من مزايا الهلال الكبيرة انه صانع للرؤساء..مثل ما هو مصنع للمبدعين...و هذي ميزة ينفرد بها الهلال عن غيره اللي يلفون على كم شخص معدودين
....الهلال الكيان اللي أسسه عبدالرحمن بن سعيد ماتأثر بابتعاد المؤسس...الهلال الكبير ما ضره شي من ابتعاد الوليد بن طلال في فترة من الفترات...الهلال العظيم ما همه دعم الهلالي عبدالعزيز بن فهد لأندية منافسة...لأنه ببساطة اكبر من كل هالناس
الهلال جاب بطولات في عهد معظم ( و يمكن كل) الرؤساء...من هذلول بن عبدالعزيز إلى فهد المسعد و فهد السديري
....بالاضافة للبطولة الاهم و هي الاخلاق (الهلالية) العالية...و هي سمة معظم الهلاليين و لله الحمد
و طبعا لأن لكل قاعدة شواذ...و لأن الزين ما يكمل...و لأن كل ذي نعمة محسود..الظاهر صابتنا عين ما صلت على النبي...و خلتنا نجاري منافسينا في أساليبهم و حركاتهم و تصريحاتهم....و ساوتنا بعقليات تجاوزها الزمن..و لكنها تحاول ترجع بنزعة شبابية (صبيانية) غريبة علينا كمجتمع هلالي
من الاشياء الغريبة الملاحظة بقوة في الوسط الرياضي....رئيسنا محمد بن فيصل...اللي كسب شعبية كبيرة متوقعة بمجرد وصوله للرئلسة...و زادت شهرته بتحقيق كل البطولات المحلية السنة الماضية....لكن جمهور الهلال مو الجمهور اللي ينخدع ببطولة او بطولتين ممكن تتحقق بوجود لاعبين مميزين و جهاز فني متمكن يغطون على شي اسمه ادارة
هالرئيس في السنة هذي بالذات...طلع طلعات ( مدري وش تبي)...تصريحات غريبة..تصرفات عجيبة..تبريرات مريرة...و النهاية سمعتنا الحسنة تتدمر على يدين هالرئيس
...للاسف هذا اللي قاعد يصير..و يمكن البعض ما راح يقتنع بهالشي الا بعد خسارة جميع البطولات نهاية الموسم
..لان العبرة عندهم بالبطولات بس
الرجال دفع...كثر خيره...لكن انه يذلنا بدراهمه فهذا مرفوض من شريحة كبيرة من الجمهور الواعي اللي واثق من قدرة فريقه بأي رئيس كان انه يكوش على كل البطولات....الجمهور اللي للاسف شخص مثل محمد بن فيصل يسيء له من خلال تصاريحه اللي يتشكى فيها من غياب الجمهور..و لما حضر الجمهور امس بعد ما كان يتريق عليهم و يقول انهم ما راح يجون في أسلوب اقل ما يقال عنه انه (بدائي)استخسر عليهم كلمة شكرا....جمهور يرفض تبريرات رئيس يتلاعب بتصريحاته بمشاعر الجمهور..مرة: نرحب بدعم البلوي..و بعدها بكم ساعة: ما عاد الا هي..نقبل صدقة من البلوي!!!....مرة: رجال الاعمال لوثوا الرياضة...و بعدها بيوم:بعض رجال الاعمال
....مرة: انا ماشي من هالوسط اللي اساء لسمعتي
..و مرة: مستمر تلبية لنداء الجماهير و اعضاء الشرف
...مرة: اعضاء الشرف خذلوني...و بعدها على طول: هم الخير و البركة
شخص متناقض..شخص مو قادر يركز في تصريحاته فما بالك بقرارته...شخص يبي يكون الابرز في الفوز..ويزعل اذا قال احد انه سبب الخسارة....شخص يبرر خسارة فريقه بسبب مدير المنتخب!!!!!!!!!!! في اوضح و اصعب استهتار بمشاعر و عقليات الجمهور
محمد بن فيصل...انت من عينة الرؤساء اللي المفروض انها انتهت قبل فترة...رؤساء كانوا يلهون جمهورهم بسب الحكام و لجنة المنتخبات و ملاهي الحكير
..رؤساء يغيرون في اسماء البشر عشان ينتقصون منهم في ابشع استغلال للمكانة الاجتماعية اللي تعطيهم حصانة خاصة...رؤساء يسبون الفرق الثانية بسبب اخطاء التحكيم مع ان مالهم دخل فيها
قارنوا تصريحات و عقلية عبدالله بن سعد...سعود بن تركي...عبدالله بن مساعد....و في الجهة الثانية...محمد بن فيصل..و خال أبوه...بندر بن محمد...عشان تعرفوا ان الجمهور ماتسكته كم بطولة
اكبر دليل على عظمة الهلال...انه كوش على كل البطولات المحلية السنة الماضية بوجود رئيس مثل محمد بن فيصل!!