شبكة القناص - الموقع الرسمي للاعب ياسر القحطاني - .. ][ اللقـاء الرمضاني الأول مع (( روبن هـود )) ][ ..

أولا : عتب على الأخ العزيز الفجر البعيد .

يا اخي يوم شفت ردي مليان أخطاء ورا ما عدلتها الله يجزاك خير خربت سمعتي .

ثانيا :- عتب على الأعضاء : -

الله يحلل زعيم هلالي عندكم خخخخخ ذكروني اقولكم سالفته و سالفة التصويت اللي صار ضده .

أقتباسكيكة بالشكولاته:-

فيه خفة طينه ما شاء لله
والاسئله كلها روعه ولا فيه شي مب حلو كله كذااااااااا
ب.تخرطفت في الشارع او في مكان عام..وطحت؟
في الراشد الله يطول عمرك جبت الدرج من اوله لآخره وكانت معي امي اول ما قمت التفت عليها واقول وكذا الناس يسوون عشان ينزلون من الدرج بسرعه .
8
وش ردت عليك امك <<اكييد قالت امش امش بس بلا فلفسه

الروح :- يا روح ما بعدك روح
الحب :- زين خصوصا مع الشاهي
الروح:- تسمع لبشرى
الحب:- احلف

محمد
والله وانا اسمع الاجوبه على الاسئله سمعت يمكن انت اكثر واحد يا محمد قلت يا هو بن خوري او روبن بس جد شكلك يلبق عليه تركي اكثر من محمد

أي أكلة شعبية نجدية :- المرقوق الجريش مراصيع وانت ماشي
ما عرفت المراصيع اشرحوا شكلها

أ.انسرق بوكك..?
والله الي بيسرقه ان يتحسف مهوب لاقي فيه شي الا بطاقة جامعيه وبطاقة البنك الامريكي ما فيها الا 90 ريال وما اقدر اصرفها خخخخخخخ

بس للضرورة تقدر احمد ربك عندك شي تحلق فيه شعرك غيرك ما عنده
ولد- ريان
طيب وش رايك في اسم مصعب وطراد

تشكرات على المقابله الروعه:)

هلا والله كيكه يا الله حيها :-

بالنسبة لسالفة الطيحة وردت فعل أمي كانت طبيعية مثل أي أم سعوديه حيث قالت غفر الله لها :-
ساد :d ومعنى ساد لغويا :- أي أحسن

المراصيع :- عباره عن بر طول الله عمرك يحط معه حليب وبعضهم يزيد عليه البصل قطع صغيره ( الله من واحد حامت
تسبده ) المهم تبطخ وتؤكل ساخنه وغالب ما تكون على الفطور ويا زينها مع الشاهي . <--- انت كل شي عندك
يا زينه مع الشاهي .

بعدين 90 ريال ذي مالك أمل تنسحب ما تسحب الا مية ومضاعفاتها خخخخخخخخخ مدري من لاعب على البنك وقال إني ولد الجميح يوم ما اسحب الا ميه ومضاعفاتها .

بالنسبة لمصعب وطراد ايه ما عليهم يقربون لتس ؟ :d

اللي بعده .

أقتباسb l u e

السـلام عليـكمـ : )
شغالين مقابلات هالأيامـ .. !
مقابله حلوه و خفيفه أوي .. والأجوبه العفويه تحليها أكثر .. ،
بس التنسيق لك عليه شوي يالفجــر.. ،
يعطيك العافيــه

ايه والله هي صادزه يا الفجر البعيد عليك تنسيق تقول تسنه خط البلده <--- الي ما يعرف معناها يراسلني .

أقتباسبيلســــــــان

مشكور يالفجر البعيد على هاللقاء.....بس مثل ماقالت الأخت بلو التنسيق لك عليه>>>>>>>>>بلشه بنات
. هل هناك أعداء لك ؟؟

نعم

الله يستر لا اصير منهم

نجي لأسألتي.........
1\بما انك في جامعة البترول هل تعرف ولد عمتي..تراه هادي ومجتهد....هاه عرفته ....خخخخخ

2\انت من سكان الشرقيه؟ ومن اي ديره بالضبط(ادري انك نجدي بس ابيك تحدد)>>>>ملقوفه

3\ ما توجهك بعد الجامعه....بتكمل دراسات عليا؟ بصراحه انت قده والا لا؟

كلمه اخيره لروبن....

