ياصاحبي الإجحاف مو جديد, ولاهو جديد سوء المعاملة ولاهو جديد أيضا أن الهلال يدوس على الضروف ويوصل للمجد بفضل الله ثم بعمل رجاله أتمنى أن تكون هالحادثة سبب في استيقاظ الهلاليين وتغيير أسلوبهم في التعامل كما ذكرت في الموضوع, فالمثالية طيبة ولكن مع من يقدرها وليس مع من لايستحقها
شكرا لك يابو ملاك
نسايم الهلال
هلا نسايم, واشكرك على الاطراء اللي أتمنى إني أستاهل جزء بسيط منه وبصراحة عجبتني سالفة المظلة لأني من أول ذابحني الحر ولا أدري وش السبب مسألة الإطاحة بالهلال حاول قبلهم كثير ولانجح, اليوم تكلم كبير كتاب الهلال الأستاذ صالح السليمان عن هالموضوع وذكر عدة حوادث مشابهه والتي قابلها الهلال بتفوقه على الضروف واستمرارية تحقيق البطولات إيقاف ريفالينيو, إيقاف صالح النعيمة, تحويل مدربي الهلال للمنتخب, محاربة المحترفين الأجانب كلها أشياء تحصل من زمان وبرغم ذلك لازال الهلال زعيم غصبا عن الراضي والزعلان (جملة أبو يعقوب محبوب القلوب)
وش ذا,وش ذا, أعلن هنا ميلاد قلم أزرق مقنع ممتع موجع بصراحة ردك مميز وشكل إضافة للموضوع بدون قصور في بقية الردود ولكن الهلال ليس في حاجة لمن يقرأ لهم, هؤلاء للأسف اعميت بصائرهم عما يقدمه الهلال واللي مايشوف ابداع الهلال ويستمتع فيه فمابيفيده لو نقرا عليه منتدى الزعيم كله
مباراة الشباب مثل مباراة النصر, شهدت أخطاء تحكيمية متكررة, ولو قارنتي بين الكروت اللي أخذها المفرج ورادوي على أخطاء عادية مقابل التجاوز عن إنذارين متكررين للخيبري كان عرفتي إن الظلم ماكان بس في البلنتيين الواضحين مقابل بلنتي مشكوك فيه وإن كان أقرب لأن يكون بلنتي ولكنه ليس واضح مثل بلنتي ياسر مثلا
شكرا على ردك المميز, وأتمنى منك الاستمرار بهذ الأسلوب والحرص على تطوير نفسك لأني أشوف فيك مشروع قلم مميز قادم
منى الهلاليه
شكرا لك أختي والشكر بالتأكيد موصول لكل من شرفني بالقراءة وأتمنى أن تكون رسالة الموضوع قد وصلت حتى تكمل الفائدة للهلال وللهلاليين