تفهمك ناس وناس (مايفهمونك)
وتتبع لناس وناس تتبع (خطاويك)
ناس تفكر همهم (يسعدونك)
وناس تفكر كيف تقدر (تبكيك)
لاتشتري من حاولوا (يخسرونك)
ولاتخسر اللي فكر بيوم (يشريك)
مافيه أجمل من صديقن (يصونك)
ولافيه أقسي من قريب (يعاديك )
أكبر خطاء نسيان من (يذكرونك)
وأعظم وفاء ذكرك لشخص (ناسيك)
أكبر عناد تخون شخص (يخونك)
وأجمل أمل حب جديد (يناديك)
أصعب سؤال اللي تجيبهـ (ضنونك)
وأكبر غباء أنك تغير (مباديك)
أتعس حياه تعيش والحزن (لونك)...
ياصاحبي بالله فتح عيونك
اصحى قبل شمس الحقيقه تصحيك
راجع حساباتك في لحظة سكونك
خذها نصيحه جعل ربي يعافيك
أكبر قهر لاصار ناس (يبونك)...
وأنت تبيهم بس حظك لعب (فيك)..
أنا ورب البيت لو يخذلونك
مهما حصل لايمكن اني اخليك
اترك كلام الناس لايوهمنك
واسمع كلام اللي يعزك ويغليك