//
صارحتني بالظروف وعلمتني بالخفايا
يوم تبطي ما تكلمني وأنا حريص عليها 
هي تمر بظرف وهموم وتحاقيق وقضايا
هي تعاني قسوة عظمى وجرحن مهتويها
احرموها من الاتصال وشبت بقلبي لظايا
وامنعوها من خروج البيت والخافق يبيها
ضيقوا بعيونها الدنيا وكثرن الخطايا
صارت بهم وقهر والحزن دايم يعتريها
احرموها ما أهتنت محبوبتي مثل الصبايا
وحرموني وصلها واحترت مدري كيف اجيها !!
تحترق لأجلي وأنا قلبي يحترق وسط الحنايا
والظروف القاسية طالت وقلبي يرتجيهــا
والله أني ما أقدر أنساها ولا أخلفت النوايا
لو يطول فراقها صابر وقلبي مهتويهــا
حبها متغلغل في العروق وفي الخلايـا
هي غالية مهما حصل هي غالية واموت فيها 
//