.... !!
طبعا راح يكون ردي هذا للجميع و بالأخص الأخ : حالي :
اولا : ياسر رحل والله يكتب اللي فيه الخير للهلال و لـ ياسر !!!
انا ما اتفق مع اللي قال انه راح يستفيد من الأعاره وراح يرجع بمستوى افضل بكثير ولكن اتفق مع اللي يقول يغير جو
لأن الأعاره تمت وخلص الموضوع !!!
كلنا نتفق حاليا ان ياسر استفاد ماديا و عبدالله بن مساعد او خلونا نقول ادارة الهلال كذلك استفادت ماديا !!!
هنا اتفقنا على الفائده الماديه و خلصنا ...
نجي للأهم :
وش هالأهتمام المفاجيء بأعارة ياسر من قبل الأداره :
هل الهدف فني او مادي ؟
وليه تمت الأعاره في هالوقت بالتحديد خصوصا
بأن مفاوضات ايمانا توقفت بسبب شح الماده ؟
وش رايكم نتفق ان الهدف مادي ونقول الأداره او عبدالله بن مساعد عندهم مشاكل ماديه و انجبروا على بيع عقد ياسر !!!
سؤالي : ليه الأداره ما وافقت على انتقال عيسى المحياني اللي صرح بأن لا يرغب في البقاء , علما بأن المقابل اكثر من المردود المادي الذي جنته الأداره من عقد ياسر ؟
طيب لو قلنا ان الهدف مو مادي ... و هدف الأداره فني بحت و لمصلحة ياسر فنيا !!!
ليه ما تمت استشارة المدرب خصوصا بأن كل الموضوع تم انهاءه والمدرب اخر من يعلم !!!
طيب نقول المدرب هو اللي طلب اعارته بالرغم اني متأكد مليون مره بأن المدرب ما يدري وش السالفه عن اللي صار كله !!!
كيف تعيره لدوري يقل بكثير عن مستوى الدوري السعودي و تنتظر فائده فنيه ؟
طبعا كل ما كتب اعلاه من باب العقل ...
ولا كلام عاطفي ممكن احد يجاوب ....
و على فكره اقسم بالله العلي العظيم اني كنت ضد رحيل عيسى في وقت تصريحه سواء بقى ياسر او رحل ...
لأن التفريط بالنجوم وبـ هالسهوله ما يخدم الهلال و لا يخدم جمهوره !!!
وبعدين الأداره ما نزلت من السما عشان نقول ما تخطي ,
خطأ الأداره كبير كبير كبير
و لا كيف تعير كابتن الفريق بالهالطريقه و بـهـا السناريو
وبعدين ترى الهلال مو ملك ادارة ..
الهلال ملك الجماهير الهلاليه اجمع ولها الحق في طرح رايها وياسر لاعب هلالي و كابتن الهلال وانا هلالي واستفزتني كثير جرأة الأداره على ياسر وبكل سهوووووله ...
و لو ادري ان الكل هنا ما راح يفهمني غلط , كنت راح استشهد بتفاصيل وقفة الأداره مع محمد الشلهوب حتى عاد , وكيف كانت الوقفه ومن اللي وقف معه و بقوه ,
وانا مو ضد هالوقفه ولكن ضد التباين و الأزدواجيه في الوقفات ..
و ما انكر وقفات الرئيس مع الفريق وجلب محترفين في المواسم الماضيه على مستوى عال ,
ولا انكر وعوده لجلب الأسيويه ولا انكر استقالته في وسط الموسم لأمتصاص غضب الجماهير ,
و لا ننكر بأن كل ما يحدث حاليا من الأداره هو ترسبات لنكسات الخروج الاسيوي في مواسم ماضيه ,
لذا نصبت المشانق وعاشت دور البطل ,
ولا ننكر بأن الأسيويه كنا نطلع منها من قبل يجي ياسر
و لا ننكر يوم طلعنا من الشارقه ونندق بخمسه وبعدها
بأربع ايام نندق بخمسه من الأهلي والرئيس وقتها كلكم تعرفونه ,
عموما ما اقول الا الله يوفق ياسر في هالتجربه , مع العلم بأني متأكد مليون فالميه بأنها ما راح تفيده فنيا , و لكن تفيده بأنه راح ( يغير جو ) مثل ما قال عبدالله بن مساعد قبل ساعتين ...
وبعدها راح يكون التحدي من هنا ومع بداية الموسم القادم ...
وسلمولي على احترافية الأداره و نهجها مع اللاعبين ,
ختاما ما اقول الا الله يوفق الزعيم ونشوف موسم استثنائي كما وعدنا به الريس و اخوه
و عسى الوعد يصدق ,