطيهم مكافئات
لاتنساني ياابومحمد تراني مصور كل شئ < ياشين اللي مايعرف يلمح :D

اللاعبين يبون يطلعون للباص والجماهير مقفله الباب
ياترى ماهو الحل .. اكيد الحل العسكري موجود ومعه العصا :D

ورزوا الكـاس في مقدمه البـاص
عقبال مانرز الكؤوس الجايه

ابوسلطان ركب موتره وودع الجمـاهير
والجماهير تقول في نفسها صفقنا ان قدرت تمشي :D

اخر صوره هذي ميـدالية واحد من اللاعبين ..
وترى الاصبع اللي على جنب اصبعي :D
السـؤال اللي يطرح نفسه من تتوقع ميداليتة هذي ؟

.
.
.
.

عاد الحين اودعكم وسامحوني على البـثاره ..
بس من حقي هلالي
ولنـا لقـاء مع بطوله جديده بأذن الله ..

تحيــــاتي ..

**السهم القناص** · 07-10-2005, 11:16 PM

راااااااااااائع بما تعنيه الكلمة ولي بعض التعليقات عليها بس خلني اتفضالها شوي يبيلها جلسه مع شاي وناخذها وحده وحده ولي عوده معك اللي سويته ماهو اي كلام اللي قاعد تسويه روعه ومشكوووووووور فيصل حبيبي والف الف الف مبرووووووووووك البطوله

**آزهلها** · 07-10-2005, 11:29 PM

رائـع .. رائـع .. رائــع ..

أبدعـــت في التصـويـر وإلتقـاط الصـور يا فيصـــل ,,

ومن جـد .. حــرام والله يالزعيــم .. ما خليــت لهـم شي ,,

الـف شكـــر لك .. ولكمرتـــك :D

بس آكتشفــت إنك كـنت جالس حـولي .. :D

مشـكـور آخــوي .. وتعليــق ولا آروع ..

دمــت بإلــف خـــير .. وإن شـاء اللـه فاتحـة خــير .. مثـل الموسـم الماضـي ..

بدينــا بكـاس فيصـل .. وإنتهينـا .. بالملـك ,,

دمــت طــاهـر ...

**~ModAbid~** · 07-10-2005, 11:40 PM

والله جهد جدا رااااائع

مشكور على التغطيه الاكثر من رائعه

والف مبرووك

تحيااتي
~ModAbid~

آنيستا · 08-10-2005, 12:01 AM

أخــوي الله لا يهينكـ
مجهــود كبيــر تشكــر عليــه
مبــدع مبــدع ما شالله عليك بالصور وبالتعليق عليهآ

شكلكـ لاحسن صلعــة نيوتــن

سبحان الله هالادمي مااحب لعبه بس احبه كشخص لانه محترم
بس كلاعب قسم بالله يجيب التكه وضيقه الخلق
واكره مالي لاسوا يسحب وهو من جنبها .. ووووهـ بس منه

<<~~~~ تصدق بديت احس انآ حنآ أخـوان من الرضآع عقب هالنظريــه
القلــوب عند بعضهآ أما في ذي ,,

لآهنت
ننتظــر جديدكـ
لحد يبطي علينآ

صمـــت الجـــروح · 08-10-2005, 12:12 AM

مشكوووووووووور يابعدي ...

الله يعطيك الف عاااافيه ...

هلاليـــــه · 08-10-2005, 12:18 AM

يامال العافية والله وسعت صدورنا ....

والف مبرووك الفووز

**رجـه M!ss** · 08-10-2005, 12:53 AM

أهليـــن فيصــل

يعطيـك العافيه على الموضــوع

واضـح انه متعــوب عليــه

والله يسلم كامرتك اللي طلعت لنا مثل هالصــور

موسوعه ماشاءالله خخخخخخخخ

والله يدوم علينا فرحه الهلال <- ماتبي تقول نصر هع

هلاليـه بمزاجـي

أحم .. يسلموو أقين

**الــ قمرـــهـلال** · 08-10-2005, 01:18 AM

يعطيك الف عافيه
:::
الصور رائعه جداً
اما التعليقات ماشاء الله عليك اكثر من رائعه
وخلت للموضوع جو مميز جداً

:::

