اقتباس:
المشاركة الأصلية كتبت بواسطة الــ قمرـــهـلال
ماتقبلت الفراق..ومال يدي فيه حيله..
آه لو ان الظروف المقبله..تكشف قدرها..
لو يعرف الشخص منا..وش مع الغيب بيجيله..
كان جنبنا المشاكل..من قبل يوقع ضررها..
ماهقيت الليله الي جابت الفرقا طويله..
لين صارت ليلة امس بعيني..اطول من شهرها..
والعذاب الي يذوب بعين من يفقد خليله..
عندي اكبر من عذاب العين..لو تفقد نظرها..
والحبيب الي صدوده مثل مداته جزيله..
صد عني..واعرفه لاصد عن حاجه هجرها..
كن روحي يوم حست في جفاه وصعب نيله..
بشرتني بالضياع..وشدت العزم لسفرها..
مارحمها من هلاك..وماتقبلها دخيله..
تحتضر قدام عينه..لين ماتت من قهرها..
عاد ليت اللي ذبحها..وارهب الموت بوسيله..
مادفن وجه الضحيه..والسكاكين بنحرها..
ليت قلبه يوم طاوع فعلته..كمل جميله..
لو غسلها من عروقه..وبكفن صدره قبرها..
من حفر بضلوع قلبه..حفرةً تكفي قتيله..
ليه مايدفن قتيله بالضلوع اللي حفرها..
اشتكيته للرفوف..وللبراويز الهزيله..
وانذعرت من النياح الي سمعته في صورها..
رحت اسولف للجبال الصم عن قصة رحيله..
ماتركت امتونها الا ينحت الدمع بصخرها..
واحد حقق جماله..كذب اساطير الف ليله..
يسكن السبع البحور..ويحبس الحور بدررها..
الدروب بكبرياها..ترتجف تحته ذليله..
والورود الي تقبل خطوته..تنبت بثرها..
والغصون اليا بغاها تنثنيله..تنثنيله..
والفياض ان حب ينثر عطرها..يلمس ذهرها..
لو يصوت للغدير المنجرف..جفف سبيله..
وان تبسم للجبال الصامته..نطق حجرها..
كل حاجه تستويله..لو بغاها تستويله..
بالنظر..وأستغفر الله لو بقول انه سحرها..
ذاك..لو بس يتمنى فاكهة شجره ظليله..
بس يفتح راحة ايده..ويتساقط له ثمرها..
كن ربي سخر اله المعجزات المستحيله..
واصبح اسطوره..وكل الألسنه تنقل خبرها..
هان محجر دمع عيني..لين جفف سلسبيله..
والتفت الأخير دمعه..قبلت يده ونثرها..
دمعةً كن بشقاها..يوم طاحت في شليله..
جادل مجادل بدوي..تطلب الستر وسترها..
له علي انه ليا طاح من عيني..تشيله..
ولي عليه..انه يرجع لأبتساماتي ثغرها..
لو طعوني بالسكاكين بيده..تشفي غليله..
لأشتريها من عذابي..وادفع بدمي مهرها..
واطلبه ينهال فيني طعن..لين ينهد حيله..
بس لايترك عيوني..تنحرم نعمة بصرها..
له بعيني..مثل ماللطهر بالنفس الأصيله..
تقطع ايدين الردا..لو مس شعره من شعرها..
مابغيته غير درب..وشتت اقدام الدليله..
مزنةً مابللتني..واستحيت اطلب مطرها..
والعطايا من يدين الخلق للطالب قليله..
والوهايب من يد الله للعباد اجل وأرهى..
وان نسيت اني زرعت العشق وحظوظي قليله..
مانسيت ان العطايا تستحق اللي شكرها..
صعب تلقى شخص وافي..يجزي الطيب بمثيله..
والعرب كد قالوا ان الناس..ماخلت قشرها..
:::
حامد زيد
|
ماشاء الله عليك