اتمنى لك التوفيق في حياتك .........ويعجبني اسلوبك بالتفكير ولو اني اختلف معك في بعض النقاط واتمنى كل من دخل النت من هالشباب يفكر مثلك في حسن استخدامه............
وان شاء الله نشوفك مهندس كيميائي أد الدنيا>>>>>>>>>قده يا بو>>>>اقلد الشباب اذا تكلموا مع بعض.

ترانا ننتظر روبنيات Three>>> ماتنعطى وجه

هلا والله بيلسان بعدين من قال انتي عدوه لا حشا من قاله الا عزيزه وغاليه

1- سلمي لي على ولد عمتس بعدين من الي لاعبن عليتس ان البترول ما فيها الا انا وولد عمتس :d

2- ايه نعم من سكان الشرقيه ومن مواليد الشرقيه ومولود في ارامكو <--- بير بترول مهوب آدمي . أما ديرتي هي
الخرج سيتي :d

3- والله بيني وبينك نعم ان شاء الله راح اكمل دراسات عليا وان شاء الله اني قدها .

كلمه أخيره لبيلسان :- يا عزيزتي مهما بلغ الاختلاف في الرأي فثقي تمام الثقه انها ما راح تتعدى اكثر من كذا
بالنسبة لي يا عزيزتي انا اختلف مع اعز اصدقائي وشي طبيعي والفكره الصحيحه هي نتيجة لعدة اراء مختلفة .
شاكر لك واتمنى اني اكون عند حسن ظنك .

أقتباسرامي السهام

روبن هود
.
.
حيـااك الله أخوي القديــر
بدايـه أرحب فيك في هذا اللقاء الرائــع
والشهر مبارك عليك وكل عام وانت بخير

اختيار موفق وعظيـم أخوي الفجر البعيد
وملاييـن الشكر لاتاحة الفرصه لناا مع ضيفنـا الكريــم ..
والذي أنار جنبات هذا القســم بمقدمــه

روبن هود
شخصية مهمه تألق في سماء القناص
عندما يضيف موضوع أو رد
تجد الفكاهه و روحه المرحه متواجده دوماً
وعندما تجدهـ في موضوع نقاش
نجدهـ شخص متفهم للأمـور
وشخص واعـي ومثقف ..

تشرفت بمعرفته وبالعمل معه
واستفدت الشئ الكثير..

والآن أستأذنكـ لطرح بعض الأسئلة :

1- ماذا تعني لكـ عبارة هكذا علمتني الحياة ؟
2- ما هو مفهوم الحرية الشخصية لديكـ . وما هي حدودها ؟

هذا مالدي حاليا ...
ودمت بكل خير وعافية
يسعد ايامك

الشكر لازال موصول لك اخوي الفجر
على مجهودك وعلى هذه الفكرة الرائعة
وعلى اختيارك الاكثر روعة
وبالتوفيق للجميع

أبو العنود :$ اتمنى أني أكون عند حسن ظنك وكلامك هذا اعتبره وسام فخر لي يكفي انه صدر من انسان مثل
رامي السهام . ( يا اخي من زين حتسيك ما عاد قدرت اجمع ) .

1- يا الغالي الحياة عبارة عن مجموعة من التجارب والاكتشافات والانسان العاقل هو من يستغل ذلك لمصلحته في الدنيا والآخرة .

2- الحرية الشخصية هي ممارسة جميع ماشرعه الاسلام لي كإنسان مسلم .
وحدود الحرية :- هي عندما لا تتعدى حدود حريتك على حدود حرية شخص آخر .

ابو العنود أحبك يا شيخ P9 .

