فكرة حلوة صراحة خلونا نطلع مهارات التعبير ياهوه:D ديربي جدة تم تأجيله بعد ماكان المفروض يلعبونه يوم السبت 3 ديسمبر..!! لاجديد مباراة للاتحاد ومؤجلة تعودنا صراحة صرنا نستغرب اذا ماشفنا له مباراة مؤجلة.!! وشكل الاتحاد سبب التأجيل كالعادة:rolleyes: معشوق الجماهير الهلالية وجه السعد محمد بن فيصل طلب من الذيب سامي الجابر انه يقعد في الرياض ويلعب ضد النصر يوم السبت الجاي وراح يغيب عن حفل توزيع جائزة افضل لاعب آسيوي والله يعين حارس النصر الناشئ ارفق به ياسامي بشويش;) على طاري الحارس الناشئ مهوب يشبه للحقباني؟:D تغييرات ادارية في نادي الجار شوفوا اللي على اليمين تحسون وده يطق احد :p الامير فيصل بن عبدالرحمن بن سعود مسك رئاسة النادي الجار خلفا للمشيقح اللي خلف سعد بن فيصل اللي قالوا انه مندس :D واللي خلف ممدوح بن سعود اللي نكبهم نكبة قوية وطالبوا باسقالته وفعلا صار وجاء سعد بن فيصل ونكبهم هو الثاني بمدربهم البنقالي ماريانو اللي يبي يحتك بمورينهو بس ماش ماعرف :D واقالوه والحين يقول بخليكم تندمون ويهايط عليهم ماريانو عقب ماطلع ولاعبهم المحترف ادريانو الغفلة طاق(ن) له اداري والظاهر شاتوه برا النادي وصرح بأن الفريق في وادي والكورة في وادي ثاني وشكلي كثرت البربرة ولا لا ياجماعة؟:D ويقولون فيه وعود من اعضاء الشرف بالدعم وهذا وجهي ان دعموا:p بالتوفيق لهالفريق القناص يعطيك الف عافية على الموضوع الرائع والله سعة صدر وانت تعبّر تحس بالمجهود وان كان التعبير مش ولا بد بس ولو تستانس :D