part : 7
صعد ضاري الدرج بتعب وبثقل وهو يفتش جواله المليان رسايل من معجباته ومعجبينه
وأرقام غريبه ومكالمات ..
وصل للصاله اللي فوق قبل غرفته ووهو مـار يبي يمشي لغرفته أستوقفه صـوت ..
خـالد : ضـاري ..!
التفت ضـاري وشـاف ( خالــد ) ..!
ضـاري بعصبيه قرب له وهو يتلفت لغرف خواته البنات : أنت وش جايبك هنااااااااااا ..؟!
خالد يمثل أنه مرّوق وهادي : لاتخاف الكل يدري أني هنا تعال لاتصحي البنات ..!
ضاري يبعد عنه : الكل يدري !! مثل مين يعني !!
خالد : أبوك وأمك تعال أنت ندخل غرفتك وتعرف السالفه !!
ضـاري : مايحتاج أعرف سوالفك ولولا الاحترام لراعي البيت اللي هو أبوي تسان خليته
مقبره ودفنتك فيه ..
وقرب له وشد على أسنانه بقوه ومسك خالد من يده بقووووووه : وأنزل تحت لاأكسر رقبتك
لاتستغل طيبه أبوي وأمي وتسوي فيها أنا الولد والاخو تراني فاهم حركاتك ولو ياصلني أنك
واصل وحده من البنات خليت رجولك تركض وراء رأسك فاهمني ..!!
خالد يده عورته من شدة ضاري صحيح هو رجال بس خالد جسمه رياضي وقوي ..
خالد : لاتهدد !! أنا نازل تحت أنام .. الكلام معاك ضايــع ..!
ضـاري : جعله ماينلقي ابد هالضايع ويلا مع الســلامه أنقلع برا ..
خالد بعصبيه يحاول يخفيها ويمثل : ضـاري !! حنا رجال .. لاتدخل النسوان بيننا ..!
ضـاري : لأنك مثلهم وشرواهم .. ويفرقون عنك ويتفوقون عليك بالزين والملح والقبله ..!
خالد بعصبيه وقهر قرب لوجه ضاري : تعقققققققققب وتخسى ..!
ضـاري بمسخره : وخر بس باقي أثار أصابعي على وجهك أخاف أعطيك كف ثاني تروح
تشليح هههههههههههههههههههههههههههههههههههههههههههههههههه ههههههه
خالد قال بقهر وعصبيه : هييييييييييييييييين الكلام معك ضايع جيت نتفاهم بهدوء بس أنت
تبيها تجي مصايب .. هين ياضّروي هيـن ..
نزل من الدرج يركض وبنص الدرج وقف شوي بعد ماراح عن عيون ضـاري وتفقد المكان
حوله شاف أن أم ضاري مهيب لمه نزل بسرعه وراح للمجلس ودخل بفراشه اللي فارشينه
له أهل ضـاري وسوى نفسه نايـم ..!
أما ضـاري كمل طريقه لغرفته وهو مستغرب .. وش يبي خالد ووش جايبه ..! يدري بدنائته
ومستحيل يكون جاي لخيـر .. ويدري أن أمه وأبوه بطيبه قلب دخلوه بيتهـم ..
البنات ( أشـواق / سلمى ) كانوا صاحيات لأن عندهم دوام وسمعوا كل الكلام اللي دار بين
ضـاري وخالد وهم مستغربين وخايفين بنفس الوقت من خالد ونومته عندهم .. وفي
الصاله اللي فيها غرفهـم بعد ..
( خالد طبعاً جاء لأبومحمد وقاله أنه مايبي يروح البيت يخاف أبوه يواجهه ويسأله عن رآي بنت
عمه وأن يدري أنها رده فعل أوليه ولعب عليه بكلمتين واستأذنه ينام عندهم وعمه من باب الطيبه
سمح له ينام وحطوا له فراش بمجلس الرجال ..
بس دنائه خالد سحبته فوق وراح وجلس بالصاله اللي فوق بعد ماناموا الناس وتأكد أن البيت
فضى وأنتظـر ضاري يجي يبي يقهره وينرفزه بحركاته .. )
أشواق بخوف : سلمى وش عنده خالد تهقين ..؟
سلمى : مدري والله تسمعينه يقول أبيك بموضوع !! يمكن علشان خناقهم أمس ..
أشواق وقلبها يرقص من الخوف : الله يستر عليهم بس :( لاتصير مشاكل أكبر ..
سلمى لفت لها : أشواااااااااق خلاص .. لاتسوين دراما .. أنتي مالك ذنب هم رجال
بينهم يتصافـون وأظن سمعتي خالد يقول حنا رجال الحريم لايدخلون بيننا ..!
أشواق تبي تطمئن بنت عمها : الله يعين ..
قطـع سوالفهم طق الباب عليهم ..
سلمى وهي على التسريحه تسوي شعرها : ميييييين ..!
ضـاري بتعب : أنا ضـاري ..
أشواق حست أنها محتاجه هالصـوت بقوه محتاجه هالبحه محتاجه هالشموخ اللي وراء
الباب محتاجه هالقوه علشان تتخبى بحضنها من شراسه الزمن ..