أقتباسأجودية :-

السلام عليكم .. ,

الله الله يالفجر .. مبّدع في صوت جماهير القناص وساحب علينا

فكره حلوه ..

ضيف رائع .. وأسئله متنوعه .. وأجوبه عفويه

ماخليت لنا شي نسأل عنه

بكتفي بسؤال واحد .. ,

هل تتحكم عاطفتك في اتخاذ قرارات وتبنّي آراء .. ؟

عوافي

هلا والله أجودية ومشكوره على نشاطك الملحوظ في المنتدى
بالنسبة لسؤالك :- أنا انسان احاول اتخذ قراراتي بشكل منطقي بدون تدخل العاطفة ولو حسيت ان عاطفتي
تؤثر على قراري أؤجل البت في القرار لما أهدا .
يعني عقلي هو له نصيب الأسد في أغلب قراراتي

أقتباسبلوتوث قيرل

رووعـه اللقاء

اعجبتنيـ الاجوبـه بصراحه ..

والاعجبني اكثر اسلوبـ الفجر وتعليقاته مت من الضحك :)

امممممممم وش اسأل ماشاء الله الفجر ماقصر .,<يازينك ساكته

تيب ..

1\من متى وانت تعرف ياسر(القناص) ..؟
2\من اكثر عضو ترتاح له وتحب تفضفضله ..؟
3\من لاعبكـ الاوربيـ المفضل ..؟

سوريـ ع الاطاله

هلا والله وغلا يا الله حيها .

1- تقريبا من اربع سنوات .
2- أفضل حافظ لأسراري نفسي . وما عليك من اللي يقولتس فضفض لي خذو هالحكمه . ( طالب السر مذيع له )
3- رونالدينهو

أقتباسمحاسبة هلالية :-

1/ هل ترضى بأن تكون زوجتك في المستقبل عضوه في المنتدى ؟<<بكل صراحه
لاتجاوب بمثالية
بما انك تعرف ياسر وقريب منه ابغى اسالك عنه
2/ ماهي الشهادة اللي يحملها ياسر وما مصدرها ؟
3/ هل صحيح انه خخخخ تم حذف السؤال ؟ولو لا وين <<ما فيه امل ..بس لو تجاوب بعطيك

هلا والله محاسبة هلالية .

1- إيه نعم أرضى ليش لأ يعني أنا عادي وهي لأ بعدين شي حلو لما زوجتي تشاركني اهتماماتي حتى لو كانت
مجاملة هذا ان دل , دل على حبها لزوجها . الله يرزقنا واياكم الزوجه \ الزوج الصالح الي يعينك على دينك ودنياك .
2 - ههههههههههههههه والله لو اني الاستاذ حنفي مدرس الرياضيات حقه .

أقتباسهلاليه..أناعاشقتك يا ياسر

هههههههههههههه..

والله لقاءكم رووووووووعه وخفيف دم لاقصى درجه..

والله انك كنت ضيف عزيز وغالي وخفيف بنفس الوقت يا روبن..

وانت يا فجر كفيت ووفيت ما تقصر والله..

وطريقه الحوار بالنسبه لي حلوه مرره..

وعندي سؤال واحد بس واذا خطر على بالي اسئله ثانيه اكتبها ان شاء الله..

س/:وش رده فعل امك من طيحتك..وان شاء الله ماتطيح مره ثانيه..؟؟

وقبل لا انسى شهر مبارك عليكم والله يعوده علينا وعليكم بكل خير ان شاء الله..

والله يوفق يا روبن بدارستك والله يوفقنا كلنا..آآآآآمييييييين..

وانت صدق تحب اللغه الاسبانيه حتى انا اعشقها ما ادري ليش بس ودي اتعلم كلمات فيها..

ومشكوورين مره ثانيه والاسئله والاجوبه والاسلوب كله حلو بحلو..

دمتوو بوووووود..

تقبلوا مروري..

تحياتي..

اختكم:هلاليه..انا عاشقتك يا ياسر..

