أعاهدك ببقى أنا وأنت خلان
ودروب المحبه يالغالي ندله
ياصاحبي خلا المحبه لنا إنسان
إنسان مايرضى بحكم المذله
ببحر أنا وياك من دون ربان
نمشي ببحر فيه الأشواق فله
أنا معك والبحر والغيم خلان
مانفترق لو كلن يموت بمحله
ــــــــــــــــــــــــــــــــــــــــــــــــــ ــــــــ
ياصاحبي والله مانيب ناسيك
لو الجفا يمشي معك مثل ظلك
أغليك من بد المخاليق وافديك
ولو تطلب عيوني تجيك لمحلك
درب المحبه ترسمه طيب أياديك
واعلى من نجوم الثريا محلك
ــــــــــــــــــــــــــــــــــــــــــــــــــ ـــــــــ
لو غبت عن عيني أنا معك موجود
اقرب لعينك من كحل سود الاهداب
حبل الوصل لاصار بالحيل مشدود
لو يرتخي ما ينقطع بين الاحباب
حبك بقلبي بالوصف ماله احدود
لو غاب زولك خافقي عنك ماغاب
ــــــــــــــــــــــــــــــــــــــــــــــــــ ــــــــ
لو الرسايل تقتل بعاد وفراق
أرسلت لك في كل لحظة عبارة
حبك جريمه والجزاء سجن الأشواق
سجني مؤبد بس صوتك زيارة
لكن لي قلب الأحباب تواق
لو غاب محبوبه بقى في إنتظاره
لكم خالص حبي وتقديري
مــن نــظــرة حــبــيــتــكــ،،