( مافيه داعي يلمـح الجـرح .. حسّـاد ) جديد Part :21 ص: 53 - الصفحة 33 - شبكة القناص

النآدرهـ · 15-07-2009, 02:03 AM

روآيــه وآو من جــد

أهنّيييك علييهـآ

::ملكة الليل:: · 15-07-2009, 02:12 AM

يالله حــــــــــــلاها عجلي وانا أختتس

@ـلالية كيـgggت · 15-07-2009, 03:31 AM

*
*

أنا من بداية الرواية قريت البارت الاول وانقطعت عقبها
ورجعت اليوم وقريت البارتات مع بعض

القصة خياليه وروعة
والاحداث تتدرج بشكل سلس

وخففي من وصف ضاري بين كل كلمة والثانية
فيه ناس ماتتحمل <--
وبصراحة أحس ضــاري مخلص موية خزانهم
كل دقيقه والثانية ماخذ له دوش
وهـ بس

أبدعـتِ حلاهــا

كملي

*

La réponse · 15-07-2009, 03:41 AM

حلاها .
نبغا بارت اليوم ..
نستناااك ..

تــرف ! · 15-07-2009, 04:10 AM

أشوووف تحــت وحده لوونها أخضــر
..
إسمهآآ "حــلآآهــا"

يآآآرب بآآرت اليووم...
ننتظرك...

برفسوره · 15-07-2009, 04:25 AM

ننتظرك حلاها

ألــم · 15-07-2009, 10:19 AM

.

.

.

بآنتظآرك

هلالي وفتخر20 · 17-07-2009, 01:01 PM

حنا ننتضرك

روآن ●~ · 17-07-2009, 01:18 PM

نسينــآ الأحدآث :(

{ آوتــار ! · 17-07-2009, 02:27 PM

حتى انا نسيتها يآحلاها ..

لاتتأخرين ..:"(

{ آوتــار ! · 17-07-2009, 02:46 PM

..........

**مـآكِنتُوشٌ** · 17-07-2009, 08:28 PM

شكلي بعيد اقراهاا من جديد لين ترجع حلاها

**R O N A L D O** · 18-07-2009, 01:18 AM

يعطيييك العااافية

**حــ سعودي ــلاها** · 18-07-2009, 02:36 AM

part : 16

يعني يكذب ماكان نايـم ..؟! يعني هو مواعد وحده ..؟! يعني هو يكلم ..؟

أو يعني هو بيروح لما يطلع منها لأنثى ..!!!

فكرت بلعت دمعتها .. ساعه وحده ماأمداه يروح ..! معناته يكذب علي مافي دكتور بس يبي يروح علشانها .. وأنا بنت عمه

لحمه ودمه صرت مجرد عشـاء يتخلص منه ويمشي ويروح ..!

يعني الى هالدرجه يلعب علي ويستخف فيني .. بلعت أشياء كثيره وهي تغص بالآلم ..!

ضــاري هو كل شيء في حياتها .. وهي عند ضـاري ماهي شيء بحيـاته .. سمعت صوت الباب نزلت الجوال بسرعه

على الطاوله وأنسدحـت وهي تبكي ..

ودخــل ( عمـها أبومحمد بشويش عليها ) ..

ماكان متطمئن عليها وجاء يزورها وحب يسولف معاها بأنفراد ..

حست أشواق بالباب ينفتح ويدخل منه صوت كانت تظنه ضاري دخلت رأسها بقوه وجلست تبكي وتبكي ..

سمع صوت بكائها عمها قرب منها بشويش وماحب يخوفها قال بهمس : أشواق يابنيتي ..

أشواق ماستوعبت الصوت كويس كانت تبكي : ............. !

أبومحمد بآلم : وش بلاتس يابنيتي تصيحين عسى ماشر وش بتس قولي لي ..؟!

أشواق بعد ماسمعت صوته كأن أحد قص لسانها منها سكتت .. بلعت دموعها .. فكرت بجوال ضاري .. وضاري

بكبره بيكون هنـا بعد شوي .. فكرت شوي ..

أبومحمد : أشواااق .. أشووواق ..

أشواق فتحت الغطاء وقالت بهمس : عممممممممي ..!

ناظرها أبومحمد بشفقه وقال : سمي يابنيتي وش بتس ..

أشواق ماتدري وشتسوي حبت تتخلص منه بدري فقالت : الحمدلله طيبه وش جايبك هالحزه ..؟

أبومحمد : ايه طيبه وانتي تبكين ..؟؟

أشواق بأبتسامه خداع : لا ماأبكي بس عيني فيها شيء مدري وشو ..

أبومحمد : اشوااااااااق .. انا سامعك تبكين ..

أشواق بخبث : بصراحه ابكي لاني ودي اطيب بسرعه ومااثقل عليكم مقدر ارد لك معروفك ياعمي ..

أبومحمد: لامعروف ولاشي هذا واجبي يابنيتي ..

أشواق بخوف : طيب عمي ممنوع الزياره شلون دخلت أخاف يشوفك أحد عندي هنا ماقصرت ياعمري

بس أخاف يجيك مسأله والا شيء ..؟

ابومحمد بأبتسامه : هههه لاتخافين معي صفوق برا جايين عن طريق مدير المستشفى المناوب رفيق لصفوق

وقلت له واشوى سمح لنا لو نبي الى الصبح ..

أشواق بخوف أكبر : الله يسلمك ماقصرت ياعمي عساك ذخر .. ودي أقولك استريح بس اخاف اطول

عليك رح ارقد ونام ولاتشيل همي ..

ابومحمد بأبتسامه سحب الكرسي وقال : هههههه لا لا ماجيت علشان ارجع هه هاذي جلسه وأول ماجلس

لف للطاوله شاف جوال ضاري عند أشواق ناظر لأشواق وهي تناظر له ثم رجع يناظر للجوال ..

مسكه وقال : هذا ماهو جوال ضـاري ..!!

أشواق ماتدري وش تقول : .............. !

أبومحمد : وش جايبه لتس ..؟!!

أشواق بخوف : نساه يوم تطلعون المغرب وخليته هنا عندي علشان اعطيه اياه اذا جاء ..

أبومحمد وهو ينزل الجوال على الطاوله : اييييييييي جزاتس الله خير هالولد يمشي بدون مخ ..

أشواق بينها وبين نفسها " ياربي هالحين يجي ضاري يارب يتأخر وش هالمصيبه ياليته ماجاء اصلاً عمي لو شافه يبي

يذبحه ويذبحني ياويلي بس " ..

جلست تسولف مع عمها وهي خايفه ويدينها ترجف وتفكر بجيه ضاري وفجأه سمعوا صوت برا ..

أبومحمد : هه صفوق من هو يحاتسي ..؟!

أشواق وقلبها بيطلع : مدددري يمكن يكلم ..

أبومحمد وهو يقوم :لاوالله عنده صوت ثاني ..

