شبكة القناص - الموقع الرسمي للاعب ياسر القحطاني - عرض مشاركة واحدة - [ تغطيـة ] المسلسل الخليجي » زوارة الخميــس «

**صاحــ السمو ــب** · 31-08-2010, 11:28 PM

+ زوز تتذكر أيام كانت بيبي وهي ترسم امها على الجدار وتحط صورها
وطلبت من امها تاخذ معها بسفرتها كل شيء يخصها ، قالت لا تنسين شيء
بس انتي نسيتيني ، وجلست تبكي زوز انو حتى الاشياء اللي تشتريها لها امها
ما تجي مقاسها لانها ما تعرف مقاساتها ،

وصارحتها زوز وتهاوشها على خيانتها لاختها وحبها لثنيان ،
وهي تصارخ وتبكي دخلت عليهم موزه وهاوشتها علشان رفعت صوتها على نادية ،
وتقول هذي الأم ، قالت زوز: هذي الأم الصدقية مو هذي ،
ضربتها وهاوشتها وتمت ناديه تبكي ، والمسكينة موزه تداريها
< ما درت عن اللي تسويه بها وبحياتها ،
وزوز تناظرهم بنظرات ألم / عذاب / تعب / هدة حيييييييييييل ،

+ العايلة مجتمعة على العشاء وكل اثنين مع مشاكلهم ،

سعود وأمينه واتصالات رشا على أمينه تبي محاميه ،

فيصل وزينة ومشكلة الطراق اللي طقها ومشكلة زميلها بالكلية ،

مرزوق ودلال وشكه ووصلت له ورقة :
" كانت معي الصباح .. وتركت أثر على يدها " ويدها مورمه شوي وبدأ يشك ،

أحمد وتسنيم وسألته وين كان بالليل قال بالديوانية نايم
قالت : ارسلت لك ثنيان وما كنت موجود ،

موزة تسأل ثنيان وين كان الصباح ، قال بالشركة
قالت: السكرتيرة تقول طلع وجوالك مغلق ،

زوز تسأل أمها وينك الصباح جوالك مغلق ، قالت مخلصة بطاريته
قالت زوز: حتى ثنيان مخلصة بطاريته ؟ سكتتها وقالت لا احد يسمعك !

+ ام نص نص عافسة البيت والبنات علشان البيض اختفى ،
والرجال والبنات يتطنزون عليها وعلى بيضها ههههههههه ،
وهاوشوا ام نص نص كل يوم تعطي العيال بيض وعدس عدس وبيض
طلعوا العيال تحت الدرج متخبين ومعهم البيض ،

وثنيان تسنيم انتبه لابوه لابس شراب ابيض والثاني اسود ،
وتذكر أبوه الموقف اللي صار له بهالشيء ..

+ نجاة واحمد ، اعطته بنطلون وتبيه يلبسه وجالسين بغرفة النوم
شوي يناديها خالد رجع البيت ، الملا احمد تخبى بالتواليت < مخبين زواجهم
عن خالد ، وخالد دخل غرفة امه يقول ابي انام فيها غرفتي باردة ،
ويوم نام ركض الملا حقنا واخذ ملابسه ونزل اسفل لبس مستعجل وطلع ،

+ دلال عندها عاملات جنان يسوون لها مساج ، وجنان جالسة
على سريرها تقول بجلس عندك لين يرجع السواق ، والحقيرة حطت
كيس هدية وردي واحمر هيك على سلك شاحن جوال مرزوق
والعاملة عورتها بيدها وتورمت ، جنان قالت: ما عليك بعدين بترتاحين ،

+ بالصباح موزة تذكر ثنيان بموعد أسنانها انه اليوم ،
وجالسين يسولفون ومعهم نادية وقامت موزه تفطر زينه قبل تطلع تداوم ،
حبّيب الهنا ثنيان أخذ ناديه بالسيارة بيسافر بها لدبي
تشتري لها ساعه تبيها من هناك ، ما صدقت لين شافت التذاكر
وجلست تبكي عاشقة ابليس ،

+ المسكينة موزه راحت للمستشفى وجاء موعدها وقالت لا انتظر زوجي ،
اتصلت على شاهة تروح معها وزوج شاهة الحقير مسوي نفسه
متضايق من روحتها ،

دخلت موزة وشاهة للدكتور وطلع اسمه "سعود عبد العزيز سعود بن عز"
< طلع يصير ولد أخو ثنيان اللي تهاوش معه على الورث ،
يقول ثنيان عمي وابوي متهاوش معاه ولا ابي اشوفه
قامت موزه وهاوشته ويوم عرفهم قال : اهاا حرامية صغار
ابوك باق حلال ابوي وانتم عايشين بعزه الحين ، وطلعوا من عنده ،

+ ثنيان ونادية رجعوا من دبي شارية الساعه وتوريها لموزه والبنات ،
شاهة دورت تلفونها طلعت ناسيته عند ولد عمها بالعيادة ،
سعود اتصل من الجوال على منصور واخذ وصف البيت علشان
يجيبه لهم
،

+ سعود ثنيان راح للبيت عند رشا يهاوشها على نيتها يوم ترفع قضية ،
قالت: انا بس ابي حقوقي ، طلع لها ورقة وقال: عمري ما فكرت اطلعها
بس انتي حديتيني ، طلع عبد الوهاب متسلف من عنده
وعنده اوراق كثيرة مثلها تبيع بيتها بكبره ،
هو بيبني بيتها وهي بتدمر بيته ، وتموا يصارحون بعض ،

+ زينه راحت لصديقها المحقق اديب ، صارحته بالاعتداء اللي صار لها ،
وجلس يقول لها انتي صدقتي حكي رجالك ؟
هي قالت انا خايفه عليه وابيك تعرف اللي مهددينه ،

+ مرزوق يسأل دلال عن اللي بيدها وقالت له من المساج
لما انسدح بيشحن جواله شاف الكيس وبداخله نقاب / حبوب منع حمل
قال مو بس هي اللي لازم تنذبح .. هي واللي معاها ،

+ شاهة رجعت بيتها وشافت منصور معه بنت بالبيت يخونها
وتمت تبكي وتسب هالخاين ، تقول فلوس وعطيتك
بيت وسجلته باسمك ، قال لها كلمة زيادة امد يدي عليك
قالت له طلقي وجلس يضحك الحقيررر قال كم تدفعين مقابل ورقة الطلاق ؟
انتي رديتيني من غير ابوك يدري والحين تتطلقين صعب
انصدمت حيييل وتوها اكتشفته وطلعت من البيت ،
وهي طالعة بالسيارة صدمت ولد عمها سعود كان ورى السيارة يمشي
،

+ وبنهاية الحلقة أتمنى أكون وفقت في النقل والعذر ع القصور
والمعذرة ع التأخير لظروف خارجة عن الارادة