اعتقد انك احد الحاقدين او بالاصح المندسين في هذا الموقع . نحن مع الامير محمد بن فيصل في كل صغيره وكبيره واعتقد انه هو البطوله الحقيقيه للجماهير الهلاليه . وكلامك اللي قلته اعتقد انه خرج من انسان متعصب يكره الهلال . فنحن نحب محمد بن فيصل وهو يحبنا . اما انت ..............!!!!!!

8
8
8
8
خخخخخخخخخخخخخخخ...حلوة مندس:D ...معقولة..الى الان فيه جمهور بهالتفكير:o

شووفوا ..

ما احد فوق النقــد

من رئيس النادي الى الفراش ...

كل ينتقد وكلن يسأل عن سبب التقصيـر ..

شغل مندس ... ما مندس مهوب يمشي ...

ما عجبك الكلام ... تعال رد بتعقل وفند ... واثبت وجهة نظرك المخالفه

اما مندس ذي مهيب لنا يا الهلاليين ..

راجع ارد عليك يا المعاملتيـن .. بس باقعد اطل عليكم لين يهدى الوضع لان اللعب بيصير حامي ...

راجع لك

رد في صلب الموضوع

ولا تردين ..

.....................

رووبـن هـود

الموضوع تحت اشرافي أنا ,,

اتمنى ان تكون الردود في صلب الموضوع ...

شغل مندس وما مندس ما بيه ...

على فكره ترا المعاملتين هلالي .. للعلم فقط ...


تحياتي

صباح الخير ان كان صباحاً,مساءالخير ان كان مساءً,
حبيت ارد ع الاخ اللي يتكلم عن محبوب الجماهير الامير محمد بن فيصل الله يخليه لنا
اولاً انت لما تتكلم قاعد تتكلم بلسان الجماهير الاهلالية والا حنا كهلاليين واثقين بأبو سلطان
وهذا الشئ واضح بجماهير الزعيم ومساندتها للهلال وفي حبه للزعيم وفي اخلاصه للكيان اللي يعشقه
قبل لا يكون رئيسه
ثانياً في اكثر من عضو شرف يدعمون الهلال والامير محمد ماقصر بدعم الهلال مادياً ومعنوياً ولافي يوم سمو الامير
او اي عضو شرف استعرض قدام الفلاشات والإعلام قال راح اعطي وراح اصلح واكيد انت تقصد بكلامك شخص ثاني معروف مين هو اللي ماقصر قاعد يدعم ناديك المفضل
وبالنهاية ابو سلطان افضل رئيس نادي سعودي بلا منازع ودامك شاطر تتفلسف ورى ماتتفلسف ع ناديك يمكن يستفيدون من ملاحظاتك الدقيقة يافاهم اقصد يانعمان ههههههههههههههههههههاي

هلا المعاملتيـن . . .


كأنك تحاملــت على الرئيس واجــد .....

1- اتفق معك في نقطـه ... انه شخص انفعالـي بشكل كبيـر .. لكنه يتراجـع اذا عرف أنه اخطأ . . .

2-

استغفر ربك يا رجال .. متى ذلنا والا من بها علينـا . . . الرجال حط هو وابوه ما يقارب 100 مليون ريال ... ما اعتقد محمد بن فيصل قد صرح تصريح بهذا الشكل ... وهو بعيد عن الأمـور هذي

3- الموسم هذا بالذات ... ما الوم ابو سلطان لو يسوي ما يسوي .. من بداية الموسم والجماهـير جاحدته وبالذات جماهير الرياض ...
جاب بطولات وجاب افضل اللاعبين .. تلبيه لرغبة الجمهور .. فمن حقه انه يتشرط على جمهور .. بس للأسف الجمهور خذله ..
اذا الجمهور ما وقف مع النادي من البداية متى يوقف معه في النهائي بس . . . في الادوار النهائيه .. طيب وين الجمهور قبل ..
بيني وبينك لو انا مكان ابو سلطان كان استقلت ... لان سر انقطاع الجماهيـر بسببين ... اما ان الفريق ما يحقق بطولات .. وهذي مستبعده لان الهلال حقق الموسم كل البطولات ... او ان الجمهور ما يبي رئيس النادي .... وهذا الي تكلم فيه ابو سلطان ...
وهو معاه حق .. لما انسان يتعب .. ولا يلقى التقدير اكيد باطلع ...