طلع مع الباب وأول مافتح الباب سمـع ..

صفـوق : انا جاي اجيب ابوي يبي يشوف اشواق انت وش جايبك تالي هالليل لا ومعك ماء بعد

وشلون دخلت اصلاً ..

ضاري بعصبيه : صفووووووووق وش معناة كلامك ..!!

صفوق كان معصب جداً وتعبان : مادري عنك ياخي انت افهمه زي ماتبي .. وش جايبك هنا .. علبالك هذي من بنات

الشارع والا من معجباتك جايها تالي الليل وداخل وتمشى بثقه ..!

ضـاري بعصبيه : الخلااااااااااا بس مالك شغل فيني اروح للي ابي ولف عنه .. شاف أبوه واقف على الباب يناظر لهم ..

أبومحمد : خلصتـوا ..؟! وطلعوا اثنين ممرضين من الغرفه المجاوره ..

الممرض الأول : لو سمحتوا كيف دخلتوا هنا ممنوع الدخول انتم مين ..؟! وتسببون ازعاج بعد على المرضى فوق التهريب ..!

صفوق ماله خلقه فقال له بعصبيه : معنا اذن من مديركم شف وطلع له ورقه مختومه من مدير المستشفى ..

الممرض الثاني : طيب معاك اذن بالدخول مو بأزعاج المرضى ..

أبومحمد : ماعليه ياوليدي حقكم علي امسحها بهالشيبات شباب هذولا مايستحون ولايعرفون حق المريض انا اتفاهم معهم ..

وناظر لعياله بحقد : امشووووا ادخلوا امشووووووووووا ..

دخلوا الغرفه كل الاثنين .. وكلهم ناظروا اشواق اللي غطت وجهها بشيله كانت موجوده عندها ..

صقع أبومحمد بالباب ولف عليهم بعصبيه : ياللي ماتستحون وش بلاكم ..؟ هذي اخر التربيه رجال بأشنابكم تخانقون بوسط

مرضى يبون الراحه والهدوء .. ماتخافون ربكم فيهم .. ماتستحون من اللي حولكم .. الواحد صوته اطول منه .. وحتى مني

ومن هالشيبات مااستحيتوا .. جايين تالي الليول تحاسبون قدام الخلق .. ياخلاف اخلف عليك يابومحمد الله يخلف علي الله

يخلف علي تعبي .. ماهمكم احد ولاأستحيتوا ..

ضاري كان ينقل وجهه ويناظر لزوايا الغرفه والا للأرض ..

صفوق رد بعصبيه : يبه .. وش رايك يعني .. ضاري جاي وجايب معه اغراض .. بأنصاف الليالي جاي لبنت عمه .. ولااحد

يدري ولااحد يشوف .. وحتى الدخول مدري وشلون دخل..!

ضاري ناظره بأستحقار وقال : الحشمه لابوي ..

أبومحمد بعصبيه : تعقب وتخسى يالخايب وش حشمته توها تصير الحشمه يوم طلعت صوتك انت واخوك وزلزلتوا المستشفى

علينا يوم فضحتونا عند الله وخلقه قلت الحشمه .. توك تستحي على دمك .. وش جايبك هنا هاه ..؟

ضـاري عصب وفلتت منه أعصابه أبوه وأخوه يعاملونه كأنه مجرم .. هو ماله ذنب غير أن أشواق تتبلاه كل ليله وتحط مرضها

وأعصابها حجه علشان يجيها ويزورها .. كان يبي يساعدها ونيته بيضاء ..!

قال بعصبيه وعروق رقبته طالعه : انتم وش فيكم عليييييييييييييييي ..؟ ماسويت شيء ..؟ وأشر على صفوق هذا وقف بحلقي

برا يهاوش ويرادد وش انا مسوي وش انا قايل ..؟!

صفوق بعصبيه : وش جايبك هنا ممكن افهم ..؟ وناظر أشواق بعصبيه اكبر : هاه ياأشواق وش جايبه ..؟!!!

أشواق ماتكلمت ابد ونزلت رآسها وضاري يناظر لصفوق بعين قويه ومايرد ..

صفوق : ليه ماترد ..؟! قسم بالله ياضاري لو اقطع جلدك بالعقال الليله ماتفرق معي ياتقول لي وش جايبك هنا ياابلعن خامس

خامسينك هنا ..

ضاري : تعقققققققققققققققققققققققققققققققققققققققققققققققق قققققققققب اااااااااش بس ..

أبومحمد وقف بينهم خاف انهم يتماسكون الايدي : اششششششششششششش انت وياه اششششششششششششششش ..

ضاري بعصبيه يناظر لصفوق : اللي جابك جابني يالقوي ..

صفوق : الخلا بس انا جاي اجيب ابوي ولادخلت داخل ماهو مثلك لولاي رفعت راسي كان داخل على البنت ..

ورفع رآسه لأشواق وقال : ماندري بعد يمكن متعوديييييييييييييييييييين ...!!!!

ضـاري بعصبيه : وش متعودين عليه ..؟!!!!

أبومحمد ماسك راسه : اسكتووووووووووا الله يلعني انا اللي ماعرفت اربي رجال فضحوتنا بالمستشفى اسكتووووا ..

صفوق معصب : متعود على سواد وجهك يالكلب .. جاي ماشاء الله معه ماء وعصيرات واكل راعي طويله ابو الشباب ..

ضاري فلتت منه أعصابه من الأول كانوا يتهمونه هو .. وهالحين يتهمون بنت عمه معه ..! تقدم صوب صفوق وقال بعصبيه

وهو يحاول يمسكه : تراك ماحركت شعره فيني ولاتسوى مطاااااااااااااااااي هذا وهو يضرب برجله على الارض ..

صفوق عصب وقرب منه وحاول يضربه كف بس يد ضاري كانت أقوى منه ومسك يده ودفه بعيييييييييييييييد عنه وطاح

عقال صفوق على الارض وأبوهم ألجمه الموقف وسكت ..

ضـاري : عقالك هذا ثبته على راسك يالرجال بعدين تعال اضررب رجاجيل فيه .. والله والله والله لولا الحياء من ربي

والناس كان دفنتك هنا انت ونواياك يالشين ..

صفوق عصبببببببب وقرب منه بس ابعد عنه ضاري يتحاشاه وقال بعصبيه : انزح وراك بس وطلع وصقع بالباب بأعلى شيء عنده ..

وخلى صفوق وأشواق وعمه داخل الغرفه يناظرون لبعض نظرات حساب عسييييييييييييره ..

صفوق يناظر أشواق : وش يبي ضاري ..؟!!!

أشواق أستجمعت قواها وقالت بذكاء : جاي يأخذ جواله ..!

صفـوق بأستغراب وعصبيه : ماااشاااااااااء الله ومن متى ..؟!!

