أبو ود : هذاك قلتها دكتور يروح يرفع أسم البلد مايروح ينهزم وينتفشل اذا بمنتخبه مب قادر يهزم كوريا الشماليه يستريح أفضل خلنا على أمجادنا القديمه اللي نسمع فيها ولا شفناها .. هذا اولا ً .. ثانياً هالحين لو مافيه كوره ومنتخب شلون تبينون وطنيتكم ..؟! المشكله انا بعرف لو مافيه منتخب كيف نعرف فلان وطني وإلا لا ..؟! هذا مب منتخب وطن اذا المدرب سلطان المسير سلطان الرئيس سلطان المتحكم سلطان المصرح سلطان المكمم للافواه سلطان حتى نقد وهو نقد مايبينا ننتقد لاو زياده الطين بله حتى الحتسي هالحين ممنوع هذا وش أسمه ..؟! من متى نبي ننافس نتأهل من الملحق الأسيوي ..؟! معليش والله اذا أنتم وطنيتكم تقاس بالمنتخب والكوره فهذا شيء يخصكم أنا وحده شيء يفشلني مالي فيه وبظل أنقده لين يتعدل الوضع ولين يصير عندي منتخب يبيض الوجه مب منتخب تستحي وأنت تتابعه ,, وبعدين وش دعوى شلتوا على كوزمين ..؟! هالحين صار تفخ وماينفع ..؟! أنتم غريبين بقوه بقوه غريبين .. طيب ياعبدالحكيم اذا يهمك الوطن مره ووطني بقوه وتهمك سمعه الوطن مازعلت على الكلام اللي طلع عنا بصحافه أيطاليا / هولندا / أمريكا / رومانيا / فرنسـا ..! والا الوطنيه بس بشيء دون الأخر ..؟! هالكلام اللي طلع وشوه أم الوطن وحاس أبو سمعتنا مايزعل ..؟! مايخليك تزعل لأنك وطني ماتبي شيء على وطنك ..؟! من المتسبب ماهو سلطان ..؟! وش السبب ..؟ هالقرار اللي تقول أنت يستاهله .. يعني توها بس هالحين صارت وزاره الاعلام والداخليه تتدخل بالرياضه ..؟! وش هالنظام ..؟! علبه الوان مب وزارت ذي كل من هب ودب تدخل وجاب قرار وحط وشال !! وش صوره أبوي ماصـوره أبوي أولاً وش دخل السياسه بالكوره ..؟ بعيد عن سالفه أبوي والا سلطان ..؟! السياسه وش دخلها بالكوره ..؟ هات لي نظام صريح في الفيفا يقول أن السياسه لها خص بالرياضه ..؟! هذا اولاً ثانياً لا ماأزعل وربي وبذمتي وش سوى كوزمين ..؟! يعني تبي تفهمني أن بقيه اللأعبين بمن فيهم التايب وياسر والدعيع وويلي وبقيه اللاعبين لما دخلوا غرفه الملابس شالوا التيشيرت وعطروه وعلقوه وأحتفظوا فيه بدولايبهم ..؟! الغلا / الحب / التقدير مايقاس على صوره ترى ..! يعني بس للتنبيه والا ذي صوره ابوي ببوكي بالشنطه والشنطه مرميه بالارض هذا دليل على أني أكره أبوي وماحبه ..؟! وش البروبلم ياعبدالحكيم ..؟! الرجال شال التيشيرت وحطه على المنصه حتى مب على الأرض ,, بعدين نجي للقرار الثاني اللي هو عدم صعوده وأبي أربطه بمحد مالي عينه متى محد ملى عينه ..؟ لأنه يقول أبي كل أبنائي اللاعبين يصعدون معي صار محد يملى عينه ..؟! أوكي عاقبه مع أنهم ماعاقبوا منصور البلوي قبله اللي جحد ولي العهد بكبره في نهائي قبل الماضي قدام الاهلي .. وماعاقبوا الرشيد في نهائي الخليجيه .. وماعاقبوا عجب اللي ماسلم برضو في هالنهائي ..؟! بس يلا دام تبي للهلال عقوبه عاقبه عقوبه ماليه غرامه تخصه هو كمدرب وش دخل النادي ..؟! وش ذنب النادي واللاعبين والجماهير بالعقوبه ..؟! هالعقوبه شملت النادي كله اداره وجماهير ولاعبين ومدرب ماشملت كوزمين بس علشان تقول يستاهل أو لا أو ليش زعلتوا عليه ..؟ باقي بس 5 مبارايات وينتهي الدوري وتشيل مدربي ..؟! مقبل على بطوله أسيويه بعد أسبوع تقريباً تشيل مدربي ..؟ عندي بطوله كأس الابطال تشيله ..؟! هذا وقت ينعاقب فيه المدرب ..؟!! هذي عقوبه للنادي والجماهير مهيب للمدرب ياعبدالحكيم .. لما يكون فيه منتخب الكل يشارك فيه الكل يقول رأيه الكل ينتقد بدون ماينقال عنا قليلين تربيه وقليلين حياء لما يكون فيه حريه بالاختيار بدون واسطات وتدخلات لما يكون فيه أنجازات وفخر وتقدير للجماهير هنا أقول هذا منتخبنا كلنا هذا منتخب الوطن لان الوطن كله يشارك فيه .. بس لما يكون منتخب رئيسه واحد وهو مدربه وهو ناقده وهو المتحكم فيه وهو جمهوره هذا مب منتخب وطن هذا منتخب شخص واحد بس ..! الهلال بيبقى ياعبدالحكيم راح باكيتا والا راح كوزمين بس الاستخفاف بالعقول وكأننا بزران مانفهم بهالقرارات العجيبه هو اللي ينرفز الواحد ويطلعه من طوره .. وباكيتا ترى ماقصـروا فيه خذوه وباكيتا طلع من الهلال بأمر الهلال مب يطلع مطرود بدون وجه حـق .. كوزمين محد يختلف على أنه صنع فريق لايقهـر ياعبدالحكيم .. من متى الهلال يدخل البطولات ويطلع وشباكه نظيفه طوال البطوله ..؟! ماحدث مع أي مدرب ألا فقط مع كوزمين في ولي العهد هالسنه والموسم اللي فات بعد بنفس البطوله .. من متى والهلال خط دفاعه أفضل خط دفاع بالدوري عقب النعيمه ..؟ الا يوم جاء كوزمين وصنع خط دفاع لايقهر ابد وحتى ولاعبه مطرود وهو أفضل لاعب بالخليج قدر يسيطر على الوضع ويطلع فايز .. من متى والهلال يتفق عليه كل الخبراء أنه الفريق الأقوى تكتكياً ..؟ بس في عهد كوزمين .. متى بس جاء مدرب وصعد مواهب الفريق وصنع نجوم قبل كانوا أقل من عاديين ..؟ بس في عهد كوزمين الكل كان يعتمد على الاسماء الموجوده كوزمين جاء وصنع توليفه جديده وطلع أسماء كبيره ودخل أسماء أكبر وأفضل وأصغر .. من متى كل أجانب الهلال في الموسم يكونون الأفضل في الدوري كله ..؟! بس في عهد كوزمين وأختياراته أجانب الهلال هم الأفضل في كل شيء .. من متى والهلال يتابع أخباره أوروبيا وتنقل مباراياته على الهواء مباشره ..؟! برضو في عهد كوزمين .. ووووو ويطول الكلام ياعبدالحكيم منب جايه أقولك وش صنع كوزمين للهلال بس جايه أوضح لك ليش الجمهور صخب لما كوزمين طلع : أولاً : لأنه قرار مستقصد للأطاحه بالهلال في هالظروف .. ثانياً : لأنه قرار بايخ ويسود الوجه وماله إي مبرر في أتحاد اللعبه وفشلنا في كل الدول .. ثالثاُ : لأنه مدرب صنع أشياء كبيره وكثيره ويكفي خطواته الاحترافيه في النادي .. نتفق ونختلف بس يبقى القرار لو ماكان خطأ ماكان أحدث كل هالضجــه .. تحياتي وأعتقد بنطول مختلفين ياعبدالحكيم .. منورني ..