بسم الله الرحمن الرحيم
هاردلك على الخسارة
انا حاتكلم عن الهلال هالسنة بغض النظر عن مباراة الاتحاد الليلة
يااااناس واللة ماضيع الهلال وخلاه يفقد هيبتة الا تطبيل الجماهير والاعلام له صح الهلال يستحق المدح
وحقق انجازات تصعب على الكثير بس والله الهلال مستواة هالسنة زفت ومااختبر اختبارات قوية في الدوري
ولما اختبر امام سابهان خسرنا على ارضنا وامام الجزيرة بالرديف سجلوا فينا ثلاثة وامام الاتحاد بالثلاثة
مرتين عارف حتقولوا هذا كأس اسيا والهلال منحوس فية طيب نجي للدوري امام الاتحاد وهو في اسوأ
حالاتة تعادلنا مرتين وامام الفتح فزنا في اخر دقيقة وامام الرائد تعادلنا وامام القادسية تعادلناوالاهلي ماقدرنا
نفوز علية في الدوري والقائمة حتطول انا مااقول هذا الكلام عشان اتشمت في الزعيم بس وربي من الحرقة اللي في قلبي وين الهلال اللي كان مايضرب الا بالخمسات مع الصغار والكبار انا للان اقول ان كل مايحصل للهلال بسبب شئ واحد وهو الابقاء على جريتس الموسم الماضي المفروض يمشي مع نهاية الموسم ونجيب مدرب كبيـر ويكمل معانا اسيا وهذا الموسم عارفة ان الكلام في الماضي مايفيد بس لازم على الادارة توفي بوعدها للموسم المقبل ويكون موسم استثنائي ونحط في بالنا ان الاتحاد والشباب الموسم الجاي داخلين بقوة وناوين نية وماراح يكون الدوري بسهولة الموسم الحالي تكفى ياشبية الريح اسمعنا لو مرة نبغا صانع العاب عالمي يذكرنا بايام طارق وكماتشو ونبغا مهاجم كبيـر بجانب ياسر وضهير ايمن محلي وياليت يكون حسن معاذ بدل خالد عزيز وقلب دفاع محلي بس مو من طقة سلمان الخالدي واذا بتتخلوا عن رادوي جيبوا واحد بمستواة وافضل وتستغنون عن الجيزاني والكعبي والمدرب طبعاًمارتن اونيل تكفون واللة طفشنا واحنا نكرر نفس السيناريو كل سنة مع كأس اسيا
في النهاية احب اقول ان اليوم بالذات عرفت ليش الهلال زعيم روحوا شوفوا منتدى الاتحاد كيف كل هذا من جنون الهلال اللي معشش فيهم سنين
تكفووون اللي قرأ كلامي ينشرة في جميع منتديات الهلال ومن دون ذكر المصدر بس اهم شئ يوصل الكلام واللي عندة غير وجهة نظري يقول انا مو ملاك في النهاية هي وجهة نظر
تحيـــــــــــــــــاتي