: : : : هلا والله مبروكين الفوز وعقبال الدرع يااارب تخيّل انك تحضر المباراه في قهوه عشان تشخص بالسكارف الازرق الجديد جايبه من مصر مخصوص للزعيم وفجأه تلقى نفسك متحطم وترسل لخويك رسالة جوال تبارك له بالدوري وخلاص تفقد الامل وتصفق كف بكف حتى السكارف الجديد تشيله من رقبتك وترميه على التكايه بجنبك وتشوف الدعيع مبهذل نفسه وشاد حيله والهجوم نايم والمباراه خلاص بتفلت وتقلب على مباراة نجران وتشوفهم يضيعون بلنتي 3 مرات وتعرف ان الحظ خلاص عطاك مقفاه وتشعر بالاحباااااااااااااااااااط احباط من قلب وتحس ان تعب موسم كامل راح وفجأه يصير شي مهو على البال ولاعلى الخاطر وتتغير كل الامور وتصرخ صرخه يسمونها صرخة النصر كنت اسمع الناس يتكلمون عن هالصرخه بس ماأدري وش معناها لين هدف العنبر شوفوا وش صار معي وقت الهدف كنت اتفرج المباراه على القناه الرياضيه واللي حولي كانوا يشوفون المباراه على ابو ظبي ... تخبرون ابو ظبي يتأخر الاسال شوي والرياضيه تسبقهم كثير جاء الهدف وقمت صحت صيحه فجعتهم خخخخخخخخ واطالع الا كل اللي حولي هاجدين قلت ياولد وشفيني انجنيت والناس احسها طالعتني بنظره فيها كثير من كلمة ( حمد لله والشكر) وارجع اطالع في الشاشه اللي بجنبي أبي أتكد من الهدف هو صدق جاء هدف وإلا انا متوهم الا توها أبو ظبي جاهم الهدف وزدت الصياح والحمد والشكر لرب العالمين قام اللي في الجلسه اللي جنبي يسلم علي يقول صيحتك ياخي صحت العنبر وجاب قول هههههههههههههههههههههههه قلت لالا انا قاعد اتابع المباراه على القناه الرياضيه وشفت الهدف قبلكم هههههههههههه الزبده انه هدف جاء في وقت بغيت افقد اعصابي وانهار من جد وقمت اخم في السكارف واسلم عليه وأتحمد رب العالمين وارفع إيدي للسماء وأدعي لعبدالرحمن بن مساعد ان ربي يجبر بخاطره ابوه مريض الله يشفيه ولعيبته الدوليين مختطفين ومدربه انسرق فجأه صدق ظروف تخلي الواحد يحس بقيمة الفوز وبقيمة حارس زي الدعيع يااااااااااااااااه ياجماعه ياااااااااه من حب الهلال كيف يمشي في العروق ومع بن مساعد صار حب الهلال كل يوم يكبر ويكبر وكل ماأشوف الحالمين الحقودين وهم يحاولن يكسرون الهلال ويهبوطن من عزيمته الحب يكبر ويكبر ياحبي لك يالهلال على فكره بعد مافزنا رجعت ارسلت لصاحبي رساله قلت اسحب المباركه بدري عليك سين سؤال / وش صار معكم بعد الهدف ؟ وسامحوني على هالكتابه الغير مرتبه بس انه شي في خاطري عجزت اكنه لازم اطلعه