×× البارات السابع والعشرين ××
( في الشقه )
ليان دخلت معصبه وحالتها حاله .. وجلست تحكي لحصه وهبه
بالي صار معها بالتفصيل الممل .. بعد صلاهـ الفجر ..
ليان : هبه وربي انقهرت مدري ليه ؟
هبه : ليش يعني واضحه ؟
ليان : يختي يكلمها ويطالع فيني ويضحك .. وش يقصد !!
هبه : ترى من جيتي وانت تعيدين وتزيدين بالسالفه ..
خخخخخخخخخخخخخخخخخخخ
ليان : نامي بس الشرهه على الي يهرج ويحكي لك ..
هبه : ههههههههههههههههههههههههههههههههههههههههه
( في الجنوب )
أروى كانت تغسل المواعيـن وفاتحـه المسجل على أغنيـه
سعد الفهـد ..
| إذا ناوي على الروحـه وحاسب للغياب احساب
ابي أسال قبل لاتروح قلبي وين خليته ..
انا مدري من امخطي ولا اقدر ازيد عتاب
عطيتك قلب ياقلبي ياليتك بس داريته ..|
أروى ( بأسجام كبير) : الله الله عليك ياسعد خبال هـ الأغنيــه
شيء مو طبيعي ..
ابو اروى ( بصوت عالي ) : اروى ..
أروى ( بخوف ) :بسم الله .. يبه اخرعتني ..
ابو اروى : قفلي المسجـل وتعالي ابغاك بموضوع ..
أروى ( بأستغراب ): طيب لحظة بس خلني اغسل ذي واجيك
أبو اروى : طيب خذي راحتك ..
أروى ( تفكر ) : غريبه وش يبي ابوي بهالوقت .. مو عادته يكلمني
او حتى يستشيرني .. خير وش السالفه !
الله يستـر بس ,,
:
خلصت اروى من الغسيل وراحت عند ابوهـا ..
( في المجلـس )
أروى: خالد انت للحيـن صاحي قم نام وراك دوام ..!!
ابو خالد : اقعدي بس انا ابغاكم بموضوع ..!!
خالد : سم يبه
ابو أروى : الموضوع يخص اروى ..!
أروى ( بصدمـة ) : وش هو عساهـ خير ..
أبو خالد :فيه واحد من جماعتنا متقدم لك .. وبيجون يوم الخميس
الجاي يشوفونك .. وهم ناس محترمين وواصلين ماشاء الله عليهم ..
خالد : بس يبه اروى توها صغيرهـ وحتى ماكملت دراستها
بدري على الزواج ..
أروى ( تفكر بتركي وبكلامه لها بأنه بيخطبها ) : ........................... سرحانه
ابو خالد : وش قلتي ..!!
أروى : يبه مثل ماقال خالد انا صغيره وبدري على الزواج واعتذر من الرجال
ابوخالد(بعصبيه): انا عطيت الرجال كلمة وماابي اتراجع عنها ..
وقلت عطنا فرصه لين الأسبوع الجاي..
خالد ( بعصبيه شديدهـ ) : يبه شلون اعطيته فرصه والبنت مالها رايي ..!!
ابو خالد : مدام انا موجودمالك انت كلمة عليها ..
أروى ( حست بقهر شديد وطلعت لغرفتها ) ..
سكرت الباب بقوووة .. ونامت على السرير وتبكي ..
أروى ( بقهر وحزن ): ليييييييييييييييييه صار معي كذا ..
يعني معقوله اتزوج غير تركي وحبي له وين راح ؟
وش اسوي بنفسي ياربي .. والله امووووت بعدهـ اموووت ..
لحظة لحظة .. انا قوية وماراح استسلم ..وابسوي
ودخل خالد ( ووجه حزين وتعبان ) : اروى ..
أروى ( طالعت بأخوهـا وراحت له تبكي ) ...
خالد ( ضم أروى لصدرهـ ) : خلاص ياعيون امي لاتبكين
مدام راسي يشم الهوى ماراح تاخذينــه ..
أروى ( تبكي ) : طيب وابوي وشلون تفهمه او تقنعه وهو لاقال
كلمة مايغيرهـا ..
خالد : خلاص وطي صوتك لاتصحين امي ..
انت الحين ( مسك يدهـا ووداها للسرير ) .. نامي وهدي اعصابك
وانا بكلم ابوي ومايصير خاطرك الا طيب ..
(بأبتسامـه) اوكيه
اروى : اوكيه ..
:
طلع خالد وسكر الباب وكان باله مشتت ومتضايق
وتعبااان من كرف العمل وجاء ابوه وزود الطين بله
وجلس خالد طوووووووول الليل يفكر بطريقه تمنع
زواج اروى ..
( في الصباح في شقه مشعل )
مشعل كان يرتب غرفته
مشعل : اااااااااااخ والله تعبت مدري شلون الحريم يرتبون البيت كله
خخخخخخخخخخخخخخخخخخ
اليوم خميس وابي ااثث البيت بالاسبوعين هاذي وبعدها (بفررح )
تصيرين لي يااروى ..
( بصدمه ) اييييييييييييييييييييييييه ياربي شلون نسيت
امس دقت وارسلت رساله ونمت يمديها زعلانه الحين
خلني اطلع اجيب لي فطور ولاجيت اكلمها ..
بعد 5 دقائق ..
( دق باب الشقه )
مشعل ( بأستغراب ) منهو الي جايني هالوقت ..
فتح الباب ..
مشعـل: !!!!!!!!!!!!!!!!!!!!!!!!!!!!!!!!!!!!!!!!!!!!!!!!
( بصدمة واستغراب شديد )
خالد ..