أمير بإخلاقك والله
الله يديم الأفراح عليك وعلى هلالنا
:::
صباحك ورد

**y-20** · 08-10-2005, 02:43 AM

جهد تشكر عليه...وما قصرت...ولا تحرمنا من كامر تك في المباريات الجايه

حلوه ورزه بس رجه · 08-10-2005, 03:06 AM

صوووووووووور روووووووووعه وتعلييييييييييق احلى تسللللللللللللللم يمنااااااااااااك عالتصوير الخطييييييير

الذ9يب · 08-10-2005, 03:26 AM

مشكور اخوي والله يعطيك الف الف الف عافيه

الذ9يب

الابداع لياسر · 08-10-2005, 04:56 AM

أقتباسالسـؤال اللي يطرح نفسه من تتوقع ميداليتة هذي ؟

نواف التمياط ولا الشلهوب

ومبروك البطوله

بو عزيز · 08-10-2005, 08:08 AM

يا مال العوافي ان شاء الله وسعت صدورنا ......
ومن بطوله الى بطوله والهلال من يطوله

هـ 9 ـلالي · 08-10-2005, 08:12 AM

اقتباس:

المشاركة الأصلية كتبت بواسطة فيصل

.
.
.
.

باي باي وبالانقليزي قود باي
كذا ودعنا جماهير الاهلي وقلنا لاتعودنها وتجون مره ثانيه

..

