,
’’ أحبك ’’ آخر اخباري ..
وآخر ما ورد بالكف
’’ أحبك ’’ وابعد حدودي ..
سلام واقربه نظره
’’ أحبك ’’ بأول احساس ..
داعب مهجتي ماكف
’’ أحبك ’’ إيه أنا ,’’ أحبك ’’,
بقلب ماعرف يكره !!
هذي فنه اشواقي ..
أبعثرها قصيد وحرف
أجيك ململم جروحي ..
وصوتي تخنقة العبره
أجيك بخاطر مكسور ..
وعين ماتغض الطرف
أجيك بلهفتي وينك ..! ؟
فؤادي ماحمل صبره
أبيك تسابق شمسي ..
بعد من الصفر للألف
بحط ايدي على خدي ..
واقول امتى يجي بكره
بكحل ناظري بشعة ..
جبينك يالغرام العف
ويسعد لي صباح الي ..
تصبحبك على الفكره
أنا ادري ما عرفتني .. !!
تشابه في سماك الصنف
صوابع ايدك بكفك ..
وإذا هي تختلف قدره
أنا ادرى في البشر عمله ..
رخيصه في بنوك الصرف
أنا اعرف في البشر معدن ..
ثقيل يرجح الصخره
سألتك باللذي زانك ..
أنا ويني بذاك الصف
أشوف المعجبين كثار ..
واخاف تطول النظره
رجيتك لاتجي بدافع ..
مايسمى العطف
تراي ما املك إحساسي ..
إذا قلبي بدأ يشره
" هذي آخر اخباري .. "
وآخر ماورد بالكف
وأنت وشهي اخبارك ..؟
عقب الي سبق ذكره !!؟
,