أشواق وهي تبكي واضح عليها : نساه لما كنتوا هنا .. وانا خذته ودق هو بيشوف وينه وقلت له انه عندي

وطلبت منه يجيب لي ماء اذا جاء معاها ..

ناظرها صفـوق بعدم تصديق ..!

أشواق وهي تبكي : ليش تخانقتوا علشاني .. والله لو ادري ماكنت طلبت مويا .. كنت عطشانه وماحولي احد ولما دق

طلبت منه ماء وهو ماقصر .. ماكنت ادري بيصير كل هذا ..

صفـوق : وليش ماتكلمتي لما كان موجود وقلتي هالكلام قدامه ..؟؟؟ والا خطه منك ..؟! وين جواله هاه ..؟؟!

أبومحمد بعصبيه تذكر لما قالت له أشواق ان ضاري نسى جواله وبطيبه قلب قال : اييييييييييييييييييييييييييييييييييييييه اسكت اسكت

هي صاقده هي صادقه ظلمت اخوك وظلمتها اول مادخلت عليها قالت لي ان ضاري ناسي جواله هنا ..

صفوق وهو يناظرهم بعصبيه اكبر : تووووووووووووووووووووكم تنطقوووووووون !!

أبومحمد: وانتم عطيتونا فرصه ..

صفوق لف عنهم : استغفرالله العظيييييييييييييييييييييييم .. هالحين وين ذلف هالمجنون عاد اذا حتى جواله هنا ..

وجلسوا يفكرون ويتناقشون ويسولفون .. وصفوق ندمان حيييل وزعل مررره على تصرفه .. وأشواق لازلت خايفه ان ضاري

يقول شيء او يبرر شيء وهي قايله كلام ثاني لهم ..

ضاري كان يدور بالشارع .. ضايق مره وطفشان .. في صدره غصــه تذكر جرح أنجرح فيه من زمان .. ولازال

هالجرح سر بصدره مايدري ليش الليله بالذات طرى عليه هالجـرح ..! وأسترجعه .. وحس بقيمه البشـر أنهم أحساس

قبل مايكونون أوادم يحبون الشهره والفلوس وإي شيء ثاني ..

دار دار .. نسى أصلاً أن جواله كان هناك .. كان باله يدور مع كلام صفـوق وهوشتهم .. أخوان من لحم ودم دخلت

بينهم أشياء بسيطه وأبليس كبرها .. وأبوه وأشواق وأمه تذكر هواشه مع خـالد وسوالفهم وكيف تندم بعدين ..!

وقف جنب حديقه صغيره .. ونزل لها وأنسدح ورفع رآسه يناظر للنجوم والسماء ويحس أنه مخنوووووووووووووق ..!

تذكر بيـان مايدري ليش حس أنها تحس فيه لما قالت روح أبعد وأرتاح بالرياض .. كأنها تدري أن وجوده هنا يخنقه

خصوصاً مع وجود أشواق اللي صارت يوم عن الثاني تطلع له بسالفه ..!

كان بحاجتها قوووه حيل .. نزل يده لجيبه تحسس جواله ..! مالقاه ..! فكر شوي ..!! رجع تذكر أنه كان حاطه عند

أشواق ..!

ضـاري : اوووووووووووووووووووووووووووووف وش هالنسيه ..! جوالي عاد مقدر اصبر عنه .. وش الدبره هالحين ..؟!

قام لسيارته وفتح الدرج الصغير وطلع جواله الثاني المغلق المرمي من زمان وبتاع المعجبين ..

فتحه ودق على جواله ..!

أشواق وهي ترجف : هذا جوال ضاري يدق ..!

صفـوق يناظرها بتعب : ميييييين !!

أشواق : مدري مكتوب رقمي 2 ..

صفوق وهو يجيها مسرع : ايه ايه جواله الثاني هاتي ..!

خذا الجوال منها ورد بسرعه متلهف بيشوف ضاري وينه ..

صفوق : هلااااااااااااا ..

ضـاري بتعب وضيقه خلق وصوت حزيييييييين ومخنوق : الـووو ..

صفـوق أوجعه قلبه لما سمع صوت ضاري كذا وصدق أنه نسى جواله وجاي علشانه وتألم وقال بصوت حزين ونادم : هلا ضاري

وينك ..؟ تعال يارجل الله يلعن أبليس ..

ضـاري سمع صوت صفـوق تذكر الأحداث والكلام مابغى يضغط على عمره زياده .. قفل الخط بوجه صفوق ورمى جواله ..!

مشى بسيارته وجلس يدور .. كان محتاجها .. يبيها .. رقمها مب حافظه .. يحس أنه بحنين لها .. محتاج يرسل لها شيء ..!

شاف نور جواله يأشر كان حاطه على الصامت .. شاف الرقم إلا رقم جواله يدق كان متأكد أنه صفوق ..

طرت على باله فكره .. أنتظر لين أنتهت المكالمه وخذا جواله وفتح رساله جديده وكتب :

(( طلعوا لي جوالي برا عند الحارس ))

تم أرسال الرساله ..

وعطاهم رنه عقبها علشان يدرون أن الرساله منه ..

صفوق يناظر أبوه اللي واقف لانهم يبطلعون عن أشواق : يقول طلعوا لي جوالي برا ..

أبومحمد : انهبل هذا .. دق عليه وعطني اياه ..

صفوق : مايرد ..! يبي جواله ..!

أبومحمد يناظر صفوق: الله يهديك الله يهديك الله يهديك ..

صفوق حس بخطأه ونزل رآسه ..!

أبومحمد : امش امش يلا وهات الجوال معك حطه عند الحارس يجي ياخذه ماحنا ناقصين يلا ..

أشواق بألم : طيب خلوه هنا يمكن يجي يأخذه من هنا ..

صفوق يناظرها بألم : لا يقول هاتوه لي برا ..!

طلعوا وخذوا جوال ضاري معهم .. وعطوه الحارس ودق صفوق من جواله على ضاري رقمه الثاني بس ضاري

للأسف مايرد ابد .. دق دق مارد ..

صفوق : مايرد ..!

أبومحمد : ارسله رساله قله شف جوالك عند الحارس ..!

صفوق : ان شاء الله ..

أرسل :

(( ضاري شف جوالك عند الحارس انا اسف ياخيي ماتسوى الدنيا بيننا بس كنت تعبان ومعصب

ابيك ضروري نتقابل ولو تبي احب لك رآسك حبيته ))

تم ارسال الرساله ..

صفوق : ارسلت ..

ابومحمدوهو يأشر برأسه : الله يعدي هالليله الشينه على خير ..

وكملوا طريقهم وكل واحد يفكر بشيء ويفكر بالاشياء اللي صارت من تـو ..!