هلا والله أختي هلالية انا عاشقتك يا ياسر شكرا على الاطراء الجميل ولو اني عاتب عليك ( تبين تعرفين ليه ارسل لي على الخاص )
على العموم ردت فعل امي وضحتها من قبل .

أقتباسالهــرش

روبن هود ..
أخ عزيز ..
و صديق عزيز ..
و غلاتك تعرفها و لا يحتاج أكتبها ..
جلست معك و أكتشفت فيك أشياء كثيره ..
و هي شهادة حق و يوجب علي ضميري أن غيري يعرفها ..
طيبة قلبك و بياضه ..
صدقك في التعامل و لا تحب اللف و الدوران في تعاملك ..
خيالك و أفكارك كفيله بأن تخلي منك رجل ناجح في المستقبل بإذن الله ..
و قبل كل شيء .. حبك و علاقتك مع شقيقك الغالي ريان ..
كانت هي الميزه التي لفتت ناظري ..
أدامها الله من أخوه و صداقه و حب و وفاء ..

أسئلتي كالتالي : -

*هل تعتقد أن الطيبه في هالوقت أصبحت صفه ذميمه
و أصبحت تعيب الرجل .. و الدليل أن الرجل الطيب أصبح يستغل
و ينادى بـ السبيكه و المخفه ؟!!

*أحلامك .. أفكارك .. خيالاتك .. هل يشارك فيها أحد ..
أم أنها تظل وحيدة في مخيلتك .. ؟

* الكثير من الجماهير و تحديداً الهلاليه
أصبحت ترى بأن ياسر أسطورتها القادمه ..
و أنه هو من سيحمل لواء الزعامه من بعد سامي ..
هذا سيشكل حملاً ثقيلاً و كبيراً على أبو سعيد ..
ما هي نصيحتك لياسر .. و للجماهير .. ؟

الله يصلحك يا ابو فيصل وش ذا المقدمه P9
يا بعدي والله ويكفيني من الموقع معرفتي بك وتشرفت بك يا الغالي ولو اني حاقد عليك يا بن الذين :d

1- اول شي يا بعدي الناس فاهمه الطيبه ضعف و خوف لكن الانسان الطيب مهوب ضعيف ولا هو خواف
بالعكس اعتبره انسان قوي . ( ليس الشديد بالصرعه ) .
لكن الدنيا تتغير والناس تتغير وتغيرت القيم . لكن على فكره الانسان الطيب شخص ذكي مهوب غبي . وهو اللي
يربح في النهاية .

2- بالنسبة للأفكار عندي دفتر طول الله عمرك مليان شخابيط كله افكار وتخطيط سواء لحياتي للموقع لأي شي
انا انسان من النوع الي ما تدري صدفه الا وطالع في راسي شي بعض الاحيان اقوم من نومي بفكره معيه تلقاني ادور الدفتر اكتبها همن ارجع انام <--- خبل مهوب صاحي .

3- بالنسبة لأبوسعيد طبعا اللي ما يدري ترا تصير بيني وبين ابو سعيد في اغلب الاحيان مكالمات خصوصا بعد المباريات اتناقش فيها انا وياها عن السلبيات والايجابيات .
وابو سعيد بسم الله عليه على المواصيل الي وصلها في فتره قصيره الا انه ولله الحمد لا يزال هو ياسر قبل الشهره
سواء مع اهله واصحابه او مع الناس فالنصيحه الي اوجهها له اقول شد حيلك يا بعدهم والقلب داعي لكم .
بالنسبة للجمهور اقولهم انت وقود ياسر وانت راس مال ياسر فلا تبخلوا عليه بنصيحه بتوجيه بنقد بناء . فهو لمصلحة ياسر أولا ومصلحة ناديه .

أقتباسبندر :-

اهلا ً اهلا ً

شوف هو سأل لحس مخي

::
س / قبل فتره سمعت انك ولد عم ياسر .. وفي لقاء ياسر المسجل يقول انك احد اصدقائه القدماء ...؟ ماتعليق سموكم ..
.
.
ثاني سؤال
::
ابيك تتكلم عن الهرش في ثلاث سطور .. تكفى مانبي إجابه دبلوماسيه ابيك تصرح لي كإانفراد للقناه ض1
.
.
تحياتي ياحياتي

هلا والله بندر P9 أحووبك يا شيخ .