ولما محمد بن فيصل يطالب بتقدير جهوده وجهود ادارته مهوب معنااه انه بيذلنا بفلوسه

4-

أقتباس

شخص متناقض..شخص مو قادر يركز في تصريحاته فما بالك بقرارته...شخص يبي يكون الابرز في الفوز..ويزعل اذا قال احد انه سبب الخسارة....شخص يبرر خسارة فريقه بسبب مدير المنتخب!!!!!!!!!!! في اوضح و اصعب استهتار بمشاعر و عقليات الجمهور

محمد بن فيصـل .. في مبارة العين الاخيره .. تحمل خسارة الهلال وقال ... الادارة واللاعبين يتحملون الخساره .. صح والا لأ ...
المعاملتيـن .. انقد بس لا تفتري على الرجال ...
من ناحية مدير المنتخب .. ما الومه .. وانا سبق و قلت في تحليل ما بعد المباره ان اهم اسباب خسارة الهلال المننتخب السعودي
وانا ما سمعت تصريح محمد بن فيصل ولا شفته ..
وان كانه فعلا صرح ... اصفق له على شجاعته ... لان ادارة الخطط المدروسه ذبحتنا . . .

ولو جينا للصدق ... اذا كان محمد بن فيصل .. يؤخذ عليه بس انفعالته ,, وتصريحاته المتسرعه ...



على الاقل هو افضل من الي يتاجبر بالبشر عيني عينك ... يشتري له كم لاعب همن يوزعهم تكملة صفقااات .. والا وش رايك يا المعاملتين ...


سؤال يا المعاملتين ... كم مباة حضرت للهلال .. وكم تدريب حضرته هالموسم ؟؟؟ واتمنى الجواب بصراحه وترى ذا السؤال مهوب تشكيك في هلاليتك

روبن احجز لي كرسي بروح واجي :D

روبن هود ازحف شوي باخذ مكانك :(


المعاملتين موضوعك يضرب على وتر حساس وحساس جدا وأتوقع فيه ايقافات راح تصير في هالموضوع يعني مانبي درعمة كل واحد يقول رأيه بحرية وبدون تجاوزات

أنا عاشق للكيان الهلالي من أول ماعرفته وما عمري حبيت لاعب أو رئيس أكثر من كيان الهلال نفسه للعلم

محمد بن فيصل من أفضل الرؤساء الذين مروا على الكرة السعودية وليس الهلال فقط بشهادة الجميع

طلعات؟

اوكي اعترض على التحكيم وظلمه من خلال الشباب والاتحاد وصحيح اللي سواه خاطئ لكن الرئيس تنقصه الخبرة والمفروض نكون معه ونوجهه مانكون ضده وندور الزلة مثل غيرنا على ابو سلطان

أقتباس

الرجال دفع...كثر خيره...لكن انه يذلنا بدراهمه فهذا مرفوض من شريحة كبيرة من الجمهور الواعي اللي واثق من قدرة فريقه بأي رئيس كان انه يكوش على كل البطولات....الجمهور اللي للاسف شخص مثل محمد بن فيصل يسيء له من خلال تصاريحه اللي يتشكى فيها من غياب الجمهور..و لما حضر الجمهور امس بعد ما كان يتريق عليهم و يقول انهم ما راح يجون في أسلوب اقل ما يقال عنه انه (بدائي)استخسر عليهم كلمة شكرا....جمهور يرفض تبريرات رئيس يتلاعب بتصريحاته بمشاعر الجمهور..مرة: نرحب بدعم البلوي..و بعدها بكم ساعة: ما عاد الا هي..نقبل صدقة من البلوي!!!....مرة: رجال الاعمال لوثوا الرياضة...و بعدها بيوم:بعض رجال الاعمال ....مرة: انا ماشي من هالوسط اللي اساء لسمعتي ..و مرة: مستمر تلبية لنداء الجماهير و اعضاء الشرف ...مرة: اعضاء الشرف خذلوني...و بعدها على طول: هم الخير و البركة

طيب

بعد نكسة الهلال التي لم تكن إدارية بل فنية في ظل تواضع الجهاز الفني بقيادة سيئ الذكر آديموس وقدم عبد الله بن مساعد استقالته وجاء رجل صغير في السن لا يملك تلك الخبرة الكبيرة في الوسط الرياضي..