ضاري كان بالسياره تعبان حيل .. مرهق .. محتاج لاي شيء ممكن يسليه .. لما وصلته الرساله فتحها وغير مساره

وراح صوب المستشفى .,

وقف عند الاشاره أستغل وقوفه وفتح الدرج الصغير .. ودور عن شريط يبيه وخابره .. شريط فيه قصايد له من أمسيه

كان هو بطلها ..

دور الشريط وأخيرااااااً لقاه .. طلعه ودخله وجلس يسمع قصيده أسمها (( عين المواجع )) :

و..الملم ما بقالي من أحاسيس وأجي مكسور

وحيد ولا على بالي سوى إنسـان ناسينـي!

وأطيح ويذبل بعيني صباحٍ مـا يفـز بنـور

وأنادي يا عناويني وأنادي يا عنا... وينـي!؟

ثلاث سنين من عتمة ظلامك.. يا ضيا الديجور

يموتك حلم وتموتك سحايب من ورى عينـي!

وبيدي حلم غنَّاه الزمان وطار بـه عصفـور

يزفه للغمـام اللـي تهجـا رحلتـه فينـي!

واتمتم "هي هنا كانت" وينبت للحنين شعـور

وأتمتم "ليت ما كانت" وأضيـع ولا ألاقينـي!

وادورني ورى جرحي وتزهر في حشاي قبور

وأكفن عورة همومي وأدور منهـو يرثينـي!

هنا كان المسا بارد حزين ومكتئـب مقهـور

هنا! والا هنـا! والا هنيـا صـرت مابينـي!

أنا ما طحت من عين المواجع يوم أنا مكسور

أنا من كثر ما فيني مواجع.."طحت من عيني"!

كان يردد وراء صوته الموسيقي بعض الابيات اللي تعني له شيء ووقف عند أخر بيت وظل يردده كثير :

أنا ما طحت من عين المواجع يوم أنا مكسور

أنا من كثر ما فيني مواجع.."طحت من عيني"!

كان يقوله بصوت حزين وموسيقي حيييييل .. شاف لوحه المستشفى قدامه .. دخل وناظر حواليه تأكد أن لاصفوق

ولاأبوه موجودين ..

وحّب يحرص أكثر ألتفت وراء للسياره شاف فيه شماغ له .. خذاه وتلطم فيه ونزل صوب الحارس ..

ضاري : السلام عليكم ..

الحارس : وعليكم السلام ..

ضاري : مادري عندك جوال لي ..؟!

الحارس : ايه يالاخو بس من أنت ..؟!

ضاري : ضـاري ..

الحارس : ايه تفضـل ..

ضاري ناظره بأبتسامه وكأنه أعطاه شيء ثمين جداً يحتاجه : شكراً يابعدي عساك لطولة العمر ..

الحارس : حياك الله ..

وقبل يكمل طريقه سمع صوت يناديه من بعيد ..

ساره : ضاري ضاري ..

لف ضاري يناظر وراه شاف ساره تركض وراه وتناديه ..

ضاري : هلا ..

ساره : شلونك ..؟!

ضاري : طيب .. سّمي وش بغيتي ..؟!

ساره : اشواق تعبانه حيل .. عطيتها مهدأ كانت تبكي تقول انا السبب .. وصتني اذا جيت تأخذ جوالك

انها تقول لك أنها مره أسفه .. وماقصدت بس هي مثلك محتاجه أحد تسولف معه وتشكي له .. ماتوقعت

أن المشاكل كلها ذي بتصير علشان أنسان تفضفض له .. وتقول انها قالت لهم انك نسيت جوالك وجيت تأخذه ..

ضـاري بألم : طيب وشلونها هالحين ..؟!

ساره : طيبه ودك تشوفها ..؟!

ضاري : لا لا .. ثم قال : والا اقول بدخل شوي عليها ..

ساره : اوكي تعال .. يمكن نامت بس تعال شوف ..

ضاري : يلا ..

دخلوا المستشفى وضاري كان متلطم .. ويمشي بعيون مليانه آلم وحزن وتعب .. كان ماسك جواله بيده ويده

الثانيه قابض عليها بكل قوته ..

وصل لغرفتها .. ناظر لساره وكأنه يقولها خلاص شكراً روحي .. فهمتها ساره وراحت .. وفتح الباب بشويش ..

دخل عليها وهو يشوف الغرفه مافيها لاصوت ولاشيء ..

دخل شافها نايمه بدون غطاء .. والغرفه بارده حييييييييييييييل .. قرب لها شاف كومه مناديل عندها كانت تبكي ..

ناظرها بشفقه .. مسكينه مالها ذنب .. وأنا بعد مالي ذنب .. حاول يغطيها باللحاف بس كانت نايمه فوقه ولو حركه

تبي تصحى ..! ناظر حواليه .. الغرفه بارده حيل وواضح عليها بردانه .. مافيه لالحاف ولاشيء ..

قرب لها بكل حنان وفك لطمته ونزل شماغه وفكه كله وغطى جسمها فيه وناظرها وطلع ..!

ركب سيارته .. علطول مسك جواله .. ناظر الساعه .. 2 ونص ..!

ضاري : اوووف الوقت تأخر ..

نزل جواله على جنب .. وكمل طريقه .. رجع لنفس المكان اللي كان فيه من شوي .. أنسدح وطلع جواله ..

وفتح أنشاء رساله جديده وكتب :

تعبت انا أنثر هم قلبي على الناس ..

..... وتعبت ادور للحقيقة ....../ حقيقة !

يلعن ابوه .. شعور .... لابوه إحساس ..

..... لاجيت أسوي من جراحي / حديقة !!

شف لي طريقة لاغدى دربنا.. ياس ..!

..... تعبت انا ترديد ..( شف لي طريقة ) !!

ماعاد ياسع للحزن أي ....... كرّاس .!

....... وماعاد قلبي يحتمل ... أي ضيقة !

شفني رشفت من الغرابيل كم كاس !

..... والصبر مابلّت أمانيه .... / .. ريقه !!

أكبر مصيبة طيحة إنسان .. حسّاس !

..... تسوى بعيني .. موت كل الخليقة !!

أكذب على نفسى إذا قلت " لاباس " !

..... و" الباس " أصلا ً من زهوري رحيقة !

ياما تعبت أشحذ من عيوني .. انعاس !

..... مامر إبن الـ...... ! عيني .. دقيقة !

صعبه تشوف بعينك الحلم / ينداس ..!

..... كنّك اتطفي .. من دموعك / حريقة !

الموت ماهو لاانحني .. للتعب/ راس !

..... الموت نفسك ... لانحنت / للخليقة !

كل الدروب أشوفها / ياس في ياس !

..... سايق عليك الله ( شف لي طريقة ) !

وكتب تحتها ( تعبان جداً جداً مدري لمين أشكي أو أفضفض المهم أني أحس الحزن يخنقني )

راح لرقـم ( أحلاهـم ) .. تم أرسال الرساله ..