كل المشاعر أختلطت عندها بدقيقه وبثواني وحست بأشياء غريبه تدور فيها تذكرت غرفته
لما رتبتها وريحته وأغراضه وورقه الشعر اللي معاها والأبيات اللي فيها ..
تذكرت الخاطره اللي فيها حضنك وريحتك :/ .. حاولت تخفي آلمها بس ماقدرت ..
سلمى : خير ضاري وش فيك ,,. عجزانه أقوم شيء ضروري ..؟
ضـاري يتنهد : ااااااه لا بس بقولكم أنتبهوا لانزلتوا تحت خالد فيه ..
سلمى تبتسم : زين أوكي ندري ..!
ضـاري : أوكي يلا سلام ..
أشواق حست بهيبته حست بغيرته حست انها محتاجه رجال من هالنوعيه يغار عليها ويخاف عليها
من النسمه حست أنها تبي تداوي التعب اللي في صوته كان ودها تفتح الباب وترمي نفسها بزحمه
ضلوع صدره وعضلاته وتقول خذني ماأبيني ..
أكتفت بدمعه كانت حلم ونزلت وحست بشيء يختلط دواخلها ماتدري وشو ..!
ضـاري رجع لغرفته ..
ضـاري : غريبه كلامه صدز !! يعني كلهم يدرون أنه هنا ..!
وش عذره بالنومه هنا ..! الله يأخذه الدنيء ماوراه الا سواد الوجه بكرا أشوف وش سالفته
منب رايق هالحين مشتاق لك يافراشي العزييييييييز وناظر فراشه بتعب ..
بس فكر قبل أنه محتاج يأخذ دش لأنه تعبان ومحتاجه من قبل ..
دخل الحمام خذا له دش سريع سريع وطلع ونشف جسمه وخلا شعره الرطب على ماهو
عليه حط دهن عـود فاخر في رقبته وطلع له من الدولاب
( بلوزه كت لونها رصاصي مع شورت لونه أسود ) لبسهم ورمى نفسه بأهمال على السرير
ورااااااااااااح في سابع نومه ..
أشواق وهي تدور بالدروج : سلمى وين الأسشوار الثاني ؟
سلمى وهي تستشور شعرها : عند ضــاري ..
أشواق أوجع قلبها الآسم وقالت بخفه : وانا شلون أستشور هذا وأشرت على شعرها ..
بسرعه يلا خلصي مايمدي ..
سلمى : هييييييييييه وشو خلصي مايمدي يلا روحي جيبي أستشواري من غرفه ضاري
وإلا جيبي أسشوار العنود ..
أشواق بتردد : لا لا وين أروح لضـاري ..!
سلمى بعفويه لان اشواق ساكنه عندهم ومثل أختهم : يختي عادي تلقينه مانام يحوس ويلبس
وإلا بجواله يدبر طقي وخليه يعطيك يلا بسرعه ماباقي شيء ..
أشواق : بروح للعنود ..
سلمى : بكيفتس روحي للعنود ..
طلعت أشواق وناظرت غرفه ضاري وهي تدعي ربها أن العنود تستشور شعرها علشان تصير
لها فرص تشوف ضـاري وتلمحه ..
طقت الباب على العنود ماردت طقت وطقت مافيه صوت فتحت الباب ألا العنود في سابع
نومه وكاتبه ورقه على الباب ( لاتصحوني ماراح أداوم ) ..
أشواق : هههههههههههههههههههههههه خبله ماتتوب من الورق ..
وتبسمت لانها راح تلجىء لضاري قفلت الباب بشويش وراها وطلعت تركض لسلمى ..
أشواق وهي تفتح الباب بقوه : سلوم العنود نايمه وكاتبه لاتصحوني ماهي مداومه :/ والحل ..؟!
سلمى وهي طفشانه من شعرها : روحي لضاري قلت لك ..
أشواق تحاول تثقل : روحي أنتي جيبيه ..
سلمى تناظر لها بنص عين : لاوالله !! أقول تبين تستشورين كشتك روحي هذي غرفه ضاري
قريبه ماتبين بكيفك ..
أشواق بفرحه تحاول تخفيها : مالت بروح والله يعين ..
راحت أشواق صوب غرفه ضاري وقلبها تراقص فرحه أخيراً بتشوفه هي لحالها أخيراً بيجمعها
معاه مكان بس فيه هي وياه لحالهم أخيراً ماراح يشاركها أحد هاللحظه بعد ماشاركوها الناس
أغلب لحظات عمرها ..
حست بقيمه الحنان اللي يعيشونه العالم مع اهلهم وأمهاتهم وأبائهم وحست بقيمه الناس اللي
مثل ضاري لما يكونون بالدنيا بمشاعرهم وحنانهم ويعطون اللي حولهم أهتمامهم وغيرتهم وحبهم
ويعوضونهم عن كل شيء فقدوه في الدنيا ..
قربت للغرفه وعدت لين العشره قبل تطق الباب .. طقته بهدووووء .. طق / طق / طقطق / طق ..
ماسمعت صـوت .. قربت أذنها للباب ولصقت فيها تبي تسمع بس ماش مافيه صـوت أبد هدوء
يعم الغرفه كلها ..
