بغيت اعلمك قبل تروح ياخلي
ان زعلك صار هاليومين بزياده
كنت احسبك كل ماصديت متغلي
بس للاسف صار هذا الطبع لك عاده
بيني وبينك اشوف البعد اسهلي
خلاص اببعد مادام ان عندي اراده
اصفيتلك واحسبنك كنت صافيلي
تبغى الحقيقه كرهت الحب واجهاده
من شمس هجرك ماعاد يفيدني ظلي
وشفيه قلبك يزيد في ليني عناده
وهومن اول الا من جيته يهلي
ويحطلي في حنايا القلب سجاده
ياكبر جرحي من الهجران ياغلي
ماعاد جاني من الاحباب نشاده
...