.
يوم أنا والريم والطيـر نسـرح فـي فـلات
ابـدوي وارعـى نياقـي واتاحـي لغنمـي
والسدر حوّل غصونه على المـاء سابحـات
والغيـوم مـروحـه والصـبـا تتنسـمـي
في الخلا واخـط بالرجـل وأقيـم الصـلاة
واشكـر الله وأعبـده، ماعبـدت الدرهمـي
ناصب(ن) بيت الشَعَر والرفـاف مشرّعـات
والـذلـول مقـيّـدة والعبـيـا ترهـمـي
والشبوب السمـر والجمـر سامـر مايبـات
والطعـام التمـر نعـم الغـذاء والمطعمـي
والرشـا والدلـو والبيـر ماعنهـن غَـنـاة
والجمل والحرث والغرس كنـز الموسمـي
عندي المحمـاس والنجـر ودلالـي خـوات
وانتخي واعشّي الضيـف وافخـر بكرمـي
والحفه فـي البـرد وادرا عليـه مـن الشمات
واتلـمّـس فاقـتـه وبجنـاحـي يحتـمـي
لو ما آجد من عشـا بيتـي إلاّ شخـب شـات
أتنـازل عـن طعامـي وارده عـن فمـي
واتنفـذ للعـدا والـوحـوش الضـاريـات
واتقن التصويب وأصيب ويصيـب سهمـي
وان سريت بخرمة الليـل ادل مـن القطـاة
مهنتي واعرف حصى الأرض واسما الانجمي
تـارك عيـش التـرف للبنـات المترفـات
أحرشٍ كفي وخدي مـن الشمـس اسحمـي
مـا تطبّعنـي حضـارة، ولـي مبـدا وذات
خـادم دينـي واباخـدم مليكـي وعلـمـي
هذا أنا رجل وطـن للوفـاء رمـز ونـواة
انتمتلـي مـن وفاهـا وانـا لهـا منتـمـي
أرضعتنـي واشبعتنـي بعـز ومكـرمـات
وارفعت راسي ووقّت عـن الشـوك قدمـي
احضنتني في الشتـاء والظـروف القاسيـات
واحسنت مرباي واشتـد عظمـي والحمـي
من حلاوة ثديهـا، عفـت كـل المرضعـات
ومن ينـال البـر فـي والـده مـا يندمـي
[ خلف بن هذال العتيبي ]
شفت الحيوان هذا اللي تستهزأ فيه يادكتور ترانا نحط له مزايـن 
الرسول صلى الله عليه وسلم و أصحابه كانوا يقطعون مشاويرهم
بالجمل
و اجدادنا من اللي وداهم لمكه يحجون غير الجمل
و الله من الهياط يا دكتور 
صح الحين الحمد لله تطورت طرق المواصلات
بس وش دخّل الجمل في الرياض ؟!
دام عندنا مواصلات توفر لنا الوقت و الجهد أكيد راح نستخدمها بلا غباء 
اتحدى جنوني = شـكرا