عاشت في دواخلها لحظه صراع تدخل على ضـاري أو لا ..! ياترى وينه ..! وبنفس الوقت
ماتدري ليش جاها شعور بالخوف على ضـاري لانها طقت الباب ولافيه صـوت ..!
قررت تفتح الباب بدون مايحس وتشوف وينه ..! على الأقل تشم ريحته لأنها على قولتها خربانه
خربانه فخلينا نعميـها ..
فتحت الباب بشويش بعد ماتلفتت يمين / يسـار تشوف مين حواليها .. شافت ضاري رامي نفسه
على السرير بتعب وآهمال .. ولاغطى نفسه مع بروده المكيف ولاشيء لانه كان تعبان وظل نايم بشكل
يسحر بعضلاته وجسمه وصدره ورجولته وهيبته .. ريحتة غرفته كانت ريحة صابون / شامبو .. أبتسمت
وهي تقول بهمس : شكله حاط الشامبو كله على رآسـه ههههههههههههههه ..
ضلت واقفه على الباب التفت شافت جواله على التسريحه .. بوكه ,, مفتاحه وأوراق وأشياء ثانيه ..
ماتدري ليش جاها شعور دفعها تروح للتسريحه أقلها تناظر لأغراضه وتقرب منهم .. لمحت الأسشوار مرمي
على التسريحه بأهمال والأسلاك مرميه وكل شيء كان مهمل ..
قربت بخطوات سريعه وهي تمشي مع زحمه الحوسه بالغرفه ماأنتبهت أنه كان فيه شاحن بالأرض وعرقلها
عن المشي وطراااااااااااااااااااااااااخ بالأرض ..
أشواق : هييييييييييييييييييييييي يمه بسم الله الرحمن الرحيم ..
ضاري سمع الصوت وفز بسرعه وناظر حوالينه : وشوو بسم الله ..!
شاف أشواق قدامه بالغرفه وواقفه عند التسريحه وبيجامتها وشعرها وعلطول بكت لانها خافت ولانها بنفس
الوقت صحّت ضاري وأنتبه لوجودها في الغرفه ..
ضاري وهو ينزل من السرير بأهمال : أشووووووواق !! خير !!
أشواق وهي تبكي وتتلحف بشرشفها : ضااااري اسفففه جيت أخد السشوار هنا سلوم قالت لي لاننا
تأخرنا على الجامعه ..
ضاري كسرت خاطره دموعها هو آنسان حساس جداً ويعرف أن أشواق فاقده حنان عظيم كان دايم يحاول
يجبر خاطرها ويحسسها بالحنان علشان ماتعيش الحرمان ماحب يضايقها ويخوفها..
قالها بصوت مبحوح وشكله الساحر بالشورت : ماصار الا الخير خلاص خذيه وأطلعي وقفلي الباب بنام ..
أشواق وهي ترتجف : لاخلاص مابي اسشوار بطلع مو لازم مو لازم وركضت للباب ..
ضاري سبقها وقال : أشواااااااااااااق ..
لفت له سمعت أسمها من لسانه بجديه مخلوطه بحنان وتعب وبحه وأشياء كثيره تجمعت لفت تشوفه كان واقف
بشموخ ونظراته تسحر ماكانت تدري ليش يجيها أحساس ودها تقرب منه وتأكل في أحضانه وتشرب من حنانه ..
أشوااااق : ......... تمت ساكته تطالعه ..
ضـاري : وش فيك ..؟ قلت لك خذي السشوار أصلاً هذا حقكم وانا خذيته لاني احتاجه خلاص خذيه انا
لاصحيت وبغيت اخذ حق العنود والا اشري لي واحد خذيه يلا لاتتأخرين على الجامعه ..
أشواق بخوف : مايحتاج !
ضـاري بحده : أجل وشوله داخله ..!
أشواق خافت وأرتجفت وقالت وهي تبكي : والله أخذه الاسشوار والله ..
ضـاري أبتسم وهوتعبان وحرك كتوفه وقال : أجل خذيه .. وإلا تبين أنا أجيبه لك بعد .. يلا خلصيني أنتم
حالفين أني ماأنام اليوم يعني ههههههههه ..؟
أشواق أبتسمت من وراء غطوتها لأنها شافت أبتسامته لها وهالشيء يخليها تنسى كل شيء قالت بخقه : وينه ..؟
ضـاري يأشر على التسريحه : هذاك هو .. ورجع لفراشه وهي واقفه تناظره ..
جلس على سريره وقال خذيه وقفلي الباب وقولي لأمي لاتصحيني .. ولاطلعتي أنتي والملسونه الثانيه بشويش
لاتزعجوني لأني تعبااااااااااااااااااااااااان ..
أشواق ماقدرت تتحرك راحت بثقل للسرير وبينها وبين نفسها " ياربي يبي يذبحني هذا مايحس على عمره يعني
مايدري أنه خقه الى هالدرجه مستسخف عمره لاوبعد شورت وكت والشعر مثل الملاك وووه بس ياويلي " ..
خذت الأسشوار وطاح منها بدون ماتحس ..
ضاري قال بجديه : أشواق ..! بسم الله وش فيك ..؟!
أشواق خافت ورفعته قالت : هاه لا لا بسم يمكن لاني مانمت كويس .. طبعاً هي تصرف بس طاح منها لانها
كانت تفكر بضاري .. ههههههههههه ..
