بــاك .. مرحباً بالزميل الجديد القديــم .. الله يلعن ابليس .. لعنبوحيه ذا الاتحاد السعودي صارت سالفتنا بهالموسم الاتحاد السعودي .. هبل فينا الله يهبل في مخه .. وين مانروح يردها يمين يسـار .. بدايه بلاعبين ثم حكام ولجان والآن مدربين بس علمهم عبدالله بن مسـاعد أن الله حق .. الآن أنا اللي بفهمه شيء واحـد .. الأتحاد السعودي وش يبي من الحيـاه على الحركات السخيفه ذي كلها .. وش يبي يوصل له ..! يحرم الهلال من صدارته ..! يحرم الهلال من بطولاته ..! يحرم الهلال من نجومه ..! صدارته يبطي عظم لإن الصداره أصلاً ماتبي غير الهلال .. بطولاته والله من زين التنظيم عاد .. ومع ذلك مكوشين على الأكو والماكو على قوله اخواننا الكويتين .. يحرم الهلال من نجومه !! يقولون اذا غـاب منا نجم ظهــر سيــد .. هالتخلف اللي عايش في الاتحاد السعودي لازم يستأصل ولازم يروح وماله حل إلا التغيير الجذري لكافه الأطقم العامله في الاتحاد واللجان .. لأنها ماعادت تنفع بريــال ..! يعني في أوروبا وفي العالم أجمع ترى النادي له الأحقيه برفض ذهاب لاعبه المحترف للمنتخب والفيفا يجيزه في ذلك بس حنا حتى البطولات الغير معترف فيها نوقف الدوري ويأخذ اللعيبه منا وليته على سنع .. يرجعون مصابين والمنتخب خســران .. لاعبين يلعبون مع المنتخب 105 يوم ومع النادي فقط 85 يوم وأحنا دافعين فيهم دم قلوبنا دافعين فيهم ملايين المليارات .. :/ وش ذا التخلف ..؟ واذا قاموا وجلسوا قالوا وطنيه ..؟ ياعمي يعني بس الهلاليين لمفروض يصيرون وطنين وإلا على قوله بن مساعد يعني بس حنا اللي نحب أوطاننا .. اصلاً قمه منتهى الوطنيه اللي يعجزون كل العالم منها أننا نصنع فريق كامل للمنتخب ونعالجه على حسابنا وندفع على حسابنا أجل 105 يوم !! وآخر ماتوصلوا له المدرب .. حامض على بوزك والله يالاتحاد السعودي عجزان تدفع ميه الف ريال من هالملايين اللي بالخزينه .. :/ أدفع وجب مدرب ترى سكولاري وبوسيرو يبون الـو بس فاضيـن .. وأصبر عليهم مب تجيبهم وتتحكم باللاعب الرايح واللاعب الجاي وإلا أنزل أنت ودرب ألبس جاكيت ناصـر كلش مكشوف للشعب .. :/ الوضع ماعاد يخلي الواحد نسكت ولاعاد في أحترام للجان اللي تكمم الأفواه وتنزل بمستوى حديثها لمستوى طالب أبتدائي مايقولـه .. :/ !! أقتباس * إحصائية التي قالت إن أكثر رئيس نادي دفع مبالغ على ناديه من جيبه بعيدا ً عن دخل النادي هو الامير عبدالرحمن بن مساعد الذي قدّم للهلال في هذا الموسم إلى الآن تصوروا يا جماعة .. ( 150 مليون ريال ) فقط لإسعاد هؤلاء الجماهير .. !! ماينلام عبدالله ترى يوم يطلع أمس ويقول لاوالف لا والله لاأستقيل عبدالرحمن دافع اللي وراه واللي دونه .. ياويلييييييييييه بس الله يلعن شكلك أتحاد .. بعدين بيني وبينك مايستاهلون بعض الجماهير الهلاليه خصوصاً جماهير الرياض هالجماهير ماتستاهل.. نايف : حضــورك رائع جداً غبت وعدت بالجمال متفرداً .. مقالك أشبعني زعامــه ..! لاتطيل في الغياب أرجوك ..