لا تقول اني ذكرت ولا تقول اني نسيت
كيف يعني يذكرك انسان لحظه ما نساك
لو أقول وش أكثر أحبك ما تصدق لو حكيت
دام حبي فوق والله مستواي ومستواك
في بعدك يا حبيبي يا كثر ما قلت ليت
ويا كثر ما قيل عني في بعدك وش بلاك
مو مهم اللي جرى المهم انك رضيت
دام يزعلني زعلك ودام يرضيني رضاك
جيتك أتأسف حبيبي وأعترف اني خطيت
جيتك أسبق لهفت أشواقي ويسبقني غلاك
وانا مدري شلت قلبي لك بعد عمري وجيت
والا قلبي شالني لك يا بعد عمري وجاك