لنا جميعا محبي الشاعر الخلوق محمد الحويماني 
احدى روائعه الشعريه
حسبي على الشعر نوب و نوب حسبي له
نوبٍ يخفـف علـي ونـوب يجرحنـي
لولاي احبـه وفـي صـدري مداهيلـه
ماسقت همـي عليـه ابيـه يشرحنـي
عسانـي اخطـي رداه وهزلـه وميلـه
واصيـب شـيءٍ اذا قلتـه يربحـنـي
والله يسامـح خطـاه وسـوء تأويلـه
وانـا علـى زلتـي ربـي يسامحنـي
الناس كـل ٍ علـى همـه يغنـي لـه
وغنيت لأصغر همومي وانكسـر لحنـي
ياصاحبـي صاحبـك كثـرت غرابيلـه
ولا بـه الا انـت يشعربـي ويلمحنـي
وين انت ياأعذب من الغيـم وهماليلـه
ياللي ليـا مـر لـك طـاري يفرحنـي
جاد بَك كف الزمان وشـح مـن ليلـه
شف كيف الايـام ماتبغـى تريحنـي !!
وشلون ابنساه وانـا اصغـر تفاصيلـه
تسر حالي ولـو حـال الزمـن محنـي
صوته ...وضحكه..حورعينه ..مظاليلـه
صباح وجهه عسـى وجهـه يصبحنـي
ربكة يدينه ..شـذى عطـره ومنديلـه
برأته ...طيشـه ان حـاول يمازحنـي
اجيه ..واوقف ..واروح القاني اجي لـه
واضيق وأرضى ولا ادري من مصالحني
ادل كـل الـدروب اللـي تـودي لــه
وتردني عزتـي والشـوق ذابحنـي !!!
ياكثر حزنـي عليـه وكبـر حبـي لـه
وياطول صبري وانا اللي صدق جارحني
ياأطهر من الغيم واعذب مـن هماليلـه
ياللي ليـا مـر لـك طـاري يفرحنـي
أخطيت انا وانت نفس (الجرح والليلـه
)وسامحك قلبي وعيا لا يسامحنـي !!!!