علموه أن المحبه ماتغيرها الخطيه
وأنه اخطى في خفوقي بس أنا زدت بغلاه
علموه أني عشقته عشق بنت ابدويه
باعت الغالي بذهبها .. ورفعت من مستواه
العشق ياناس جنّه .. الا هو عشقه أذيه
وأنا من ربي بلاني هام كلي في أذاه
أن لفيته بشوق فيني يتبيخل بالعطيه
وأن رحلت بدمع عيني جاني بكامل عطاه
أضحك أن شفته قبالي وبالجفن دمعه خفيه
منعمي هالقلب عنه منعمي علّه فداه
من عرفته وهو قاسي ماعرف يرخي شويه !!
مات هذا الحس فيني من كثر ماهو رجاه
يحسب أني مافهمته أو يشوف أني غبيه
ماأكتفى يحرق سنيني .. هو حبيبي وش بلاه ؟!
بس تبقى له عروقي بالغلا دايم وفيه
وداخلي قلب يحبه لو نسيته مانساه
يسألوني أن كنت أحبه .. ؟!
أيه أحبه وش عليّه !!
كل نبض في خفوقي لانبض يطلب رضاه
هم يظنوني كرهته
لا
حشى
ماعندي نيه
لعنبوكم لاكرهته من لي بالدنيا سواه