ضـاري بجديه قام من السرير وقال : وليش مانمتي !!
أشـواق بخقه بينها وبين نفسها " ياويلي يسأل عني بعد " : هاه لا مدري ماجاني نوم ..
ضـاري قال بجديه فيها حنان : أشواق .. اذا على خالد لو ماتبينه محد راح يغصبك عليه ورآسي يشم الهواء ..
أنتي شوفي راحتك وين اذا تشوفين أنه يناسبك الله يوفقك معاه .. واذا تشوفين أنك مجبوره عليه أشري لي وأنا
ولد عمك ثم آشـر على عيونه بأهمال وأبتسامه وقال : ومن عيني هذي قبل هذي أحلها لك ..
أشواق ضاعت ماتدري وش تقول .. هالحين بس فعلاً ضاعت .. مابين خقه / حنان / خوف / حب / تحدي ..
هي مي فاهمه شعور ضاري ماتدري ليش ماوده تتزوج خالد وبنفس الوقت تحس أنها لو تزوجته غصب عليه بيكون
عادي عنده عجزت تفهم أشياء كثيره ..
قالت بصمت ودمعتها نزلت علطول : ان شاء الله .. وطلعت تركض علطول وماقفلت الباب وركضت للغرفه علطول ..
وقبل تدخل تذكرت أن سلمى بتسألها وينها ..؟ وليش دموعها ..؟ وأشياء كثيره فطرت على بالها تروح للمرايه اللي عند مغاسل
الصاله اللي فوق تستشور علشان تقول كنت هناك .. وراحت ..
ضـاري وهو يقفل باب الغرفه : هذا وانا احتسي اقول قفلي الباب هههههههههههههههههههههههههه مهبل البنات
مدري شلون يفكرون ..
قفل الباب ورجع مكانه ورمى نفسه على السرير مره ثانيه ودخل في نوم عميييييييييييييييق ..
نزلوا البنات أشواق / سلمى بعد ماخلصوا وأفطروا وطلعوا للجامعه وقبل يطلعـون ..
خالد بالحوش : صباح الخير ..
سلمى / أشواق : صباح النـور .. ومشوا علطول ..
خالد أنتظر سلمى تطلع مع الباب وقال بخفه : أشواق ..
أشواق سمعته وماعطته وجه وكملت .. لحقها لين قبل تطلع ونزل معاها مع الباب وسلمى قدامهم تمشي
وكأنه يبي يطلع وقال وهو يمشي .. أبيك بموضوع ضروري مره يخص العائله كلها ضاري ماهو راضي
يسمعني لازم أنتي تسمعيني .. أبدق عليك وردي علي ضـروري لازم نتكلم في هالموضوع ..
أشواق تعرف أساليبه وخداعه ناظرته بنص عيـن وكملت طريقها ..
على الساعه 7 المغـرب ..
صحى ضـاري بثقل وتعب .. ناظر حواليه .. يالله وراهم ذولي لا قلت لاتصحوني صدقوا .. هههههههههههه ..
الظاهر لو أموت محد درى عني .. قام من السرير تمغـط ليييييييين قال بس .. رح للتسريحه .. شاف جواله وخذاه
وجلس يفتش فيه لقى فيه مسج من مذيع تلفزيوني شهيـر :
( السلام عليكم .. مساء الخير ياأستاذ ضاري .. بصراحه دقيت عليك ومالقيت منك رد وحبيت أبلغك أني
ودي أسوي معاك مقابله بعد يومين أن شاء الله في برنامجي .. أتمنى الرد ) ..
ضـاري : هههههههههه يومين وتوك تحتسي .. الله يلعن اللي حطك مذيع ههههههههههههههههههههههههههه ..
رمى جواله غير رسايل المعجبات والمكالمات ومكالمات من خوياه وراح للدولاب ..
طلع له ثوب وشماغ وحطهم على السرير وخذا فوطته وراح للحمام وهو يغني شيله من قصايده تقول :
رح بلّغ الناس كل الناس هالكلمه
.......... قل : قالها اللي يدور فرح فـ أيّامه ..!
النور كذبه كذبناها على الظلمه ..
.......... والحلم عيت تشيله فزعة أقدامه ...!
إنسان دور ورى الغيمات عن حلمه ..
......... الحين حلمه يشوفه ( مات قدامه ) .!
وبعد ماخلص من الشاور طلع من الحمام وكان راااااااااااااااااااايق آخر روقان ..
ضـاري : يااااااااااوك أول مره أروق من جيت حايل مثل اليوم .. ههههههههههههه الله يتمم بس لاتطلع
لي مشكله تعلمني الروقان صح ههههههههههههههههههههههه ..
لبس ثوبه وفرش سجادته وصلى وراح صـوب المبخره وقال : ياويليييييييه مبطي عن الدخون ..
هههههههههههههههههه وشبكها .. وجلس ينشف شعره على المرآيه حط فيه جل ومد يده يبي الأسشوار
مالقاه ضاري : يوووووووووووه اثريه عند البنات .. هههههههههههههههه منب رايح اجيبه علشان مايأكلوني ..