حط الجوال على صدره وجلس يفكر .. ! عمري ماشكيت لأي أنسان .. شلون أنثى طفله تخليني أشكي لها بدون

ماتطلب .. شلون قلت لها شيء المفروض ماتقوله الرجال ..!

وقبل يكمل تفكيره .. رن جواله بصوت نغمه رساله .. علطول شاله وشاف :

(( بسم الله الرحمن الرحيم .. وش بك .. عسى ماشر بكم شيء ؟؟ ))

المرسل : أحلاهم ..

جلس بعد ماكان منسدح .. ناظر للرساله وجلس يبتسم .. قرأ الرساله بصوت عالي وقرأها بصدره ..

التفت على جانبه الأيمن كأنه يشوف خيالها .. يشوفها ويتذكر كلامها وصوتها .. أبتسم للهواء .. كأنها جالسه جنبه ..

حس أن فيه مخلوق يشاركه هالهواء اللي يشمه بآلم ..

علطول فتح أنشاء رساله وكتب فيها :

(( اهلي طيبين بس انا ماني طيب .. تعبان وبي شر الدنيا ))

وتم أرسال الرســاله ..

وجلس يناظر السيارات ويناظر جواله كأنه ينتظر يسمع صوتها مع الهواء البارد والقمر والنجوم ..

أبتسم ورجع أنسدح .. وشوي جته رساله فتحها :

(( ليه خير وش بك ..؟! ))

كتب لها :

(( متضايق بالحيل .. وتمشكلت مع ابوي وصفوق .. واحس اني بموت من الضيقه والألم ودي أفضفض بس مالقيت

احد الا انتي العالم كلن لاهي بروحه .. العذر لاتواخذيني ))

تم أرسـال الرسـاله ..

وحط الجوال بجيبه الأعلى على صدره اليسار وكأنه يحطه قريب للقلب ويبيها تسمع وشلون دقات قلبه وهو يشكي لها

ويتكلم معاها حتى لو عن طريق الجوال ..!

شوي جاه رد من بيـان :

(( يييييييمه ليه وش بكم تخانقتوا ؟؟ وش علشانه ؟؟ ))

أبتسم .. وهالمره ماقدر يكمل كتابه رساله .. راح لرقمها .. ودق عليها .. دق .. دق .. دق .. ماردت ..!

رجع رمى الجوال وتضايق .. ! حس بشيء بقلبه يقوله ياضاري لك حدود وهو مايبي هالشيء أبد أبد يصيــر ..!

وقبل يكتب لها رساله وصلتـه رساله من بيـان :

(( وش عندك تدق ..؟؟! اذا تبي شيء قله بالرسايل )) !

أبتسم .. هو عنيـد .. رآسه قوي .. رجع حط رقمها وجلس يدق .. دق .. دق .. دق .. ردت ..

بيـان بصوت قصير : هلاا ..

ضـاري بألم وفرح بنفس الوقت : هلا والله وشلونتس ..؟!

بيـان : طيبه الحمدلله .. وانت ..؟!

ضـاري : زفت ..

بيـان : هههههههههههه يحول ..

ضاري : هههههههههههههههههههههههههههههههههههههههه ههههههههههههههههههههههههههههههههههههههههههههههه

ههههههههههههههههههههههههههههههه هههههههههههههههههههههههههههههه هههههههههههههههههههههههههههههههه

بيـان : يمه وش بك ..؟!

ضـاري بفرح : يلعن شكلتس تمسخرين فيني ..؟!

بيـان : لا صادزه انت تقول زفت ..

ضـاري : ههههههههههههههههههههههه يالشماته ..!

بيـان : وش بك ..؟ ليه متخانق مع اهلك ..؟!

ضـاري تنهد ورفع رآسه فوق : اااااااااااااااااااااااااه مدري .. والله مدري ليش ..

بيـان : شلون ماتدري ..! وش عليه تخانقتوا ..!

ضاري : سالفه طويله ..!

بيـان : طيب قلها .. والا ليش داق ..

ضاري أبتسم على عفويتها وقام عقب ماهو جالس وجلس يتمشى وقال : ابد والله لما رحت زياره المستشفى المغرب نسيت

جوالي هناك عند أشواق .. وعقب ماطلعت دقيت عليهم قالت لي اشواق جوالك هنا عندي .. ورحت .... وقبل يكمل ..

بيـان : نسيته المغرب ..؟ بس انا جاني مسج منك الساعه 11 ونص شلون نسيته ..؟!!!!

ضـاري بأستغراب : مننننننننني انا ..؟؟!!! متىىى ..؟؟! وشوو ..؟

بيـان : مدري عنك .. تقول ابجيك ووعد الحر دين ومدري وش .. بعدين على فكره هذا دليل ان رقمي مخزن مب ممسوح

صح ..؟!

ضـاري : صح بس مو هذا موضوعنا .. وعرف أنه أرسل الرساله بالخطأ فقال : والرساله كنت مرسلها لواحد من خوياي الظهر

يمكن الملاقيف فتشوا جوالي وارسلوها بالغلط ..

بيان هي مو مصدقه : اهااا طيب وش صار ..؟!

ضـاري : رحت أجيبه منهم تو قبل شوي .. يمكن 1 او 12 ولقيت هناك صفوق واقف عند الباب اثري ابوي عند اشواق

وشافني صفوق وتخانقنا على ليش جاي ومن هالامور ..؟!

بيـان : وانت وشوله تدخل عليها الساعه 1 !!!

ضـاري : بأخذ جوالي ..؟!

بيـان : يمكن انها نايمه .. بعدين اصلاً وشلون دخلت ..؟!

ضـاري : قلت للمرضه تدخلني ابي جوالي ودخلتي وشافني صفوق وتهاوشنا وطلعت ..

بيـان : اها ..بزعمي اخوك معه حق .. البنت مهما كان يمكن نايمه يمكن شيء ماتدري شلون تدخل عليها هالوقت ..!

كان قايل للمرضه تجيبه ..!! أو ليه مارحت بدري ..؟!

ضـاري بتعب : مدري هذا اللي صـار ..!

بيـان بشك : خله يكون درس لك ..

ضـاري بأستغراب : عــن ..؟!

بيـان : علشان ماتروح مره ثانيه بأنصاف الليول للبنت ..؟!

ضـاري بعصبيه : وش تقولين انتيي رايح اجيب جوالي وش بلاكم علي ..؟!!!!

بيـان : ضاري لاتهاوش انت داق علي تبي تفضفض ماهو تخانق يعني لازم اصير مثل كلامك والا تبي تهاوشن ..! انا اقولك

تدخل على بنت بهالحزه ماهي زينه ..!

ضـاري : وليه ..؟!

بيـان : بس ..! لو خالد صاحي تهقى يبي يرضى لو دري انك داخل على خطيبته الساعه 1 بالليل ..!

ضـاري : وش جاب لجاب ..! وش انا داخلن اسوي ..؟!

