قدم للهلال الكثير ومبالغ كبيره ومابخل علينا ماديا ..

ومجنون من يحاول ينكر جهده بسبب نتيجه مباراه

لكن .. من بدايه الموسم والاداره من خطأ لخطأ اكبر

قهرونا كثير تصريحات فيها تعالي واستفزاز لنا كجمهور

للاسف افلست فكريا اداره بن مساعد وسامي ..

عبثو بالفريق من كثر اخطآئهم بدينا ننسى الاشياء

الحلوه في اول موسمين والسبب اصرارهم على

الخطأ ..

وعدونا بالتصحيح بالانتقالات الشتويه ولكن الصدمه ان

اخطائهم تزيد .

حاربو النجوم وكلنا شفنا الهلال بدون ياسر بصراحه بدون

هويه وكل مباراه الهجوم نقطة الضعف مع هوساوي

لكن يكابرون .. ويحاولون جاهدين مجاملة سعد على امل

انه ينسي الجمهور القناص وطبعا عشم ابليس بالجنه ..

واتمنى اتمنى من كل قلبي رحيلهم (عبدالرحمن- سامي-عبدالله )

والرئيس الجديد يارب يارب يارب يكون محمد بن فيصل

او رئيس مثل تفكيره وخوفه على الهلال ..

وكلنا نتذكر كيف كان هيبة الهلال برئاسته ياويل اللي

يتطاول على الهلال ولاعبينه لكن الحين اي اعلامي واي

شخص يقدر يهزء ويتطاول على الهلال وادارتنا تستمر

بالمثاليه المصطنعه ..