خسرنا المباراة...بعد ما فزنا ببطولات كثيرة...و هذا حال الكورة...لكن اللي يحز بالخاطر..انه حنا اللي ضيعنا المباراة بيدينا...مع احترامي و اعجابي بالشباب اليوم...المفروض الحين اننا نتعامل مع هالواقع اللي صار بكثير من المنطق...و بنفس الوقت...ما ناخذ الامور بسطحية و ببساطة
خلونا نستعرض بعض الاسباب اللي ادت للخسارة:
- من فترة و بصراحة مستوى الهلال ما يطمن...لكنه كان يفوز..و عشان كذا كان الكل مبسوط...و للاسف هذا هو عيبنا الازلي...اراءنا تحمكها نتيجة المباراة
...ارجعوا لمباراة الاتحاد و شوفوا كيف كان التشكيل....و كيف كان التطبيق...كان الهلال يلعب بمهاجم واحد..و يدافع كثير...الهلال مايعرف يدافع...الهلال دايما يبادر بالهجوم....الطريقة هذي اخفت ياسر كثير...و خلتنا ننتظر مهارة فردية تحسم المبارايات...مثل مهارة ياسر قدام الاتحاد...او تمريرة جيوفاني قدام الشباب...او تمريرة الشلهوب قدام الاهلي...للاسف عدينا قدام كذا فريق...لكن جت اليوم في الصميم
- كل ما تذكرت ان لاعب واحد مثل نشأت أكرم
يهزم فريق مفروض انه مليان نجوم...تجيني الصيحة
- طلعات زيد المولد الهجومية...تعطي دليل واضح على ان لاعبينا-للاسف- اهم شي بالنسبة لهم سلم و استلم بس
- نواف التمياط...مع حبي و احترامي الكبير له..الا انه اليوم اعطانا ابرز مثال على اللاعب السلبي اللي ما فاد فريقه بأي شي
-كماتشو...اذا برز...برز الهلال...حقيقة مؤلمة و خطيرة
-تغييرات كليبر...زادت الطين بله...يعني لا تكتيك صح...و لا تعديلات صح
-احمد الصويلح...يعتبر موسم سيء جدا بالنسبة له...اتمنى يعوض في المبارتين الجاية ما فاته...اليوم طيحاته بالملعب اكثر من لمساته للكورة
-الشي الاكثر إيلاما و لازم نعترف به...ان عندنا لاعبين كويسين..لكن روحهم للاسف ما تعطي انطباع ان هاللاعبين ممكن يشيلون الفريق...دوليين و عندهم خبرة كبيرة...لكن استسلامهم كان مباشرة بعد الهدف الثاني...و هذا بصراحة خيب الظن فيهم
- تخيلوا ان الهلال هو اللي منهزم بثلاثة قدام العربي الكويتي...تتوقعون يرجع و يفوز بثلاثة..و الا يقعد ثلاثة شهور يحاول يمتص أثار الهزيمة
-البطء...البطء...البطء...مشكلة الهلال الأزلية...اللي ما تغيرت بتغير المدربين و اللاعبين
الحمد لله على كل حال...لكن كان بالامكان افضل مما كان