بــاك .. ياهلا الجنتلمان .. شف ياعزيزي أنت قدر الله عليك أنك تطيح بشيء أسمه الدوري السعودي يعني تحت مظله الاتحاد السعودي لاتخطيط لانظره واقعيه لاعدل لامساواه لااحترام للرجال .. تخطبات فوق كل التخبطات ومع ذلك ياويلك بالويل ياللي تنتقد وإلا تقول وإلا تأشر على مكامن الخلل مبدأ تكميم الافواه هو المعمول به ورجال لاتعمل بس ماسكه مناصب على الفاضي .. مكاتب حاويها غبار ومعلمين على قولتك رايحين جايين فيهم للمعسكرات وليتها على سنع .. اااخ بس وش اقول عقب هزيمتنا .. انا ابي ارد بس قلت خل عقب مباراه المنتخب نشوف وش عنده بس ماصارت حاله قسم بالله .. ياعزيزي حنا في مدرسه الأوائل كتب علينا أننا نكون ابطال زعماء شيوخ ملوك وهالشيء مايعجب طال عمرهم ومرمطونا بالجدوال والتنظيم السيء والظلم واللجان اللي جايبين كفائاتها شهادات كفاءه ثانوي والمعسكرات اللي على قل فايده وعدم .. وش نقول ..؟! نقول اننا نتعب ونجتهد طول الموسم ونزرع ونتفاعل ونفوز ونجمع نقاط ويجيك كحيلان الاتحاد السعودي ويشيل نومنا ويطير فيهم للمعسكر ويرجع بالفشايل للوطن .. لا وحتى مدربينا ماسلموا من الدورات الخارجيه يلا كل ماتأقلم مدرب معانا خذوه للمنتخب ومشوا وليته منتخب ينواجه فيه .. واللجان ملعونه خير والعن بعد .. لجان تهش ذبان بالاتحاد مالها شغله الا تتابع انديتها وتتحبل لمنافسيها وتظلم وتنهب جهد الغير وترزز بالجرايد والصحف .. :( ودي بس أمسك الاتحاد السعودي وأقوله ترى كل اللي يصير بمنتخبك كله كله بسبب ظلم الهلال .. :( بس من يسمع الكلام .. :( :( لو تكلمنا قالوا مب وطنيين وأن سكتنا متنا قهر .. وش الدبره ..؟ دبره الله أبرك .. هالحين الصحف والمانشيتات كلها تتكلم في ضم كوزمين للمنتخب طيب والحل ..؟ الى متى جمهور الهلال وادارته تحت سلطه المتسلطن في الاتحاد السعودي وظلم الاتحاد وجبروته وطغيانه على الجميع بأخطائه .. الى متى نتحمل اخطاء سلطان بن فهد واتحاده الرياضي الموقر ..! الى متى وحنا بالنسبه لهم الخيار المنقذ ونخسر كل شيء بسببهم ..! ووليت مع هذا احتراااااااااااااااام لنا مانبي احترام لا نبي مساواه بس نبي جدوله كويسه نبي تنظيم نبي مراعاه لحقوقنا في اللاعبين والمدرب .. وش نقول ياربي بس قسم بالله العظيم تعبنا وحنا نكتب ونقول ماعاد في الرياضه أمل والله أنهم كرهونا بالمنتخب وكرهونا بالكوره .. صار منتخبنا كابوس يهدد لاعبينا وجماهيرنا ومدربينا بأي لحظه ممكن يروح لاعبك ويصاب ويجي وتنفق الاداره عليه وتعالجه والمنتخب يناظر .. بأي لحظه يأخذون مدربينك وأنت تناظر ويهدمون شغلك ويلا ماعليهم ولافيهم .. صار المنتخب شيء يفشل وكابوس يهدد بس ماصار منتخب ذا صار عدو والعياذ بالله .. الى متى وحنا كذا عذراً على هاللجه القاسيه بس ملينا وحنا ساكتين !! شف الشارع الرياضي ياسلطان اطلع برا شف من صار يتابع فريقك !! شف جماهيرك صارت تكره شيء اسمه المنتخب والسبب أنت ايه انت ,, ماحنا صابرين ماعاد فينا صبر على هالحاله كل شيء له حدود .. ملينا من اسطوانه الهلال يشتغل لحساب الاتحاد السعودي طز في لجان ماتعمل وتتفرج وتبي الهلال وادارته تصرف عليها ياخي بقريح هم ومناصبهم قدام التعب والجهد والمعسكرات اللي تعبنا واجتهدنا واخر شيء يروح التعب .. وارجع اقول ليته على منتخب يواجه :( ؟؟ منتخب فاشل ميت مميت منتخب يكسر الوجه والله لو هو منتخب ادغال الغابه قدم شيء افضل منا بألف مره .. خلاااااااااااص يابوفيصل تكفى ياعبدالرحمن .. ملينا الصبر والسكوت وأنت كليت الكل هالموسم وماسكتت عن حق للهلال .. لاعاد تسكت لاعاد يروح لاعب منا ويرجع لنا مصاب يالله يشيل روحه .. لاعاد يروح مدربين ويطيرون بالهواء يكفي يكفي مب كل ماوقفنا على أعتاب الاسيويه جونا شخفوا جهودنا ومشوا والحل ..؟! هذولا شر هذولا سوسه هذولا هم الدخلاء على الرياضه .. لابارك الله برجال كذا .. تكفى يابوفيصل أحّم الهلال منهم ماصارت ماصاارت .. يحترق قلبي ولاأقدر أكمل .. العذر بس العذر .. احياناً الشر والقسوه في الطرح هي علاج لشر .. الجنتلمان : طرح راقي شكراً لك ..