مبروك اخوي فيصل ... ويعطيك العافيه على الصوره

بس ياخي ماكنه غازي صدقه اللي في الصوره !!!!؟

07-10-2005, 11:09 PM	#1
فيصل عضو مؤسس للموقع	ياهلال وش سويت ... كل الفرق أبكيـت [ صور وتعليقـات ] . . . . مسـاء الخير لكل الهلاليين .. قبل كل شئ ترى ابتكلم في الموضوع بكل عاميه واببتعد عن الرسميه ولحد يلومني ان شطحت يمين ولا يسـار تراني هلالي وبكيفي امس سلمكم الله افطرت انا وواحد من سديقيني وسديقينكم تعرفونه زين بس اخاف اقول اسمه ويزعل المهم بعد ماافطرنا وعينا من الله خير ناظرنا طاش والرجال من عقبها مزعجني ياله كوه للملعب مشينا .. ترى تاخرنا ومن هالكلام اللي يوجع الراس قلت يارجال اسكت وماعليك ابوصلك للملعب قبل المباراة بساعتين وابخليك تدخل المنصه << مظبط وضعه مع بطاقتين دعوه للمنصه صلينا العشاء ورحنا لم الملعب وصلنا لقينا المواقف ماش مهيب مليانه قال وجع وين الهلاليين ليش ماجوا قلت ماعليك يمكن يصلون التراويح وبيهضلون علينا وانا تسذوب داخلني الخوف خبركم الهلاليين ماش المباريات اللي راحت ماحضروا مالكم بالطويله دخلنا الملعب ورحنا لم المنصه وكل ماجلسنا بمكان قالوا محجوز انا فيوزي صارت H قلت خير ترى انا فيصل مو حيى الله قال دور لك مكان ولايكثر ترى الامير سلطان بيجي ولانبي مشاكل قلت ابشر وانا ماكل العافيه جلسنا بمكان استراتيجي واتعب وانا اقول استراتيجي < متعوب عليها هالكلمه مادرينا الا جاي ورانا عبدالله بن مساعد ومعه سامي الجابر وعادل البطي ومع عبدالله بن مساعد ولده عبدالرحمن اللي كل شوي طالع لاابوه يقول بابا انا جوعان ويلتفت الولد على سامي ويقول ليش مالعبت معهم انت احسن واحد << ياحوبي لسامي حتى الاشاده تجيه من الصغار بدت المباراة والهلال ظغط وسيطر والعنبر يهدد وكل شوي وانا قامز وعبدالله بن مساعد احس انه وده يطلق من العبيد حقينه ويروضوني بس اخر شئ فهمتها وصرت مااقوم وانثبر بمكـاني جلسنا وانتظرنا لعل وعسى يسجل الهلال بس ماش الاهلي يخوف كل شوي منفردين ولا جايتهم هجمه بالعارضه وقلت خلاص شكل المباراة ضاعت ووافقني الرأي سامي بس طلعنا كلنا خرطي يوم جاب العنبر قول براسه وانا اقمز واضم سامي وحسيت انه زوجتي في ذاك الوقت<< بيتصفق هالادمي :D مادريت شوي الا جاب ابوبندر الهدف الثاني عاد ذاك الوقت دورني ماقدرت امسك نفسي وصرت ادق رقبه من الفرحه < دوسري ورجعت لااصلك عاد بعدها بديت اشغل الكاميرا وقمت اصور وخلونا الحين نروح في رحله مع التصوير والتعليقات ولاتشرهون على التعليقات تراني فايز ومبسوط جمهـور الهلال الرقم الصعب في المباراة كنت متخوف مااحد يحضر بس حضر وازعجنا باأهازيجه بس ياحولها ويازينها كانها بتجيب الفوز والبطولات نواف بعد ماجاب القول قلت والله لااصوره وسبحان الله لقطت الصوره وهو يسجد لله يشكره على القول تلوموني ياناس في حب هالادمي سامي بعد المباراة متشقق ومبسوط بعد ماكان وسط المباراة قافله معه ووده يطب لو بثيابه :D بالله ودي اسأل لاعيبه الهلال مامليتوا وانتم تفرحون خلاص ياناس عطوا باقي الفرق شوي حرام كل شئ تاخذونه منهم :D بالله مهوب جمهور يخوف .. مالوم لاعيبه الاهلي يوم مافازوا مقابلين الزعيم بين جمهوره .. الله لايلومكم يااهلي جده من قدكم يازعمـاء كل تفرحون وتنبسطون .. الله يحرسكم من عيون الحسـاد .. والله يكرر هالفرحه هالسنه وكل سنه مسـاكين والله لعيبه الاهلي .. جايين وماسكين خط واخرتها يرجعون لديرتهم بدون شئ ! حرام عليك يالزعيم حرام لاعيبه الهلاليين مزلبين ام الكاس يقولون ملينا من الكؤوس خلونا ننبسط تحت ونفلها اسـألكم بالله مهوب وجه ينرحم ويضيق الخلق .. والله حرام ياهلال تخلي طلال المشعل كذا وجه يصيح ليش كذا يازعيم .. ليش ياعنبر ونواف تسجلون وتجيبون البطوله ! شوفوا مسكين النجعي ماسك الدمعه ومايبي يصيح يالله ياهلال وش سويت في العالم باي باي وبالانقليزي قود باي كذا ودعنا جماهير الاهلي وقلنا لاتعودنها وتجون مره ثانيه ربعنـا تجمعوا يبون ياخذون الكـأس وكل واحد يعزم الثاني يقول وش رايك تاخذ ميدالتي وتجيبها معك عاد واحد منهم نكوتي قال كلم ناصر حلوي تراه من زمان مارقى للمنصه وصــد الامير الشــاب .. صعد صاحب الارقام القيـاسيه .. صعد الامير محمد بن فيصل .. صعد لأستـلام الكـاس الخامس في تاريخ رئـاسته التى لم تتجاوز السنه ونصف يالله 5 كؤوس في سنه ونص .. ماشاء الله الله يرحمك ياعبدالرحمن بن سعود جلست في النصر 50 سنه وماحققت الا 20 بطوله يعني هالامير الشاب لو يجلس 4 سنين بس بيجيب عدد بطولات النصر كلها ياله من قدك يالقنـاص .. ثاني مباراة مع الهلال وخذت بطوله بس الله يهديك سلم على اللي ماد يده لاتجحده ;) تفاريس لاتقول ok امس تراك مخربها وطالع خرطي اعقل وسنع عمرك لانعطيك تأشيره خروج بدون عوده << مسوي الرئيس على غفله :D سبحان الله هالادمي مااحب لاعبه بس احبه كشخص لانه محترم بس كلاعب قسم بالله يجيب التكه وضيقه الخلق واكره مالي لاسوا يسحب وهو من جنبها .. ووووهـ بس منه هاللاعب والله احبه وبشكل غير طبيعي لو يغلط مليون مره احبه .. ياليته لاعب امس من الشوط الثاني كان منهي المباراه منذ بدري رحنا لم الجمـاهير اللاعبين يراكضون والجماهير يصارخون والفرحه عامره على جميع ارجـاء الملعب من قدك ياابوسعيـد .. لعبت في الهلال وخذت بطوله .. ماشاء الله لايضرك وانت اول تلعب وتتعب في القادسيه واخرتها تفرحون انكم داخلين المربع هالعارضه تأذت من الهلاليين وسمعت انها بتقدم شكوى تقول ماصدقت افتك من ظافر البيشي تجي انت ياجبلي والياس ياناس فكوني خلاص لاتخلون الهلال يلعب على نهائي :D هـذا حارس المستقبل الهلالي انتم بس ياجمهور الهلال عطوه ثقه وصدقوني بينسيكم الدعيع امير الانسـانيه .. ماشاء الله حتى المعوقيين مانساهم الله يخليك لنا ياابوسلطان .. والله يشفي هالمعوقين .. خالد عزيز يقول حتى وانا اغير ملابسي تصورني ياشين الشهره بس << مصدق نفسه قاتوزو سعد الذياب والله ماقصرت انت واللي معك وصلتونا النهائي وجابوا اللي اكبر منكم البطوله بس الشكر بعد الله لكم انتم .. كني اسمع محمد بن فيصل يقول ياهووه جيبوا الكاس خلاص والله بنجيب غيره بس خلونا نمشي :D نواف بن محمد داخل غرفه ملابس اللاعبين والظاهر انه ناوي يعطيهم مكافئات لاتنساني ياابومحمد تراني مصور كل شئ < ياشين اللي مايعرف يلمح :D اللاعبين يبون يطلعون للباص والجماهير مقفله الباب ياترى ماهو الحل .. اكيد الحل العسكري موجود ومعه العصا :D ورزوا الكـاس في مقدمه البـاص عقبال مانرز الكؤوس الجايه ابوسلطان ركب موتره وودع الجمـاهير والجماهير تقول في نفسها صفقنا ان قدرت تمشي :D اخر صوره هذي ميـدالية واحد من اللاعبين .. وترى الاصبع اللي على جنب اصبعي :D السـؤال اللي يطرح نفسه من تتوقع ميداليتة هذي ؟ . . . . عاد الحين اودعكم وسامحوني على البـثاره .. بس من حقي هلالي ولنـا لقـاء مع بطوله جديده بأذن الله .. تحيــــاتي .. التوقيع: صفحتي ع التويتر- اتشرف بتواجدكم https://twitter.com/#!/Fai9al15 لِـ / أحْلَامُنَا بَقَايّا لَنْ تكْتَمِل إلاّ فِيّ [ ,’ الجَنّه ,’]

