أهلاً لجين .. موضوعك جاء في وقته لان بقلبي تحوس أشياء حول ميثاق الشرف اللي بس يبون الهلال يطبقه لهم وهم لا .. نادي النصـر : نجي أول شيء وخليني أبطرح أسماء أنديه النصر أولهم دخل في المحياني رغم أن الهلال أول من فاوضه ومع ذلك قلنا تنافس وسكتنا أبدى اللاعب رغبته ولازالوا ويماطلون ويودون ويجيبون إلى أن أنتهت فتره التسجيل.. ورقه فوق ملف ميثاق الشرف .. نادي الوحده: يماطل بالهلال جيبوا لنا شيك مصدق و8 مليون ويروح سامي الجابر ويعطيهم 8 مليون وشيك مصدق وفي يوم خميس ومن بكرا جمعه ويدقون بالليل نبي كاش !! يعني البنوك ماتدرون أنها تقفل وإلا من قل التردد على البنوك طحتوا على خير ماتدرون وش يسوى به .. المهم ماطلوا وماطلوا وعطوا كلمه رجال وأنكسرت الكلمه وهذا دليل على أن اللي قالها مب رجال لأن كلمه الرجال أقوى من السيف .. صرح اللاعب وطالب وسحبوا اضواء وفلوس وتلاعبوا وبالاخير أنتهت فتره التسجيل .. ورقه فوق ملف ميثاق الشرف .. نادي الاتحاد : يدخل في صفقه نيفيز مايبيه أنا متأكده بس لإن الهلال موجود في الصفقه ويحاول ويحاول وطبعاً لأن المحترف فاهم أستشار حوله حواليه ولقى الهلال ولاغيره .. سجل اللاعب وسقط الميثاق والنادي وأنكشفت أمور التخريب اللي لازلت قائمه .. ورقه فوق ملف ميثاق الشرف .. وغيرها وغيرها وغيرها وعلى السياق نفسه يدق طال عمره على الامير نواف ويقول بيننا كلمه رجال ونسي تنازل راضي والحارثي وغيرهم وغيرهم وظل الهلال هو ميثاق الشرف الأقوى فقـط .. ويبدو أن الايام القادمه ستحمل الكثير والكثير والدليل أن هنالك صفقات يمين وشمال تذهب وتأتي ولازال الهلال المستمك بكلمه الرجال دون غيره .. لجين: لاتغيبين كثيراً قلم يروق لي كثيراً.. دمتي بهذا الجمال ..