اهلا طارق
صباح الورد
اجل البنات مش كويسات
أفا بس .. أفآ
ليه طيب ..؟!
يعني عشان حتة مواقف صاروا مش كويسات
وبعدين وش فيها اذا صورتك .. ياخي عجبتها << آوت
لا جد الحين البنات الحيا صار تحت الصفر يعني صاروا جليد
مايهتمون من شي ..
وانا فيه شي قاهرني مره , وودي لو انك تطرقت له بموضوعك
الحين اللي تتغطى ترى قروية , وماتفهم شي في التطور والموضه
اليوم وانا رايحة الجامعه اشوف وحده بسيارتها ( طبعا مع سواق )
تنفش كشتها وتبعد الطرحه تخاف البف يخرب ..!!!
وبعد وانا راجعه اشوف وحده تفك الطرحه وتعدل شعرها وترجع تلفها وترمي باقي الطرحه على وجهها
والسواق يتأملها في المرايه ..!
وانا بسيارتنا اشوف وجهها !!!!
لا والمشكله ان السواق وقسماً انه يراقبها ساعه يتامل فيها
أدري بتقولون انتِ قاطه معهم في السياره
بس والله تفاجأت .. مافيه خوف من ربي للاسف
والاخيره اللي بغت تجيني سكته
وربي اني اشوفها تلعب بخصله من شعرها تلويها على اصبعها مدي وش تسوي
كشتها منفوشه طبعا ( موضة هالايام )
وتميل راسها يمين ويسار مدري هي دايخه والا نايمه والا تضحك
تصطفل .. بس رفعت ضغطي وانا راجعه من الدوام وراسي مصدع مو ناقصه
يعني لهذي الدرجه خلاص معد فيه وازع ديني , على الاقل وجهها تغطيه
عباية كتف وشكشكه ولثمه وميك أب ... مشيناها
لكن الحين مايعترفون بالغطا .. ومو تتحجب بعد لا الكشه من اهم عناصر الموضه الحين !!!
وبعدين يا اخ طارق انت نسيت اهم شي ..
ان ( الشباب مش كويسين )
وكثير بعد ..
فيه اولاد مايستحون ..
وفيه واحد الى الان مانسيته يمكن صاير له سنه او اكثر هالسالفه
في المملكه .. واحد قاعد يدخن وينفث دخانه على قروب بنات
انا ما اقول البنات مايلفتون الانتباه , لكن بعد حركته جريئه قوه ..!
وواحد في التميمي لاحقنا انا واختي لين حامت كبدنا والله اننا ماحولك احد
وقاعدين نجمع حلويات وشيبسات عشان كانت عندنا جمعة البنات
والاخ مسنتر معنا في السيب بغيت اصفقه بالجالكسي الي كل شوي ياخذه ويرجعه
واخر شي اختفى يوم جينا نحاسب قلت اشوا لو تنتبه امي حلفت مانطب التميمي بعدها
مشينا وانا فرحانه انه ذلف
ولما طلعت بروح اركب .. الا فجأه
واحد وراي يقول السياره السياره .. وانا بكل براءه حسبته يقول انتبهي
فيه سياره جايه << على كيفي حللت
ووقفت عشان السياره تمر , ورحت لاختي كانت تاشر لي لاني كنت مضيعه مدري وينهم
المهم .. يوم ركبت الا الاخ يمر من جنب السياره ويرمي الرقم ..
ياربييييه والله ان قلبي طاح مع الورقه ..
استنى كف من امي ..!
بس ربي ستر وما انتبهت
الخلاصه .
اني تكلمت كثير .. بس والله من القهر اللي فيني
طارق
موضوع رايق ,و رهيب
يسلمو عل هيك مواضيع
بس لاتروح مجمعات مره ثانيه