.
.
على جمر الحنايـا يالغـلا.. جهـزت لـك دلّـه
يفوح ابها النفَس والبن وطعم الهيـل مـع ريحـه..!!
قضيت الوقت مع قلبك .. قضيت الساعـة بفلّـه
يذوب من الوله صدر(ن) يشيـل الهـم وتزيحـه..!!
سهيت استرجع الذكرى .رجعت اشفق على الطلّـه
رجعت وللأسف وقتـي .تـرى مداتـه شحيحـه..!!
عشقت ومن عشقت بعيـد .قلبـي بالهـوا عَلّـه
على كف الظروف نعيش ظروف(ن) ماهي مريحه..!!
عشقت اللي حلف يمشي على دربـي ولـو ملّـه
يمل الدرب ويبقى القلـب علـى دينـه وتسبيحـه..!!
عشقت اللي سكن بالروح ..والأعماق ترحل لّـه
عطاني الحب في ليل(ن) مضويـة(ن) مصابيحـه..!!
عطاني من الرضا دنيا .. يضيق لضيقي لو كَلّـه
عطاني من الجنون فنـون .. تغنينـي تصاريحـه..!!
تغادر ونته روحه .. صدى مـن أضـلاع معتلّـه
تعانق ونته روحي .. تزيـد العشـق وتوضيحـه..!!
سهرت الليل مع نبضك .. لقيـت الأرض محتلّـه
رجعـت لدنيتـي والهـم تلعـبـي مراجيـحـه..!!
.
.