طالبان بالغنام وجابه وطالبنا بمدرب كفؤ وجاب باكيتا وطالبنا بياسر وبعد مد وجزر جابه وهذا جزء صغير مما فعله وأنت تدري وش سوا ابو سلطان يعني ماراح اعدد وش قال

بذل الغالي والنفسي لأجل الهلال وأقل شيئ للتفاعل معه حضور الجماهير ومطالبته بحضور الجماهير حق مشروع له وكلامه عن عدم حضور الجماهير ماكان فيه نوع من الاستهزاء ابو سلطان أكبر من كذا

كان نوع من التحدي ومحاولة لنشر الحماس في الجماهير ويثبتون ان كلام ابو سلطان خاطئ مستحيل كائن من كان يستهزئ بالشعب الهلالي فما بالك بعاشق ومعشوق الجماهير ابو سلطان؟

وأعضاء الشرف فعلا خذلوه نسينا الاجتماع الشرفي الكبير جدا ولم يحضر سوى عضو او اثنين؟

ومسألة البلوي ودعمه ابو سلطان قالها من باب السماحة وعدم اثارة البلبلة والسؤال كان ماكر وماكان قدام ابو سلطان غير الاجابة بالموافقة على دعم البلوي والبلوي استغل هالنقطة بكل دهاء وقدم مبلغ بسيط يستهزئ فيه بكيان الهلال وتبغون نوافق؟

شلون يالمعاملتين تقول ابو سلطان ذلنا و( محاولة دعم) البلوي ما ذلتك؟

أقتباس

شخص متناقض..شخص مو قادر يركز في تصريحاته فما بالك بقرارته...شخص يبي يكون الابرز في الفوز..ويزعل اذا قال احد انه سبب الخسارة....شخص يبرر خسارة فريقه بسبب مدير المنتخب!!!!!!!!!!! في اوضح و اصعب استهتار بمشاعر و عقليات الجمهور

مافيه أحد قال ان ابو سلطان سبب الخسارة علشان يبرر نفسه الرجال ماضيع انفرادة ولا حط محور ظهير يمين..!!

وفعلا المصيبيح منع الدعيع من المشاركة ضد الاتحاد تنكر يالمعاملتين؟ عندك مقابلة الدعيع في صدى الملاعب سجلوها الاخوان ماقصروا في حال ترجع لها

أقتباس

محمد بن فيصل...انت من عينة الرؤساء اللي المفروض انها انتهت قبل فترة...رؤساء كانوا يلهون جمهورهم بسب الحكام و لجنة المنتخبات و ملاهي الحكير ..رؤساء يغيرون في اسماء البشر عشان ينتقصون منهم في ابشع استغلال للمكانة الاجتماعية اللي تعطيهم حصانة خاصة...رؤساء يسبون الفرق الثانية بسبب اخطاء التحكيم مع ان مالهم دخل فيها

أقتباس

قارنوا تصريحات و عقلية عبدالله بن سعد...سعود بن تركي...عبدالله بن مساعد....و في الجهة الثانية...محمد بن فيصل..و خال أبوه...بندر بن محمد...عشان تعرفوا ان الجمهور ماتسكته كم بطولة

الحين بيطلع لك واحد ويقول كفو يا سعود بن تركي والثاني كفو يابو مساعد وتبدأ المقارنات وتولع نارها في الهلال وكل المذكورين لخدمة الهلال وماراح أتكلم عن هالنقطة لان فيها شق صفوف في الجمهور الهلالي..!!

أقتباس

اكبر دليل على عظمة الهلال...انه كوش على كل البطولات المحلية السنة الماضية بوجود رئيس مثل محمد بن فيصل!!

الهلال كبير مع محمد بن فيصل او مع غيره ماعمره وقف على شخص لكن مايعني هذا تقلل من أهمية دور محمد بن فيصل وهذا اللي نشوفه في الموضوع تقليل من قدر محمد بن فيصل وانقاص في حقه وهضم لجهوده للاسف

شف ردة فعل جماهير الزعيم بعد تأكيد بقاءه سنتين أخرتين وارجع لي يا حلو

::
::

ماقصر روبن هود وزعيمـ هلالي على الرد المنطقي منهم الا اني بعد بشاركمـ

شف يالغالي ,, محمد بن فيصل شهادتي فيه مجروحه ,, بالرغمـ من انتقاداتكـ له

بالنسبه لي هو افضل رئـيـس مر على الجميـع ,, اعاد بنـاء النادي من جديد ,, وهذا هو حصد البطولات

وشي طبيعي الحاله العصبيه اللي يمر فيهـا ,, بعد مباراة معينـه ,, النادي كله وجماهيره على مسؤليته

ولا ننسـى الأخطـا التحكيميه اللي تكون عامل قوي ,, وبعضهـا يكون عيني عينكـ ,, انت لو تجي مكانه

يمكن تســوي اكثــر ,,, واحسن مافيه انه على طول يعرف خطـاه لو هو مخطي ويعتذر قدامـ الناس كلهـا

وهذي خصله ماتلقهـا في رؤســاء النوادي حاليـا ,, رجل عند كلمته قال شي لازم يوفيه قال ياسـر هلالي

فعلا دخل اقوى التحديـات وجابه لنا وبيض الله وجه .................