نشب شعره ورجعه على وراء وحط عطـر من دوتشي جابانا وراح للمبخره وحط بخـور وتبخر فيه
وهو يغني أغنيـه عبد المجيد عبدالله :
تدري عيوني في غيابك ماهي مرتااااحه
تبكي على فراق طيفك وأنت ذابحني
ولبس شماغه وتكشخ وحط بوكه وجواله ومفتاحه بجيبه .. طفى الانوار وترك الغرفه كعادته بحوستها وفوضويتها ..
طلع منها وقفل الباب .. ونزل تحـت ..
كانوا بالصاله تحت أبوه / أمه / صفـوق / بنته أفنان / العنود / أشواق / سلمى ..
نزل من الدرج وركضت له أفنان بنت أخوه : عمووووووو عموووو ..
ضاري وهو يفتح يدينه لها بقوه : هلا هلا هلا بروح عموووووووووووووووووووووو وشالها بحضنه فووووق
وباسها من خدودها الصغيره وهي تضحك لعمها اللي تحبه بس ماتشوفه كثيـر ..
ضـاري : وشلونك فنونه ..
أفنان : تيبــه ( طيبه ) ..
ضاري : ليه ماتجين عندي ..
أفنان : أدي ( أجي ) ..
ضاري : لاتعالي نامي عندي ..
أفنـان : حلاص نام عندك هنا وتأشر على يده ..
ضـاري وهو يمشي يناظر لصفوق : اخس اخس بنتك رومانسيه ههههههههههههههههههههههههههه
صفوق : هههههههههههههههههههههههههههههههه ههههههههههههههههههههههههههههههههههههه
سلمى : طالعه على عمها ..
ضاري : منهو ؟
سلمى تأشر عليه : الجني ..
ضاري يناظرها : احمم احمم انا لا من يقول انا الرومانسيه بوداي وانا بوداي ..
العنود : هههههههه اجل صفوق ووشو ههههههههههههههههههههههههههههههههههههههه
الكل : هههههههههههههههههههههههههههههههههههههههههههههههههه هههههههههههههههههه
صفوق : عنييييييييد وجع انا اخوك الكبير احترميني ..
ضاري يلتفت على ابوه وامه : شلون الحلوين ..؟
أبوه : الحمدلله وينك انت ..؟
ضاري : هنا بس الظاهر لواموت مافقدتوني ههههههههههههههههههه ..
أمه : هماك قايلن لنا لاتصحوني ..؟
ضاري : أقول لاتصحوني مهب لاتموتوني ههههههههههههههههههههههههههه اعوذ بالله خلاص
ماصار نوم والله ماش يومني بالرياض اصحى اشوى منكم ..
سلمى : اوريك باتسر عاد اليوم اربعاء ابسهر واقومك على مزاجي ..
ضاري يناظرها : بالله ! ظريفه اشوى علمتيني ماانام بالبيت ..
صفوق : عندي عندي هههههههههههههههههههههههههههههههههههه المدام عند اهلها الخميس ..
ضاري: ماشاء الله اجازات جماعيه عن الدارسه وعن الحريم هههههههههههههههههههههههه
الكل : ههههههههههههههههههههههههههههه هههههههههههههههههههههههههههههههههههههه
يسرى دخلت ومعاها ولدها نواف شايلته بتعب ..
يسرى : السلاااااااااااام عليكم ..
الكل : وعليكم السلام .. العنود قامت تركض وشالت نواف ..
يسرى سلمت على أبوها وأمها أخوانها وجلست ..
ضاري : شلونتس ياام نواف ؟
يسرى : تماااااااام .. انت شلونك ماتقول ابمر اختي اتغدى عندها اتقهوى عندها اشوف بيتها ..
ضاري : هههههههههههههه ابشري باتسر انا كل شيء باتسر الله يعين باتسر ههههههههههههههه
يسرى : ههههههههههههههههههههههه الله الله وش هالكشخه والله عريس شكل باتسر عرسك بعد ..
ضاري : ايه هههههههههههههههههههههههه اسكتي سر ههههههههههههههههه ..
أبومحمد : وين رجلتس ياوليدي ..؟
يسرى : والله نزلني وراح يقول عنده شغل ..
صفوق : الله يعينه ..
العنود : ضّروي ..
ضاري : ياعيونه ..
العنود قامت له وخمته : يالبى عيونك اموووت فيك ..
ضاري : ههههههههههه وانا بعد بس قولي وش تبين ..؟
العنود : ههههههههههههههههه بسم الله وش دراك ..
ضاري يضرب صدره : خبره بالبنات 23 عام من العطاء هههههههههههههههههههههههههههه
امه : ووجعه لاصرت خبره ليه ماتعرس ..
ضاري بصوت قصير : هيه علينا زين كذا فتحتي لهم سالفه ..
سلمى : خخخخخخخخخخخ احسن ..
العنود : لا لايعرس نبيه اسمع ابيك السبت انت توديني وتجيبني للمدرسه ..
صفوق : يلعن ام الترزز يعني شوفوني اخت المشهور ههههههههههههههههههههههههه
ضاري : هههههه ودي بس مااقدر ..
سلمى : لقطي وجهك هههههههههههههههههههههههههه
العنود : ليييييييييييييه ..؟
ضاري : لاني ماشي الجمعه الرياض ..
ابوه ناظر له : ماأسرع !!
