اتفق معك في بعض النقاط اللي ذكرتها 
لكن اختلف معك بـ نقدك الجارح والقوي على نجم الحراسه الأول محمد الدعيع 
وش تبي من محمد الدعيع اكثر من كذا
الدعيع سوى الله عليه , الدعيع ماهوب مسؤول عن اخطاء الدفاع
ولا هو مسؤول عن استهتار ياسر بـ شعار الهلال
الدعيع اكثر اللاعبين قتاليه في هذه المباراه
والاهداف كلها جت من اخطاء دفاعيه فاضحه 
اللي تتمنى ان هذا اخر موسم له مع الهلال لاتنسى انه انقذك هالموسم
في اكثر من مباراه
عجبي على هذا الاجحاف بـ حق محمد الدعيع مع الأسف
,
وايضا طارق التائب , التائب اليوم قدم مستوى بطل
خاصه في الشوط الأول , صنع اكثر من هجمه خطره
لكن الله ماكتب لها التوفيق
الرجال وش تبي منه يسوي اكثر من كذا
,
سول معجبك في هالمباراه 
, وش معجبك فيه
صناعته للهدف الأول الشبابي , ولا مطرسته في الملعب
اللاعب سيء جدا جدا جدا اليوم
واستغربت خروج ويلي وطارق وبقاء هالعاهه في الملعب
سول يلعب ويحرق نفسه في مباريات كأس اسيا فقط
اما غيرها لا
,
وضع الهلال حاليا يرثى له
الظهير الأيمن مطلب ضروري ومهم جداجدا جدا للهلال
البقاء على محمد نامي اكبر مصيبه
واكبر خطأ ارتكبته اداره الهلال
,
ياسر القحطاني , يحتاج لـ راحه واجازه
لانه تعب والضغوط عليه كبيره
لكن هذا مايعطيه العذر انه يستهتر بـ الشعار اللي هو لابسه
ياسر لازم يراجع نفسه ويعرف ان الهلال ماهوب واقف عليه
اللي جابه بيجيب غيره
المحياني جاء وراح يبذل مجهود كبيره علشان يكسب ثقه جمهور الهلال وادارته
ولازم ياسر ينتبه وينافس المحياني , لأن مركزه اصبح مهدد
,
اشكرك اخي متيم على طرحك
والاختلاف بالرأي لايفسد للود قضيه