دموع الشوق بعيوني .. و أحزاني تخاويني
ثواني ليلتي غربة و أعيش بعالم الحرمان !!
أدور بدنيتي تايه .. ولا في من يسليني
سوى ذكرى قديمة في خواطر فكري السهران!!
أنا جرح الفراق أحرق .. بقايا لهفه سنيني
و أماني عشتها كانت تجول بقلبي الولهان !!
غريبة لحظتي صارت .. هموم ما تخليني
تبين للزمن حالي و ترسم لها شقى إنسان !!
حبيبي لهفتي زادت .. و شوقي لك سكن فيني
متى تجمع ليالينا أماني عمري الخسران !!
ترى طيفك معي دايم .. بليل الهميضويني
ينور لي مسافاتي و يروي لهفة الظميان !!
غلاك بخافقي زايد .. و طيفك دايم بعيني
و صوتك بسمه أيامي وحبك يسكن الوجدان !!