ضاري : عندي دراسه ..
وسكتوا الكل لانهم يشوفون دراسته أهم مع أنهم يدرون أنه مايهتم للدراسه بس مشوها له ..
طبعاً أبومحمد وأهله قرروا يروحون لبيت عمهم أبوخالد .. لبسوا البنات وتجهزوا علشان
يروحون ..
صفوق وأبوه راحوا من بدري لأن البنات قالوا يبون يلبسون ويتجهزون ..
سلمى : ياحيي من يودينا هالحين ..؟!
أمها : دقي على ضاري والا محمد ..
يسرى : محمد عندهم ماهو جاينا .. :/
العنود : اجل مابه الا ضاري دقي عليه ..
سلمى : اوكي .. ودقت على ضاري ..
ضـاري عند كوفي يأخذ له كوب قهوه ودقت عليه سلمى وقالت له يجي وقالها أوكي ..
سلمى: يلا ضاري يقول تجهزوا انا قريب ..
لبسوا البنات عباياتهم ..ووقفوا عند الباب ..
ضاري كان يدخن وريحة السياره وكذا فأخذ مبخرة السياره وحط عـود وبخر سيارته ..
ووقف عند الباب ودق على سلمى قال لها أطلعوا .. وركبوا السياره ..
يسرى : وااااااااااااااو انت ماتخلي الكشخه والزين حتى بسيارتك يمه ودي أنام هنا تجنن الريحه والبراد ..
ضاري بغرور : هههههههههههههه اخوتس لبق بسم الله عليه ..
أشواق عضت شفتها بخققققققه وهي تشم الريحه وتشوف ضاري قدامها ويجمعهم سياره واحده ..
سلمى : حركات يالبق انتا طيب دام لبق سمعنا قصيده من قصايدك .. ماهو بس للرجال ..
ضـاري : هههههههههههههههه تمسكيني مع يدي اللي توجعن ..
العنود : اي هي صادزه ودي اخوي يقصد عندي مره ماهو مثل البنات اشوفه بالتلفزيون ..
ضاري بحنان : لبى اخوي ياانتي ابشري من عيوني يالحلوه يلا وش تبون تسمعون ..
العنود بسرعه : حزييييييييييييييييييييييييييين ..
سلمى : اي شيء
الام : الله لايجيب الحزن وش نبي به؟
ضاري يحط يده على يد امه بحنان ويمسكها : وش تبين يالغاليه ..؟
أمه : اللي تبي ياوليدي ..
ضـاري : أجل شور عنود وهدايه الله اسمعوا حزيييين :
ودِّي أمُـوتْ .. اليُـوم ... وأعـيـش بـاكـر
وأشـوفْ مِنْهـو .. بعـد مُوتـي فقدنـي ..!
ومِنْهو حَمَلْني لِين .. ذِيكْ .. " المقابر "
وأشْكـرْ أنـا .. كِــل مِــنْ كَرَمْـنـي ودِفـنِّـي
وبشُوفْ .. يرثيني أنا كَـمْ [ شاعـر ] ..؟
ومِنْهـو تركْنـي .. ومـا كِتَـب شَــي عـنِّـي
شِخـصٍ تعنَّـى لـي .. مـع إنـه .. مسـافـر
وشِخـصٍ قِريـبٍ .. وآنــا مَـيِّـت / طعـنِّـي
وشِخـصٍ يمثِّـل دمعِتَـه .. مـا هـو قـادر !
وشِخـصٍ تِطيـح دموعـه كِـلْ مــا ذكـرنـي
ومِنْهـو مِـنْ أهـلـي فـالـعَـزا كــان حـاضـر
ومِنْهو دعى لي في " صلاتـه " ورحمنـي
ومِنْهـو بنـى [ بإسـمـي ] سبـيـل ومنـابـر
ومِنْـهـو يـفـز قـلـبـه .. إلا مِـــنْ لمـحـنـي
ومِنْهو عشانـي : طُـول الأيـام ساهـر ..!
ومِنْهـو ثـلاث أيَّــام .. راح وتركـنـي ..؟
ومِنْهـو يرتِّـب .. غرفـتـي .. / والدفـاتـر
وإن شاف ( صـورهـ) لـي مـاتْ وحضنِّـي
يالله عـسـى .. مــا تغـفـى كــل المشـاعـر
ويالله عـسـى .. مــا ينـصِـدِم يُــوم ظـنِّـي
خايـف يــروح العُـمْـر .. وأكُــونْ خـاسـر
وإن طـار طـيـري .. مــا يفـيـد / التمـنِّـي
وخايـف يجيـنـي وقــت : أكْـسِـر خـواطـر
إن دارت الـدنـيـا .. وزمــانــي كـسـرنــي
ومــدام هــذي الدنـيـا .. صــارت مظـاهـر
وكِــلْ مَــنْ عـلـى كيـفـه .. وجَــوَّه يغـنـي
[ صحـيـح مُسـلـم .. لـكـن : الـهَـم كـافــر
كـل مـا بغيـت أضـحـك يهـددنـي حـزنـي ]
الضـيـق وافــي .. والـحـزن حـيـل وافـــر
والـجـرح أكـثـر شــي .. شـفـتـه يحـبـنـي
عايـش وميِّـت بـيـن .. مـاضـي وحـاضـر
والصبـر [ مفـتـاح الـفـرج ] ضــاع مـنِّـي
قـل وش تبـي وتتركـنـي يــا حـزنـي آمــر
مسكيـن فرحـي / تصـدِّق إنَّ وحشـنـي !!
