//
غصب ٍ علي جيت يمة يوم ناداني
ياليتني ما عرفته ليت ما جيته
سمعت صوته تنافظ كل وجداني
في داخله حرقة الدنيا وتنهيته
أصد عنّه اخاف الدمع يقواني
ما فاد صدي بكى دمعي وهليته
من كبر همة يناظر لي وينخاني
أرجوك تسمع وتصدق كل ما أوحيته
لي سبعة سنين ما احداً من هلي جاني
وأكبر مصيبة ما عمر " ابوي " راعيته
" أمي " من اية قبيلة منهم اخواني ؟
وش اللي عملته بها الدنيا وسويته
وش ذنبي الناس وش بالناس تجفاني
دامي بشر مثلهم ويش اللي اخطيته
أسألك بالله وين الحظ خلاني
تعبت شكّي يعذبني ومليته
أناظر الخلق مدري ليش تخشاني
ما فيهم اللي وقف غيرك وحاكيته
علمني الوقت ما به شي يعصاني
إلا عن العرق عرقي وين خليته
أطيع مسلم مؤدب حافظ لساني
ما فيه فرض ٍ يمر إلا وصليته
وأن كان تبغى مثل غيرك تناساني
شي ٍ سمعته ترى ما جور لأخطيته
أعاني الوقت والوحدة وهجراني
يضمني حظن هالملجى وحبيته
//
[ قصة واقعيـة ] !