* ~ *
ساكت وانا في داخلي زحمة أصوات
هادي وانا هوج العواصف بعيني !
يالشعر أنا ضاقت علي المساحات
وحتى الدروب لكل تيه تهديني !
لله ياشعري ولو بعض الأبيات
قبل لأ أطيح من التعب يا عويني!
من كثر مافيني من الحزن مرآت
أحس حتى اللي معي مايبيني !
مافات مات (العفو) مافات مامات
مافات كله عايش بخير فيني !
وألاّ وش اللي حدني بعض الأوقات
أرمي على راحة يديني جبيني!
وش فيك ساكت ماورى هذي سكات
عجل عليّ قصايدي تحتريني !
خذني لهن (واحد ) كله شتات
من سهد عيني لأرتجافة يديني !
مشتاق أرددهن من الذات للذات
وأحكي لهن وأحكي بهن وأحتويني !
ولا الأكيــــــد اني رغم مافآت
عجزت لآ ألقى لي (كلام ) يحكيني ..!
...
#رائعة الشاعر / محمد الحويماني ..

لكل من مر من هنــــا ..

الذين يشاهدون محتوى الموضوع الآن : 33 ( الأعضاء 1 والزوار 32)

أهلاً بكم زواري شكراً لكم لمروركم نورتوني ..

إن كان تسأل من على الروح أغليت ..؟
أغليت لي اثنين ..في وسط عيني
أبوي وأمي.. في غلاهم تماديت !
لي حق أفخر ..في غلا والديني
والثالث أنت عقبهم بالغلا جيت
ياللي غلاك استقر وسط عيني !
...

على بالي طريت ,,وكيف ماتطري على بالي ؟
وأنا اللي مستحيل أنساك في حلك وترحالك .!
ترى ماكل شخص أستقبله وأشرح له أحوالي
ولا كل البشر عندي مثل قدرك ومنزالك !
..

#
وكل يوم أحبك أكثر ..ومع كل نبضه بقلبي أشتاق لك أكثر ..
بوحي

لك في خفوقي ألف مرسى للإبحار
شد الشراع وشيل مرسى السفينه !
أبحر عساك تكون للروح بحار
أمواج قلبي في يمينك رهينه..!
لجلك كتبت أهواك بأصداف وأحجار
وفاض البحر للبر وأعلن حنينه..!

\\ الأماكن \\

لا تهج البوح لـ أحسـاس الأماكـن::: يمتلي صـدر الـورق حـزن وكآبـه
الشـوارع مظلمـه , والبيـت داكـن::: والنوافـذ كلهـا صـمـت وغـرابـه
والموانـئ خاملـه , والمـوج راكـن::: يلفـظ انفاسـه علـى شـط الكتابـه
جيت أعشم بردها بـ الصيف لكـن :::الفصول الأربعه ../ بـرد , و رتابـه
آآه لا صار الغلا بـ الجرح ساكـن::: والخناجـر كلـهـا ربــع وقـرابـه
مايطيـب الحـال دام الحـب مـاكـن ::: من عروق , ومن فياض ومن سحابه
ومن نشدني عن سبب حزن الأماكـن:::جف صوتي , مت , ما شاف الاجابه!


لـــ / محمد الحويماني .

* * *


أحبك .. عد مااكتبلـك خواطـر صادقـه واشعـااار ..
وعد البعد ما يقسـى "بـلا رحمـه" علـى أشواقـي
"حبيبي" لو تبي بعلـن < غـلاك > بنشـرة الأخبـار
لجل كل العرب / تعلـم .. بأنـك سيـد عشاااقـي !!

خذني معك لآخر دروبك ..ماأبي غيرك حبيب ..
وخذ بيدي لأخر مسافات الوله والجنون ..
وابقى انا معك ..أتبعك
ماأبالي لو كل البشر يحكون ..
ماهمني حكيهم ..المهم في قلبك أكون ..!
...
بوحي

_








+إهــدآء بسيط مني لك غيّومه ,

وأنا أحبك وقلبي يشتعل غيرهـ ..
كل ماشفتهم يمك ..جنت جنوني ..
...
بوحي

وأشتقت لأيامٍ مضت ..لن تعود ..!
فمان الله يا أيـام البراءة والمراجيح ..!

ضاقت فيني رحاب الكون وكل الوسيعه
وجيت افضفض للورق ..لين الورق ضاق
الحزن ماكن في حنايا القلب عني من يشيله
ياضيقة أوراقي ..لا تزيدين فيني الاختناق
جيتك أبي عونك تحتوين اللي ما اطيقه
لا تخذليني ترى ماعاد فيني صبر ينطاق
من ضيقة الصدر ياورق لمين اشتكيله
وبعد ماضاقت بعيوني كل الآفــــــاق
انا قصة حزن عنوانها أحلامٍ مستحيله
واحداثها عيت تحتويها كل الاوراق
...
بوحي