( شـاعــر ) ولـكـنِّـي .. مـانــي بـشـاعــر
ودِّي أمـوت اليـوم .... وأرتــاح مـنِّـي !!
الكل بالسياره بكى أمه / يسرى / عنود / أشواق / سلمى ..
ضاري بأبتسامه :هاه وش رأيكم ..؟
سمع الكل وراه : ااااه اهيييي اهم اهم ..
ضاري ناظر لأمه ثم التفت لهم : وش فييييييييييكم ..؟
أمه مسكت يده وحبتها وقالت : ليه ودك تموت عسى يومي قبل يومك ياوليدي الله لايجزأ
القصيد بالخير تسانه يبي يموتك .. تموت وتخلي اميمتك ..عسى ماأنت متضايق وإلا تعيبان
ياوليدي قلي وش بلاك ..؟
ضاري نظر لأمه بنظره حنان على طيبه قلبها وباس يدها وقال : لا يالغاليه قصيده كلام
يجي ويروح ..
يسرى وهي تبكي : تعووووووووووور ياضاري امانه لاعاد تقولها قدامنا والله تبكي بسم
الله عليك ..
سلمى/ أشواق / العنود : بسم الله عليك ..
العنود :أبي قصيده تونسني تقوم تبكيني ..
سلمى : انطمي انتي اللي طلبتي حزيييييين ..
أشواق بأنفعال :اي والله انتي طلبتي يام الحزن انتي اللله يكفينا شرك ..
ضاري أبتسم لهم وقال : سكككككككككوت أسمعوا :
حالي عقب فرقاك ماهو بحال
حال الهلال لالعب بليا طارق
البنات : هههههههههههههههههههههههههه واااااااااااااااااااو ايوا كذا زين زين ..
يسرى : مالت عليكن تقل عيال ..
ضاري بأستهبال : يعيشن خواتي الهلاليات يعيشن يعيشن هههههههههههههههههههههههههه ..
وصلوا بيت عمهم ونزلوا البنات ومشى ضاري بعد ماحلف انه امه تكشف له بالسياره ويتأكد
أنها سكتت عن البكي وباسها من يدها وخدها ..
عمامهم كانوا بأنتظارهم كلهم بالصاله ( جمعه عائليه )
الابوان وعيالهم وبناتهم وزوجاتهم بس بدون خواتهم ورجالهم اللي هم رجال عماتهم ..
أبو خالد : ياهلا غلا ببناتي ..
عمهم أحمد : هلا والله ..
وجلسوا يسلمون البنات على كل الموجودين بالصاله وهم متغطين ..
وصلوا لين هيفاء ..
هيفاء : هيييييييي سلمى وراه وجهك أحمر ..
سلمى تصرف : حررر ..
هيفاء : أهلين أشواق .. هيييييييي ياربي وراكم عيونكم حمر ..!
العنود : الصدز ان ضاري قال لنا قصيده له تبكي تو بالسياره انه وده يموت وصحنا كلنا ..
الكل : بسم الله عليييييييييييييييييييييييييه ..
ليلى انقهرت وقالت بنفسها " خوش والله يااشواقه بعد تسمعين قصايده بالسياره هذا الحظ
مو حظي مالت علي "
خالد كان موجود وأنقهر لما سمع أن أشواق عيونها حمر وعرف السبب وقال بينه وبين نفسه
" تبكين علشانه هاه ؟؟ يالحيوانه رافضتني علشان ضاري ؟؟ منب مالي عينك أنا ؟؟ خايفه
عليه حتى من القصيد والكلام ؟؟ والله لااوريك لكن هين الظاهر مالي طريقه أضمنك فيها
إلا الطريقه اللي قالي عنها ( محمود ) يقصد صديقه .." ..
تموا يسولفون ويضحكون ويتقهوون وشوي طلعوا الرجال منهم على مجلس الرجال وجلسوا
البنات والعيال يسولفون ..
ضاري نزلهم وراح يدور في شوارع حايل ويتمشى ويروح أحياء خابرها وهو صغير ويدخل
أمكان قد زارها لانه مشتاق لها بقوه على كلامه ..
أثناء العشاء ..
تعشوا الرجال وطلعوا وجلسوا البنات يتعشون ..
محمد : يالله انا استأذن أبروح لخوياي ..
صفوق : خذي معاك ..
أبومحمد: الله يحفظكم بس نزلوني بالبيت قبل ودي أرقد ..
محمد : يالله ..
عمهم أبوأحمد : وأنا يالله ياعيالي واحد منكم يوديني أبرقد ..
وقاموا العيال كلهم تفرقوا حتى أبوخالد قام وقال أنه بينام لانه صاحي بدري وتعبان ..
مابقى في المجلس غير خالد وأخوه ممدوح ..
ممدوح : هاه ماأنت طالع ..؟
خالد يناظر له : وين !!
ممدوح : لمخباي ههههههههههه وين بعد للعيال ..؟
خالد : هاها ظريف مره لا مابي ..
