يـوم أنا قـلـت الـقصيدة طالعت وأرخت هدبها ... تستمع لي يوم حست من ورى هالصوت ضيقه
ويوم أنا أنهيت القصيدة قالت أنت اللي كتبها ... قـلـت أجـل من شاف عينك كيف يلقى له طريقه
مـا لـه ألا يـسـهـر عـيـونه إذا نـومـه غـلـبها ... ومـا لـه إلا يـقـعـد إحـسـاسـه مـن النوم ويفيقه
وسـكـتـت حتى بدا يظهر على النظرة عجبها ... قـالـت أصـبـر ودي آخـذ من بعض وقتك دقيقه
الـشـعـر صـوت المشاعر موهبة ربي وهبها ... لـيـن سـخـر وقـتـهـا مـا بين معشوق وعشيقه
وأنـت لا مـنـك كـتـبـت لـعـيـنـي تـنـفـذ طلبها ... تـقـدر تـوصـف حـلاها مـن مـشـاعرك الرقيقه
دام لا قـلـت الـقـصـايـد قـلت لي عينك سببها ... قـلـت أنـا واللـي خـلـقـنـي مـا أقول ألا الحقيقه
أنـتـي مـن يسكن بعينك ينسى هالدنيا وتعبها ... ويـشـعـر بـراحـه بـعـد ما شال حزن ما يطيقه
والـقـصـيـدة تـعـتـبـر نار الفكر وأنتي حطبها ... وكـل ما طـالـعـت عينك شـب فـي قلبي حريقه