"
:
دمعي سحابٍ ما لقى له محاجـر
ابنثره لا شك وشلون .. وشلون
سلمت طرفي للبكا قبـل اهاجـر
رجعت اببكي ما بقى فيني عيون
ماعاد في جسمي مكـان لخناجـر
حتى مكانٍ مرّه الطعـن مطعـون
مُر الزمن هـذا يشـق الحناجـر
احيان ريقي كنها سيف مسنـون
يا غير انا والهم اشاجر يشاجـر
من هامتي لين القدم جرح مسكون
متى الشعاع يصير مثل الدياجـر
اليا غدت دنياك لا طعم .. لا لون
لولا الفرح يا عمر الاحزان تاجر
ما مات محزونِ ولو عاش مديون
.. BBP ..