ممدوح مبقق عيونه : العن !! ليه وش وراك والا علشان المدام داخل ههههههههههههههههههه
خالد : ايوا صح عليك ويلا بلا ظرافه ..
ممدوح : صاير حمقي اعوذ بالله ماقلنا شيء يلا انا بروح للشباب ..
خالد : أوكي ..
ممدوح : سلم على المدام هاه ؟ اقص يدي اذا ماوراك شيء ههههههههههههههه بايو
خالد : ههههههههههههههههههههههههه الله يخلف عليك يلا بس باي ..
طلع ممدوح وتم خالد بالمجلس بلحاله وقرر ينفذ خطته بوسوسه الشيطان له ومساعده رفيق السوء
اللي حط في باله هالفكره ونسي الاخلاق والدين والقسم وكأن الدايره تدور عليه لما لعب على بنات
العالم علشان يجي الدور لأهله ..!
بعد ماتعشوا الحريم طلعوا للصاله ..
خالد : احم احم ياولد ..
أمه : هلا ..
خالد : طلعوا وخلوني ممكن أدخل شوي ..!
ليلى بأستغراب : وش عندك ..؟!
خالد : أبي لي حاجه من فوق ..
ليلى : اها اوكي ادخل ..
دخل وسلم وطلع فوق .. ونادى ليلى معاه ..
ليلى : هلا ..
خالد : عندي لكم مفاجأه ...!
ليلى : وش ..؟
خالد : تبوني أطلعكم ..؟
ليلى : وين..؟
خالد : اللي تبون ..!
ليلى : ايييييييييييه امانه فله لحظه بقول للبنات ..
وراحت تركض وقالت للبنات رفضوا بالبدايه بس شجعوا بعض وطلعوا كلهم ..
خالد في السياره أسمعوا .. معاي بساط في السياره بنزله وبننزلكم هنا بالحديقه وأنا بجلس هناك معاي لابتوبي ..
البنات : أوكي ..
نزلهم وساعدته ليلى وجابت البساط وفرشوه وجلسوا وقبل يروح قال ليلى .. أنه يبي يروح هناك وهي
لازم تجي وتجيب معاها أشواق علشان يقنعها بسالفه الزواج وليلى بالبدايه خافت بعدين وافقت ..
خذت ليل اشواق معاها بحجه أنهم بيروحون الحمامات وعند الحمامات لقوا خالد ..خالد أشر لليلى تدخل الحمام وتطلع
من الباب الثاني وهو بيقنعها ولمايخلص بيعطيها رنه .. ووافقت ودخلت ..
خالد : أشواق ..
أشواق بخوف : نعم ..
خالد : شلونك ..!
أشواق تبعد : طيبه ..
خالد يقرب لها : ممكن نتكلم بموضوع ..
أشواق : لا مافيه بيننا مواضيع ..
خالد قرب لها أكثر وكان يحاول يحشرها بزاويه تدخل فيها للحمامات ..!
أشواق كانت تتراجع المكان مخيف والحديقه ذي من الجهه ذي مظلمه وفاااااااااااضيه والمكان فاضي وخالد جابهم
للمكان هذا متعمد وقالهم انه اريح لهم علشان يكشفون ويأخذون راحتهم بالسوالف والكلام بدون أزعاجات ..
خالد : وش فيك خايفه ..!
أشواق وهي تتحامل على نفسها : لااااا .. بدخل أنا عند ليلى .. ودخلت تركض للحمامات ودخل خالد وراها علطول ..
دخلت للحمامات تدور بس ماشافت أحد المكان كان مظلم شوي لانه بجهه مظلمه من الحديقه .. شافت باب الحمامات
كلها مفتوحه ولافيه أحد .. نادت ليلى ماردت وقبل تطلع ..
أشواق : هييييييييي خالد ..
خالد مسكها من يدها وسكر فمها : اووووووووووووووووووووص .. لاسمعنا احد .. لازم اكلمك بموضوع ..
أشواق : بعددددددددد عني وخر وش الموضوع ابعد لااصارخ ..
خالد : هههههههه طيعيني لاتعصين !! المكان فاضي والبنات بعيد وماحولنا احد ..
أشواق حاولت تدفه ماقدرت : ابعد ابعد وشو الموضوع ..
خالد : تبين تعرفينه صدز ..؟
أشواق بخوف : ايييييه خلصني وش ..؟
خالد سحبها تجاه واحد من الحمامات وهي تصارخ وسكر فمها وقال : هههههههههههههههههههههههههههههههههههه
تعرفين داخل وشو ..
أشواق ( ............... ) !!
Finished part
.
.
23-05-2009, 10:34 PM
رد: ( مافيه داعي يلمـح الجـرح .. حسّـاد ) [ رَوايــِــّــَهَ سُعّـوُدَيـَه ] ..!
رد: ( مافيه داعي يلمـح الجـرح .. حسّـاد ) [ رَوايــِــّــَهَ سُعّـوُدَيـَه ] ..!
رد: ( مافيه داعي يلمـح الجـرح .. حسّـاد ) [ رَوايــِــّــَهَ سُعّـوُدَيـَه ] ..!
<حماااس 
العرض العادي