بسم الله وش فيك
خالد : طفشااااااااااااااااان وزهقان
مشعل : سلامات وش صاير .. تعال ادخل فهمني السالفه
ولا اقوول انتظرني بروح اجيب شيء ناكله ..
خالد : طيب
:
طلع مشعل ومستغرب من جيه خالد بهالوقت وهو عارف خالد
الخميس والجمعه داايم يفرغ نفسه لأهله ويتقابلون بالليل
بس هالمره غيررررر
:
) في جده في بيت عبير )
ام ناصر كانت بالصاله .. تقرأ قرأن
نزلت عبير من غرفتها وراحت عند امها ..
عبير: صباح الخير
أم ناصر : صباح الخير يابنتي ..
عبير : ناصر نايم ..
أم ناصر : لاطلع مع محمد يجهزون للملكة ..
عبير: ابروح المشغل بسوي فتله وابشقر حواجبي
وابي اصبغ كمان ..
أم ناصر : طيب على هواك ..
عبير : ابفطر وبعدها بشوف منى وش سوت ..
اخذت عبير فطورها وطلعت لغرفتها ..
واخذت الاب توب .. ولقت منى متصله ..
عبير ( طارت عيونها ) : الحين ذي ملكتها اليوم وجالسه على المسن
خلني اكلمها واشوف وش سوت ..
:
عبير : صباح الخير ..
منى : عبير لحظة شوي ..
عبير : طيب ..
..... بعد 10 دقائق ..
منى : باااااااااااك
عبير : ولكمووو ..
منى : والله تعبااااااااااااانه وودي انااااااام
عبير : مانمتي للحين
منى : نمت شوي وقمت
منى : لك عندي خبر بمليووووووووووون ريال
عبير (تحمست ) : ايش بسرعه قولي
منى : بعدين الحين مو وقته
عبير : طيب ليش تقولين لي عندك شيء وبعدها تقولين
بعدين وربي مالك داعي ..
منى : كل شيء بوقته حلوو ياحلو ..
عبير : طيب وش تسوين بالنت اطلعي روحي شوفي اشغالك
منى : اكلم متعب , وفؤاد
عبير ( بصدمة ) : يابنت مجنونه انتِ , ولاتستهبلين
منى : لاماني مجنونه ولا استهبل بس
ذولي اعرفهم قبل محمد واعزهم ولازم اكلمهم
عبير : خخخخخخخخخخخخخخخ منتي صاحيه
انا بروح للمشغل ..
منى : انا الساعه 11 مواعدتها
عبير : طيب يالله باي
منى : بايات ..
..
عبير جلست تفكر وش مخبيه منى وخايفه لايكون
بشيء متعلق بتركي وليان ..
عبير ( بقهر ) : الحين تركي ليه مايدق علي ..!!
ولا يسأل ولا شيء .. يمكن مشغول مع محمد ..
وحتى ليان من درت اني اكلم تركي قطعتني ,,
اليوم ابطلع احلى منها ,, وابكشخ واخلي تركي تطير عيونه فيني ..
..
( في شقه العيال )
تركي : حسين ..
حسين : هلا
تركي : خايف من ردهـ فعله ..
حسين : ولا يهمك ان شاء الله بيفهم الوضع ..
طلع عبد العزيز من الغرفه ومعاهـ اغراضه ..
عبد العزيز : يالله شباب انا ماشي
تركي ( متردد ) : عبد العزيز قبل لاتروح بغيتك توقع على الورقـه ..
عبد العزيز ( بأستغراب ) : ايت ورقه .. وش السالفه ..!!
تركي : الحقيقه ماابكذب عليك البارح فيه واحد كان بيخطف
اختك ليان .. بس الحمد لله محمد مسكه والحين هو بالسجن
عبد العزيز ( بعصبيه ) : ليااان ؟
وش مطلعها من البيت بالليل ..!؟؟
تركي ( مايدري وش يقوول) ..
حسين: عزوز هدي اعصابك يارجال .. يمكن تبي الصيدليه
او علاج لأختك او أي شيء خلاها تطلع ..
عبد العزيز : ولو المفروض ماتطلع وانا محذرهم من عقب سالفه
حصه بس هم يبوني اوديهم للمدينه ..
تركي ( خاااف ) : لا وين المدينه حرام عليك .. هدي نفسك والأمور ذي
ماتنحل بالعصبيه ,,
عبدالعزيز : طيب يالله خلنا نروح القسم ,,
تركي : لامايحتاج محمد مرتب كل شيء وانت بس وقع
ومايصير خاطرك الا طيب ..
عبد العزيز : طيب هو وش سوى بالضبط ؟
تركي : حاول يخطفها ,, بس
عبد العزيز : انا لازم اروح للقسم على شان ارتاح
تركي : طيب بس محمد طلع مع ناصر اليوم ملكته ولاشرى شيء
وهو حايييييييييييس من اليوم .. وكمان مواصل على شان
ليان ,,
عبد العزيز ( فكر مايشغل محمد ) : طيب انا بوقع وارجع الاسبوع
الجاي .. الحين هات الورقه ..
تركي ( بينه وبين نفسه ) : وينك يامحمد ..بس !
عبد العزيز ( متضايق ) : يالله مع السلامه .. وكان ودي
احضر الملكة بس الوقت مايساعد سلموا على محمد
وهديته بالغرفـه .,
تركي ( بأبتسامه ) : الله معاك وشرفتنا ياوحش ..
عبد العزيز : اذلف بس تتميلح علي يالمزيون ,,
تركي : ههههههههههههههههههههههههههههههههههههههههههه
ههههههههههههههههههههههههههههههههههه
طلع عبد العزيز وراح وهو معصب ومتنرفز لشقه خواته ..