1- انا يا عزيزي من اصدقاء ياسر لكن منيب ولد عمه .
2 - ثلاث سطور قل مجلدات .
الهرش الأخ
الهرش الصديق
الهرش مراقب منتديات ياسر القحطاني
<--- ثلاث سطور .

أقتباسابوناصر

الفجر البعيد ياحبي لك

روبن وانت بعد احبك

:::

روبن p9

من اكثر المراقبين غيره على الموقع .. واكثرهم نشاطـاً وتعبـاً .. غير السحبه على الدراسه علشان المنتدى << والله اني ارحمك ياعمري

ان شاء الله في موازيين حسناتك .. وماراح ننسى الشئ هذا ابداً .. ,

سؤالي من متى وانت تعرف ياسر يعني هم جيرانكم من يوم انت صغير بالابتدائي مثلاً !

هلا والله يا ابو ناصر وانا بعد والله احبك . والله يجزاك خير على هالكلام ولو اننا مقصرين واجد لكن سامحونا على القصور .
اعرف ياسر من اربع سنوات تقريبا من خلال نادي القادسية وقبلها في نادي لوتو الرياضي . ياسر من الناس الي
اذا جلست معه اول مره تحس انك تعرفه من سنين و تشرفت صراحه بمعرفته فهو اخ وصديق لي .

أقتباسمــرعـبتهم .

.

.

مشكوور أخوي الفجر البعيد ..

الاسئلة كانت كثير حلووهـ ..

عوافي ...

هلا بمراقبنا روبن هود ..

نور المنتدى بوجودكـ ..

الاجابات كانت عفويهـ .. وظريفهـ كثيرر ..

وفاة جدتي الله يغفر لها ويرحمها كان له اثر الى يومك لا زلتاتذكره

الله يغفر لها ويغفر لجميع موتى المسلمين ..

والله لو الود ودي كلهم قابلتهم

طيب وين تبينا نتقابل ؟؟<<بتتصفق

مره من المرات الملجس خرب مكيفه

ياليت تحدد الملجس هذا وين موقعهـ بالضبط بالبيت لاني أول مرهـ أسمع بهـ ..

لا انت ولا غيرك كلكم عسل على قلبي

يسلمووووو ..

في الراشد الله يطول عمرك جبت الدرج من اوله لآخره وكانت معي امياول ما قمت التفت عليها واقول وكذا الناس يسوون عشان ينزلون من الدرج بسرعه

<<ميتهـ ضحكـ اتخبل شكلكـ والله فشلهـ .. بس ودي اعرف الناس ذاكـ الوقت وش ردة فعلهمـ ؟؟

سؤال أخير ..

كيف تعرفت على بن خوري .. وyasser20 اذا مافي اشكاليهـ اشرح بالتفصيل << اووص بس

أختكــ ..
مــرعـبتهم ..

هلا والله مرعبتهم .

شوفي الناس كثير ما تقع في مواقف محرجه بس الفن هو كيف تطلع من الموقف بأقل من الخسائر انا حاولت
اني اخلي الناس تضحك على التعليق اكثر من الطيحه .
ببساطة الناس متخيليني اني باتلطم واطلع انا قمت اضحك والتفت على امي وبصوت عالي وعطيتها جملتي الي قلتها فهنا وجهت تفكير الناس من الطيحه للجمله الي قلتها وتصرفي وهنا انقذت عمري من الاحراج .

2-
بن خوري :- صديقي من 12 سنه تعرفت عليه من الحاره والان هو نقل من الحاره وكل يوم علاقتنا تصير اقوى واقوى .

Yasser 20 :- ولد عمتي وحبيب قلبي ويدرس معي بالجامعه بنفس التخصص .

.

ههههههههههه ساعه وانا ارد راجع للبقيه بإذن الله اذا فيه اسئله