حدود السالفه رجفــه / عيوني والنظر اغراب...........................
...........................وباقي هالخفايا حيل تجرح عاري كفوفي
تضيع ولابغيت امسك تواليها وجيت انساب...........................
...........................لقيت ان الشوارع سور تكسر ظامي سيوفي
واضيع ولاني ذيك اللي ترتب للحديث ابواب...........................
...........................اتوه بعالم الفوضى اكدس فيه معروفي
يناديلك غرورٍ ذاب / برقع نرجسي كذاب...........................
...........................يعثّرني قلمك وتنتحر في حبرك حتوفي
تعال ولاتصدق في ظنـونٍ اقبلت ترتاب...........................
...........................وامانه ظمني في كل عذر / وعذري ظروفي
تعال ابيك هاللحظه تناثرلي عطر واسراب...........................
...........................ترى لو الهوى بعثر شماغك هدني خوفي
يسولف لك جدارٍ طال شوقه بانتظار احباب...........................
...........................تركني غرفةٍ من طين وجاك يلملم طيوفي
عشقتك سحر يشرق بي جنوني / ذنبي وماتاب...........................
...........................وبنزف لك خشوعٍ فيه تسمع آخر حلوفي
جمعتك لي حرير .. ولانذرتك للعرايا ثياب...........................
...........................تدثر بك هياكل صوت تنزف في ثرى جوفي
تطول السالفه واقسى حديثي وردتين عتاب...........................
...........................واسوق آخر ترانيم الغلا وانسى معك شوفي