07-10-2005, 11:16 PM	#2
السهم القناص . . : زعيم القناصين : . .	مشاركة: ياهلال وش سويت ... كل الفرق أبكيـت [ صور وتعليقـات ] راااااااااااائع بما تعنيه الكلمة ولي بعض التعليقات عليها بس خلني اتفضالها شوي يبيلها جلسه مع شاي وناخذها وحده وحده ولي عوده معك اللي سويته ماهو اي كلام اللي قاعد تسويه روعه ومشكوووووووور فيصل حبيبي والف الف الف مبرووووووووووك البطوله التوقيع:

07-10-2005, 11:29 PM	#3
آزهلها كبار القناصين	مشاركة: ياهلال وش سويت ... كل الفرق أبكيـت [ صور وتعليقـات ] رائـع .. رائـع .. رائــع .. أبدعـــت في التصـويـر وإلتقـاط الصـور يا فيصـــل ,, ومن جـد .. حــرام والله يالزعيــم .. ما خليــت لهـم شي ,, الـف شكـــر لك .. ولكمرتـــك :D بس آكتشفــت إنك كـنت جالس حـولي .. :D مشـكـور آخــوي .. وتعليــق ولا آروع .. دمــت بإلــف خـــير .. وإن شـاء اللـه فاتحـة خــير .. مثـل الموسـم الماضـي .. بدينــا بكـاس فيصـل .. وإنتهينـا .. بالملـك ,, دمــت طــاهـر ... التوقيع:

07-10-2005, 11:40 PM	#4
~ModAbid~ . . : زعيم القناصين : . .	مشاركة: ياهلال وش سويت ... كل الفرق أبكيـت [ صور وتعليقـات ] والله جهد جدا رااااائع مشكور على التغطيه الاكثر من رائعه والف مبرووك تحيااتي ~ModAbid~ التوقيع: القناص