وبالنسبه لمقارنه بين الرؤســاء ,, مافيه غير بندر بن محمد ,, وحاليـا محمد بن فيصلـ ,, هذي عرفنا فيها

حصد للبطولات ,, وماجاء ت هالألقـاب من فراغ وعدمـ ,, الا ان خلفهـا ناس كبــار ,,

على قائمتهـا محمد بن فيصـلـ

واخيرا الهلال كبير مع الكل ,, ولكن مع محمد بن فيصـلـ زاد الحماس لأان الحماس منبعه رئيسنـا المحبوب

حبيبي روبن هود

و انت كيف عرفت انه دفع هالمبلغ..الا من كثر ما قاله:s

أقتباس

من بداية الموسم والجماهـير جاحدته وبالذات جماهير الرياض ...
جاب بطولات وجاب افضل اللاعبين .. تلبيه لرغبة الجمهور .. فمن حقه انه يتشرط على جمهور .. بس للأسف الجمهور خذله ..

ترا الجمهور عنده ظروف و ارتباطات..و ترا كثير من الجمهور بفضل التلفزيون لاسباب عامة محمد بن فيصل ماله دخل فيها..مثل التجهيزات في الملعب مثلا:> ...و مثل ما ان محمد بن فيصل يغيب عن النادي لانه يروح لجده...الجمهور عندهم مشاغل:v

أقتباس

من ناحية مدير المنتخب .. ما الومه .. وانا سبق و قلت في تحليل ما بعد المباره ان اهم اسباب خسارة الهلال المننتخب السعودي

المنتخب اوكيه سبب من اسباب الخسارة..لكن مو مدير المنتخب..لان فهد الشمري ما تسبب في الهزيمة...و المنتخب اثر على اللاعبين الدوليين اكيد..لكن لا تنسى ان الاتحاد تأثر بعد:c

أقتباس

على الاقل هو افضل من الي يتاجبر بالبشر عيني عينك ... يشتري له كم لاعب همن يوزعهم تكملة صفقااات .. والا وش رايك يا المعاملتين ...

مادام القاضي راضي....اللاعبين مبسوطين و انديتهم ما عندها مشكلة..و هو ما خالف الانظمة":

أقتباس

سؤال يا المعاملتين ... كم مباة حضرت للهلال .. وكم تدريب حضرته هالموسم ؟؟؟ واتمنى الجواب بصراحه وترى ذا السؤال مهوب تشكيك في هلاليتك

والله ياابو هود..انا نصف السنة هذي ما كنت في الرياض..و النصف الثاني كنت توني راجع}{ ...لكن انا افضل اشوف المباريات في البيت لاعتبارات معينة و ما اظن هالشي ينقص من تشجيع الشخص لفريقه:v


زعيم هلالي

أقتباس

المعاملتين موضوعك يضرب على وتر حساس وحساس جدا وأتوقع فيه ايقافات راح تصير في هالموضوع يعني مانبي درعمة كل واحد يقول رأيه بحرية وبدون تجاوزات

ماشفنا ايقافات..هي كم حركة و نقل للموضوع و كل شي رجع لوضعه الطبيعي بجهود روبن السنايدي\/

في النهاية....محمد بن فيصل طريقته و تفكيره و تصرفاته في اعتقاددي ما تناسب وضع الهلال و مكانته...و اذا كان قرر الله يسلمه يكمل الاربع سنوات كلها فأتمنى بس ما يطلع ابد خلال هالفترة يهددنا بأنه بيمشي و بأنه بيقاطع المباريات...و اتمنى فعلا انه يكمل الاربع سنوات كامله..مو لانه كويس..بس عشان يكون فيه استقرار اداري...و عشان نشوف هل الجمهور بيدعمه الى النهاية او بيقلب عليه مع اول خسارة لبطولة:n