.
.
بعد مباراة (الهلال / الفتح) والتي تغلب فيها الهلال على الفتح بـ خماسيه كان لـ ياسر نصيب منها ، أجرى مذيع القناه الرياضيه السعوديه فيصل القحطاني لقـاء مع مدير الكره بـ نادي القرن الهلالي سامـي الجابـر وإليكم اللقاء....
فيصل القحطاني / سامي الجابر
المذيع فيصل القحطاني: ياسر اليوم سجل هدف يعني زي مايقولون طالع من قلبه ياسر متحمس لمباراة اليوم....
سامي الجابـر: ياسر هـوَ ياسر الجماهير عندها إذا اللاعب يسجل هدف رجع لمستواه أو عاد لمستواه و إذا ما سجل هدف هابط مستواه ، ياسر هو ياسر أنا ما أقولك لا هابط و لا صاعد مستواه لكنه لاعب لازم يعرف إنو عنده إمكانيات كبيره ، أرجو من الجمهور انو يعرف هذا بشر كل وقت معرض لأي شي ، لكن هو ماشي في الطريق الصحيح اليوم و أمام الأهلي مجهود جيد ، اليوم مجهود جيد جدا بغض النظر عن سجل ترى مهام التسجيل هذا بتوفيق الله ، لكن هو حركته في الملعب كانت أكثر من رائعه أمام مباراة الأهلي ، صدقوني الشي الوحيد انو لا تحملونه أكبر من طاقته لاعب كبير يخدم الفريق قاعد يخدم خارج الملعب و داخل الملعب ، أنا بإذن الله بذكرك مع نهاية الموسم ياسر لو جاب هدف في مباراة الديربي مع النصر أو الأهلي قالت العالم رجع لمستواه ، ياسر محتاجينه على الموسم كله مانتم محتاجينه في مباراه و مباراة لا محتاجين نآخذ عطائه ع الموسم وأنا من رأيي فائز الرهان في نهاية الموسم و حيفرح جمهور الهلال مع زملائه إن شاء الله..
المذيـع: ياسر نجم و حب الجماهير واضح في الملعب و لكن مستواه نازل عن الموسم الماضي ..؟
قاطعه سامي: ياسر في الموسم اللي فات سجل في بداية الموسم وسجل في الديربي و قالوا العالم ان مستواه جيد وان مستواه ممتاز لكن في النهايه لما إنتهى الموسم قالوا مستواه هابط ، الآن ياسر نقيمه إلى نهاية الموسم إن شاء الله ، احنا ما نحكي حكي انو مثلا إذا ماسجل لا احنا بنقولك ياسر صدقني على مستواه حيكون ع الموسم حتشوف ياسر أفضل مما تتوقعه ..
المذيـع: يعني ماشاء الله الإداره موجوده مع ياسر ...
سامي: ولله الحمد ، ياسر ما يحتاج عقليته كبيره ولاعب عنده سعة صدر و يحب الهلال و يحب الجمهور و يحاول الآن في الطريق و أنا متأكد حيكون له ظهور ..
المذيـع: شكرا سامي..
سامـي: شكرا..
.,