ياحب افهم انك بخافقي شي
وان العيون اللي تحبك سهارى
ياضي عين اللي يحبك وياضي
كل الدروب اللي بعيني حيارى
مدري متى برتاح ياوردة الحي
واشوف همي بعد شوفك توارى ْ
يمكن ليا شفتك نزح همي شوي
ويمكن ليا شفتك جروحي تدارى
والا انت تدري انك النور والفي
وانك يمين ودرب غيرك يسارى ْ
انت الذي ما يشبهك بالملا حي
مالوم من سمّاك سيد العذارى
واكبر دليل ان قلت في خافقي شي
ان العيون اللي تحبك سهارى