بيـان : الناس مالهم الا الظاهر .. واخوك وابوك وانا ماحنا شاكين بك بس العالم غيرنا يحتسون ..!

ضـاري : بيان انا داق عليك افضفض لك ماني داق تضيقين صدري زياده ..!

بيـان : بكيفك انا قلت لك ..

ضـاري : خلاص قفلي هالسيره ..

بيـان : بكيفك ..

ضـاري : أسمعي ..

بيـان بغفله : وشو ..؟!

ضـاري يغني لها بصوت موسيقي يجننننننن :

القوس قوسك والسهام سهامك ... مالي على رمش(ن) تسله قوه ...

انا اسيرك واقف(ن( قدامك ... واللي تبا تسويه فيه سوه ...

وثقت في قلبك وطيب انسامك .. ماظن تظلم وانت فيك امروة ...

قلبي رهيف ولا يروم هيامك ... توه تعلم كيف يعشق توه ...

قلب(ن) قطفته لا ترص احكامك ... خفف على قلب(ن) حتمت بجوه ...

يفداك لكنه يشيل احلامك ... ملكك ولا لي منه غير انخوه ...

بك زين من راسك يـ لين ابهامك ... والليل ياخذ من صباحك ظوه ...

ما يحجب الويه الصبوح الثامك ... طلتك دايم يالحلى محلوة ...

بيان كانت تسمع له بأنسجاااااااااام تام .. كأن اللي تسمع له مب ولد خالتها .. صوته كلامه .. كان يسولف ويتكلم ..

خلص الأغنيه .. وقال : وسلاااااااااااااااامتك ..

بيـان بأبتسامه : عوافي .. صوتك حلو .. والاغنيه تعرف تضبطها .. بس وش المناسبه ..؟!

ضـاري : يعني لازم يكون فيه مناسبه ..؟!

بيـان : ايه ..!

ضـاري : وش فيك كذا ..؟!

بيـان : ضاري .. انت داق تفضفض على كلامك بعدين صار أغاني وغزل ومدري وشو ..؟!

ضـاري بعزة نفسه : لحظه وش قصدك ..؟!

بيـان : اللي فهمته ..!

ضـاري : واللي هو ..؟!

بيـان : امسح رقمي .. فيه مليون غيري .. انا مااصلح لك ولاتصلح لي .. مع السلامه ..

وقبل يكمل .. سمع طوط .. طوط .. طوط ..!

أنقههههههههههههههههههههر .. وعصب عليها .. أغني لها وأرسل لها غزل واخر شيء تقفل بوجهي ..! تتغلى والا شايفه

روحها والا وش قصتهـا ..دق عليها دق دق ماترد ..

فتح أنشاء رسـاله وكتب :

(( الظاهر خذيتي مقلب بعمرك .. على العموم خساره الدقايق اللي راحت عليك فيه ناس اولى منك فيها ))

وحط رقم أحلاهم و تم أرسـال الرسـاله ..!

قام وركب سيارته .. وصل البيت .. دخل شاف صفـوق جالس بالصاله ..

صفوق : ضاري ..

ناظر له ومشى للدرج .. لحقه صفوق بس ضاري دخل غرفته وصقع بالباب وقفله .. طق طق صفوق ..

مارد عليه .. رمى نفسه على السرير ونااااااااااااااااااااام .. كان تعبان ومقهور ومجروح ..!

كان يحلم بأياء كثير صفوق , ساره , بيان , أشواق , أشيء كثير ..

فز من نومه .. جلس على السرير .. ناظر الساعه .. 4 الفجـر .. سمى بالله وتعوذ من أبليس ورجع نام ..!

الساعه 4 العصـر ..

تقلب على السرير .. حس كأنه مهدود حيله .. ومكسـور ..!

تحرك ورفع يده شاف الساعه 4 ..! قام من السرير ونزل على الأرض وجلس يسوي تمارين لعضلاته يفكهم

بعد النوم اللي حس أنه فكك عظامه ..

فتح دولابه وطلع ثوبه الأبيض وغترته ورماهم على السرير وطلع فوطته ودخل الحمام يأخذ دش ..

طلع .. وفرش سجادته وصلى .. وخذا ملابسه ولبسهم وتكشخ .. وقرب للمرايه .. ناظر لوجهه .. ناظر لملامحه ..

خذا عطره دولتشي اند جابانا .. وتعطر منه كثييير تروش فيه من كثر ماتعطر .. وخذا أغراضه وفتح الباب وطلع ..

نزل تحت سمع أصوات وعالم وناس .. ناظر لساعته الا صايره الساعه 5 بالضبط ..!

أول مانزل سكتوا البزارين ناظرهم وأبتسم وجوه يركضون .. بوسهم ولعب معاهم وتركهم ودخل داخل الصاله ..

ضاري : السلام عليكم ..

الكل : وعليكم السلام ..

راح صوب أبوه وحب رآسه وقال : العذر والسموحه على اللي صار مني ..

أبومحمد : ماصار الا الخير ..

وقبل يجلس حس بأحد مسكه من كتفه من رواء وقبل يلف عليه سحب صفوق رآس ضاري وحبه قدام أخوانه وخواته

وكلهم وقاله : العذر ياخوي ..

ناظره ضاري بأبتسامه .. صفوق قلبه طيب .. حبوب .. وحساس حيل .. أعتذر له حتى قدام البزارين ..

قال بأبتسامه وهو ينزل رآسه : بوس بعد ههههههههههههههههههههه ..

صفوق : هههههههههههههههههههههههههههههههه

ضـاري رفع رأسه وقال : ماقصرت يابو الشباب بس مره ثانيه لاتهور ..

صفوق : ههههههههههههههه يصير خير ..

محمد : يعني خلاص طاح الحطب ..

ضـاري يناظر له : اهب وصلتك السالفه يالام بي سي ..

سلمى : هههههههههههههههههههههههههههههههههههههههههههههههههه ههههههههه

وجلسوا يسولفون ويضحكون .. وضاري تغدى ثم قاموا خواته وأمه ..

ضاري : وين ..؟

سلمى : نبي نتجهز نروح للبنات يقولون يبون يسوون بأشواق عمليه اليوم ..؟!

ضـاري : ايه طيب اصبروا ماخلصت اكل ..

سلمى : ماهو لازم نبي نروح مع بيــان ..

ضاري رفع رآسه وقال : خييير وش دخل بيان ..؟!

سلمى : تبي تزور أشواق وتقول مستحيه اروح لحالي قلت خلاص مرينا ونروح معتس ونجي معكم عاد ..

ضاري : اهاااا زين .. اوكي يلا روحي لاتأخرين ..!

كلا بسرعه .. شاف خواته وأمه طلعوا .. وقام وغسل وركب سيارته ومشى للمستشفى ..

كانت الساعه 6 ونص .. دخل ضاري وقبل يوصل غرفه أشواق عدل غترته .. وقرب للباب ودخل ..

