اول شي الله يبارك بعمرك ابو يزيد
ومبروك عليك الفوز والفرحه الحلوه
سين سؤال / وش صار معكم بعد الهدف ؟
اما انا جالسه قدام التلفزيون واطالع على الوقت واقول يارب
متى يجي الهدف كنت اكلم نفسي واقول معقوله تنتهي المباراه من غير مايفوز الزعيم
بعدها اقول لالا مو معقوله الهلال بيخسر نقطتين وبيتعادل لازم يفوز هو معودنا في الاوقات
الصعبه يجيبها الا لما رفع الكوره ولي هامسون وجت على رأس ياسر القناص
ومررها بالراس للعنبر وبعد الهدف قمت اصفق واقوم من جلستي وانادي على اختي
لانها هلاليه موت مثلي واتكلم بصوت مرتفع واقول قول انا واختي واطالع في لاعبين الهلال بعد
الهدف وهم يركضون واقول الله عليك يالعنبر فرحتنا اللي يفرحك ويسعدك واشوف الجماهير في الملعب تهتف باسم الهلال وهي فرحانه واعلام الهلال وشعاراته ماليه الملعب وتتموج .
صراحه وناسه .
عقبال مانفرح بدرع الدوري ونتكلم عن الاهداف والافراح .