08-10-2005, 12:01 AM	#5
آنيستا قنــاص مبــدع	مشاركة: ياهلال وش سويت ... كل الفرق أبكيـت [ صور وتعليقـات ] أخــوي الله لا يهينكـ مجهــود كبيــر تشكــر عليــه مبــدع مبــدع ما شالله عليك بالصور وبالتعليق عليهآ شكلكـ لاحسن صلعــة نيوتــن سبحان الله هالادمي مااحب لعبه بس احبه كشخص لانه محترم بس كلاعب قسم بالله يجيب التكه وضيقه الخلق واكره مالي لاسوا يسحب وهو من جنبها .. ووووهـ بس منه <<~~~~ تصدق بديت احس انآ حنآ أخـوان من الرضآع عقب هالنظريــه القلــوب عند بعضهآ أما في ذي ,, لآهنت ننتظــر جديدكـ لحد يبطي علينآ التوقيع:

08-10-2005, 12:12 AM	#6
صمـــت الجـــروح قناص مميــز	مشاركة: ياهلال وش سويت ... كل الفرق أبكيـت [ صور وتعليقـات ] مشكوووووووووور يابعدي ... الله يعطيك الف عاااافيه ...

08-10-2005, 12:18 AM	#7
هلاليـــــه قناص جديد	مشاركة: ياهلال وش سويت ... كل الفرق أبكيـت [ صور وتعليقـات ] يامال العافية والله وسعت صدورنا .... والف مبرووك الفووز

08-10-2005, 12:53 AM	#8
رجـه M!ss . . : زعيم القناصين : . .	مشاركة: ياهلال وش سويت ... كل الفرق أبكيـت [ صور وتعليقـات ] أهليـــن فيصــل يعطيـك العافيه على الموضــوع واضـح انه متعــوب عليــه والله يسلم كامرتك اللي طلعت لنا مثل هالصــور موسوعه ماشاءالله خخخخخخخخ والله يدوم علينا فرحه الهلال <- ماتبي تقول نصر هع هلاليـه بمزاجـي أحم .. يسلموو أقين التوقيع:

08-10-2005, 01:18 AM	#9
الــ قمرـــهـلال . . : زعيم القناصين : . .	مشاركة: ياهلال وش سويت ... كل الفرق أبكيـت [ صور وتعليقـات ] يعطيك الف عافيه ::: الصور رائعه جداً اما التعليقات ماشاء الله عليك اكثر من رائعه وخلت للموضوع جو مميز جداً ::: أمير بإخلاقك والله الله يديم الأفراح عليك وعلى هلالنا ::: صباحك ورد التوقيع: ( 3 ) كيف أيامي بدونك !! My Space : : No Comment :

08-10-2005, 02:43 AM	#10
y-20 . . : زعيم القناصين : . .	مشاركة: ياهلال وش سويت ... كل الفرق أبكيـت [ صور وتعليقـات ] جهد تشكر عليه...وما قصرت...ولا تحرمنا من كامر تك في المباريات الجايه التوقيع: سبحان الله وبحمده سبحان الله العظيم

08-10-2005, 03:06 AM	#11
حلوه ورزه بس رجه قنــاص فعــال	مشاركة: ياهلال وش سويت ... كل الفرق أبكيـت [ صور وتعليقـات ] صوووووووووور روووووووووعه وتعلييييييييييق احلى تسللللللللللللللم يمنااااااااااااك عالتصوير الخطييييييير التوقيع: شكرا أخوي alqnas20 على التصميم ..

08-10-2005, 03:26 AM	#12
الذ9يب موقوف لمدة أسبوع	مشاركة: ياهلال وش سويت ... كل الفرق أبكيـت [ صور وتعليقـات ] مشكور اخوي والله يعطيك الف الف الف عافيه الذ9يب

08-10-2005, 04:56 AM	#13
الابداع لياسر قناص جديد	مشاركة: ياهلال وش سويت ... كل الفرق أبكيـت [ صور وتعليقـات ] أقتباسالسـؤال اللي يطرح نفسه من تتوقع ميداليتة هذي ؟ نواف التمياط ولا الشلهوب ومبروك البطوله

08-10-2005, 08:08 AM	#14
بو عزيز قناص مميــز	مشاركة: ياهلال وش سويت ... كل الفرق أبكيـت [ صور وتعليقـات ] يا مال العوافي ان شاء الله وسعت صدورنا ...... ومن بطوله الى بطوله والهلال من يطوله