سلمى : لحظظظظظظظظظظظظظظظه ضاري لاتدخل ..!

ضاري رجع : خير وشو ..؟!

سلمى : خلاص ادخل ..

دخل ضاري وريحة عطره ملأت الجو كله .. كان فيه موعد له مع ثنتين داخل الغرفه .. بيان / أشواق ..

ضاري : السلام .. وش بك انتي ..؟

الكل : وعليكم السلام ..

سلمى : بيان به وانت درعمت تبي تغطى البنت ..

ضاري : اها شلونتس بيان ..

بيان بصوت قصييييييييييير : طيبه ..!

ضاري : وين العيال ..؟!

سلمى : مادري برا .. يمكن عند خالد والا عند البنات هالمره اشواق بلحال علشان بيسوون لها عمليه بعد شوي !

ضـاري : اها .. مارحتوا للبنات ..

العنود : لاوالله امشي سلوم يلا يمه نبي نشوفهم ..

سلمى : نخلي أشواق ..!

بيـان : خلاص روحي أنا اجلس عندها لين تجون ..

أم محمد : خلاص اجل قمن نشوف البنات ونرجع .. لاتطلعين يابنيتي بيان ..

بيـان : ان شاء الله ..

طلعوا سلمى , العنود , أم محمد , ضـاري .. وقبل يطلع ضاري دخل الممرض يبي يحط أبره لأشواق بالمغذي ..

دخل ضاري وراه ..

حط الممرض الأبره .. وطلع وبيـان لما شافت ضاري راحت للحمام اللي بنفس الغرفه ..!

طلع الممرض وأول ماطلع .. قالت أشواق : ضـاري لحظه قبل تطلع ..

ضاري لف لها وهو خايف تقول شيء ويناظر للحمام : هلا ..؟!

أشواق : هذا شمـاغك صـح ..؟!

ضـاري وقلبه بيوقف : وشو ..!

أشـواق : جيتني أمس وأنا نايمه ..؟!

بيـان كانت بالحمام ودها تطلع علشان وصيه عمتها وودها تجلس وتسمع ..

ضـاري : ........ !

أشواق : ليش ماتـرد ..!

ضـاري : مهب شماغي ..!

أشواق : إلا ريحتـك ..!

ضـاري : لحووول وش يجيب شماغي عندتس !

أشــواق : أمس كنت هنا .. قالت لي سـاره ..!

ضـاري : خذيت جوالي وطلعت وماكنت لابس شمـاغ ..!

أشـواق : بس فيه ريحتـك ..!

ضـاري : غصب يصير شماغي !! خلاص شماغي !! وش تبين بعد ..

ومشى وخلاها وراح صوب الباب وقلبه يرجف وعقله مع بيـان .. طلعت بيان من الحمام ..

بيـان تسوي نفسها ماتدري وضاري عند الباب لسى ماطلع : وشو هالشمـاغ ..!

أشواق : هاه لاوشيء ..!

بيـان : شلون ..!

أشواق تذكرت أن ضاري لازم يكون لها فقالت بخبث : لضـاري ..

بيـان : وش جابه لتس !

أشـواق : نساه أمس عندي هنـا .. غطاني فيه لما شاف ماعلي غطاء .. كنت نايمه والمكيف بارد ..

شافني بردانه وغطاني ..

بيـان : وانتي وش دراتس انه غطاتس ..؟!

أشواق : قمت لقيت شماغه علي ..!

بيـان : يعني عادي عاجبتس !!

أشـواق بأبتسامه : دام هو يبي كـذا أنا عاجبني ..

بيـان ناظرتها وسكتت وناظرت صوب الباب كان ضاري يناظرها ويبتسم ويرفع حاجب ..!

ناظرته بأستحقار ولفت عنه وقالت لأشواق : طيب تريه هذا هو عند الباب عطيه شماغه ..

أشواق شافت بيان تضايقت علبالها تحب ضاري قالت تبي تقهرها : لااا أبيه عندي أشم ريحه ..! هو حطه عندي يبيه

عندي يصيـر ..

بيـان ناظرتها بعيون معصبه .. تذكرت أمس كلام ضاري وشلون يختلف .. طاح من عينها ..

ناظرته نظره أستحقار .. يعني تلعب علي بقصايدك الغزل ياحقيييير وأنا بنت خالك ..

ضـاري حس أن أشواق وراها مصيبه ولاقدرت حنانه لها تدارك الوضع ودخل وقال : اشواق وش سالفه هالشماغ !!

انا جايتس بشماغ !! ومتى جيتس اصلاً اسمعتس تسولفين وانا برا لاتقولين كذا عني ..!!!

أشواق : شماغك شف ريحتك ..!

ضاري : وين ريحتي شمي كويس ..! هاتيه بس ..!

أشواق : لاوش تبي به ..!

ضـاري : ساااااااااااااره سااااااااااااااااااااااره ..

جت ساره تركض ودخلت وشافت اشواق ضامه الشماغ وبيان واقفه على جنب بعيد .. لف لها ضاري وغمز لها بعينه

وقال لها : ساره انا جاي هنا امس ؟؟ متى جيت ؟ ليش تقول اشواق انك قايله لها اني جاي والشماغ شماغي ورجع وغمز

لها ..

ساره أستانست أن ضاري أستعان فيها للمساعده فقالت تبي تكسب رضاه : لاماجيت .. بس خذيت جوالك وطلعت ..

ضاري لف لأشواق وأشر برأسـه كأنه يسألها ..!!

أشواق : الا قلتي هذا شماغ ضاري لاتكذبون ..

ضاري : شهد شاهد من اهلها .. خلي عنك الكلام .. منب ناقص مشاكل مع اهلي .. وسحب الشماغ من يدها وعطاه

ساره وقال : خذيه وحطيه بمكتب الدكتور بجي اسأله وش سالفته .. وغمز لها وطلعت ..

مشى ضاري للباب وقبل يطلع لف وشاف بيـان تناظر لأشواق وترفع عيونها .. ناظرها بأبتسامه حنين غصب عنه ..

وفتـح الباب وطلـع وخلا الباب مفتوح يبي يسمع سوالفهم ..!

أشواق : بيــان ..!

بيــان تناظرها : هلااا ..

أشواق بخبث : لاتصدقين المشهد .. لاتحسبين اني اكذب

بيـان : وش ..؟!!

أشواق : ساره وضـاري ..؟!

بيـان : وش فيهم ..!

أشواق : ضاري كذاب .. يكذب قدامك .. وساره تكذب معاه .. خايفين أن عمي يدري أن ضاري عطاني شماغه

وخلا جواله عندي ..!

بيـان : خلااااه ..!!! ورفعت عيونها وشافت ( ..... ) يناظر لهم عند البـاب ..!!

Finished part

.

.

**حــ سعودي ــلاها** · 18-07-2009, 02:40 AM

سلامــو ..

كيف الحال ..؟؟

معليش بشويش علي .. تراني مثلكم عندي زواجات وعزايم وارتباطات .. ومشاغل ..

يعني لما أكون فاضيه أكتب بارت ..

وهالحين منب مقصره عليكم ..

مستحيل تنسون الاحداث من غياب أسبوع أو أقل ..

لاتضغطون علي تكفى ..

ترى أتعب الكتابه مب شيء سهل .. والروايه بالذات لازم يبي

لها ربط وحبكه ..

صدقوني ماتركتكم كذا ..

عندي مشاغل الدنيا وربي ..

لاهنتوا ..

15-07-2009, 02:03 AM	#481
النآدرهـ قناص مميــز	رد: ( مافيه داعي يلمـح الجـرح .. حسّـاد ) [ رَوايــِــّــَهَ سُعّـوُدَيـَه ] ..! روآيــه وآو من جــد أهنّيييك علييهـآ التوقيع: . : سيطول الغيابْ دعواتكم في ظهر الغيب احتاجها '

15-07-2009, 02:12 AM	#482
::ملكة الليل:: قنــاص فعــال	رد: ( مافيه داعي يلمـح الجـرح .. حسّـاد ) [ رَوايــِــّــَهَ سُعّـوُدَيـَه ] ..! يالله حــــــــــــلاها عجلي وانا أختتس التوقيع: ومــآ حــب الديـــآر شغـــفن قلبـــــي ولكن حــــب من سكـــن الديـــــــــــآرآ صـــح لســانك يا أمرؤ القيــــس

15-07-2009, 03:31 AM	#483
@ـلالية كيـgggت قناص مميــز	رد: ( مافيه داعي يلمـح الجـرح .. حسّـاد ) [ رَوايــِــّــَهَ سُعّـوُدَيـَه ] ..! * * أنا من بداية الرواية قريت البارت الاول وانقطعت عقبها ورجعت اليوم وقريت البارتات مع بعض القصة خياليه وروعة والاحداث تتدرج بشكل سلس وخففي من وصف ضاري بين كل كلمة والثانية فيه ناس ماتتحمل <-- وبصراحة أحس ضــاري مخلص موية خزانهم كل دقيقه والثانية ماخذ له دوش وهـ بس أبدعـتِ حلاهــا كملي * التوقيع: . . after all these years it seems to be that there is a new person inside me it's same that person but with a little bit of Life experiences H.C.J

15-07-2009, 03:41 AM	#484
La réponse قلم المجلس النشيط	\|\| حلاها . نبغا بارت اليوم .. نستناااك ..

15-07-2009, 04:10 AM	#485
تــرف ! قناص مميــز	رد: ( مافيه داعي يلمـح الجـرح .. حسّـاد ) [ رَوايــِــّــَهَ سُعّـوُدَيـَه ] ..! أشوووف تحــت وحده لوونها أخضــر .. إسمهآآ "حــلآآهــا" يآآآرب بآآرت اليووم... ننتظرك...

15-07-2009, 04:25 AM	#486
برفسوره قناص مميــز	رد: ( مافيه داعي يلمـح الجـرح .. حسّـاد ) [ رَوايــِــّــَهَ سُعّـوُدَيـَه ] ..! ننتظرك حلاها التوقيع: لا إله الا أنت سبحانك اني كنت من الظالمين

15-07-2009, 10:19 AM	#487
ألــم قنــاص فعــال	رد: ( مافيه داعي يلمـح الجـرح .. حسّـاد ) [ رَوايــِــّــَهَ سُعّـوُدَيـَه ] ..! . . . بآنتظآرك التوقيع: ask me

17-07-2009, 01:01 PM	#488
هلالي وفتخر20 قناص جديد	رد: ( مافيه داعي يلمـح الجـرح .. حسّـاد ) [ رَوايــِــّــَهَ سُعّـوُدَيـَه ] ..! حنا ننتضرك التوقيع: ستغفر الله واتوب اليه للتواصل sloom1950@hotmail.com تحياتي

17-07-2009, 01:18 PM	#489
روآن ●~ قناص مميــز	رد: ( مافيه داعي يلمـح الجـرح .. حسّـاد ) [ رَوايــِــّــَهَ سُعّـوُدَيـَه ] ..! نسينــآ الأحدآث :( التوقيع: - يّ رب وفّق هـلآلنآأ فوق كل أرض وتحت كل سسمآء -

17-07-2009, 02:27 PM	#490
{ آوتــار ! قنــاص فعــال	رد: ( مافيه داعي يلمـح الجـرح .. حسّـاد ) [ رَوايــِــّــَهَ سُعّـوُدَيـَه ] ..! حتى انا نسيتها يآحلاها .. لاتتأخرين ..:"( التوقيع: ..

17-07-2009, 02:46 PM	#491
{ آوتــار ! قنــاص فعــال	رد: ( مافيه داعي يلمـح الجـرح .. حسّـاد ) [ رَوايــِــّــَهَ سُعّـوُدَيـَه ] ..! .......... التوقيع: .. التعديل الأخير تم بواسطة { آوتــار ! ; 17-07-2009 الساعة 02:47 PM سبب آخر: ليت تحذفونها ..

17-07-2009, 08:28 PM	#492
مـآكِنتُوشٌ ( صخَب المجلس )	رد: ( مافيه داعي يلمـح الجـرح .. حسّـاد ) [ رَوايــِــّــَهَ سُعّـوُدَيـَه ] ..! شكلي بعيد اقراهاا من جديد لين ترجع حلاها التوقيع: \|

18-07-2009, 01:18 AM	#493
R O N A L D O . . : زعيم القناصين : . .	رد: ( مافيه داعي يلمـح الجـرح .. حسّـاد ) [ رَوايــِــّــَهَ سُعّـوُدَيـَه ] ..! يعطيييك العااافية التوقيع: استغفرالله العظيم و اتوب اليه .. Y20-R9@hotmail.com Twitter : @Zyaad9 ..

18-07-2009, 02:40 AM	#495
حــ سعودي ــلاها . . : زعيم القناصين : . .	رد: ( مافيه داعي يلمـح الجـرح .. حسّـاد ) [ رَوايــِــّــَهَ سُعّـوُدَيـَه ] ..! سلامــو .. كيف الحال ..؟؟ معليش بشويش علي .. تراني مثلكم عندي زواجات وعزايم وارتباطات .. ومشاغل .. يعني لما أكون فاضيه أكتب بارت .. وهالحين منب مقصره عليكم .. مستحيل تنسون الاحداث من غياب أسبوع أو أقل .. لاتضغطون علي تكفى .. ترى أتعب الكتابه مب شيء سهل .. والروايه بالذات لازم يبي لها ربط وحبكه .. صدقوني ماتركتكم كذا .. عندي مشاغل الدنيا وربي .. لاهنتوا ..