السلام عليكمــ ورحمة الله وبركاته .
هذه هي القصيدة التي شارك فيها الشاعر الكبير ناصر بن محمد الفراعنة السبيعي في التصفيات المؤهلة لمرحلة ما قبل الثمان وأربعين اسمها قصيدة الخيل
مناسبتها انه كان هناك سباق للخيل في الجنادرية على شرف صاحب السمو الملكي:فيصل بن خالد بن عبدالعزيز.
يقول ناصر: وفي آخر الاشواط وهو الشوط التاسع طلب مني الامير قصيدة ارتجالية في وصف الحصان الفائزواسمه(المرسول) وحدد الوقت بساعتين وبتوفيق من الله ارتجلت هذه القصيدة.
والقصة لها مسبقات قبل وبعد من اصحاب الضغينة وتتضح في القصيدة
.
بسمك اللهم منزل سورة الاحقاف والاعراف منزل نون قاف كاف، هاء، ياء، عين، صاد
عالم سر العباد ومهلك فرعون ذو الاوتاد عاد هل ارم ذات العمادومن بنوا صخـرا بـواد
جيت لاني حي ولاني ميت بين اقبلت بين اقفيت احط البيت تلو البيـت واشـد القيـاد
جيت للحفل اعدي شهلول هملول بردي قامت يدي تصفق يدي طبعي لجيت ابغى القصيد
جيت من ظلما قبر بالحفل ما جاني خبر لعيون امير من ملوك اهـل الوبـر واهـل المـدر
ما زهمني غير بدر الشمري في الخامسة عصرا وجيت اجري جري بامـر العزيـز المقتـدر
جيت خيروجيت شر سر ضر وحلو مر وبين كر وبين فر انفـذ الايعـاز الـى اليميـن در
في مثل لمح البصر جيت العصر في حفل ابن خالد حفيد القائـد الوالـد ولا نعـم الحفيـد
فيصل فيصل سمي السيف راع الكيف ريف الضيف برد صيف هيف هيف ليـس زيـف
من هل المجد الأبي العود منهـم والصبـي مرملـة سـود العبـي نزالـة القفـر المخيـف
فوق قين وفوق خف وكل كف فوق كف الصف تلو الصف لين اشتف من شف شفيـف
يوم تصرخ نارها هل من مزيدمسلسلينه بالحديـد احمـر وريـد وكـل شيطـان مريـد
في سباق اليوم شفت الخيل خضب ليل راس وذيل قوم وقوم ما بيـن النيـازك والنجـوم
يا رمك زوغة سمك لا شفتها تفتح فمك غوج عطا راسه تقول يدين سابح منديال جا بيعوم
كن تتابع حمرها مع شقرهـا جيـش مـن الرومـان قابـل مـن غـزاة التـرك قـوم
وشفت منها اشقر تقل مشروب خولاني اشقر صخرة في راس عنقر بل وذو عـزم شديـد
ضوح سيالته فوقه مثل نار الموبذان او دير راهـب ولعـوا بـه شمعـدان ويـش اقـول
والله يا لولا الرسن فوقه يحوفه يا نهار ارخى كتوفه ما تشوفه مـن عيونـك عيـن طـول
ما تقول الا شعاع الشمس في وقت الاصيل او سندس في جوف ليل مرصع جوهر ولـول
اسمه المرسول كنه بموية التبر مغسول اليا صهل كنـه يقول:انـا هنـا الغـوج الوحيـد
يقفي قفاية جبان ويقبل قبالة شجاع وكن ساقـه فـي سياقـه مـن مساقـه صولجـان
لا عقاب ولا حمامة لا قطاة ولا نعامة مثل ابو زيـد سلامـة لاانتهـض وسـط المكـان
لا تنشر ما تقول الا رسول جا يبشر كن سرجه فوق مرجـه حـول درجـه طيلسـان
جرتـه يـوم اتتبـع لا مثلـث لا مربـع كالخديـوي متربـع فوقـه الجوكـي مهيـد
لا تعصب ثم تنصب ما تقول الا مقصب تاج كسرى ما تغصب عرض طول وطول عـرض
فزته فزة قريص مونس بالساق لسعة في سباق النخبـة التسعـة يـرى ان الفـوز فـرض
كن تفتاله تفتل روس رهبان تبتـل ركزتـه حافـر وحافـر زلزلـت فـي كـل ارض
تقل لا طوف حصان يقول له :هاه!اقتنعت اوكيه ثاني مرة اعرف قيمتـك علـم وكيـد
الله اكبر والله اكبر تصغر القالة وتكبـر يكسـر العايـب ويجبـر يـا بـدر علـم بـدر
الله اكبر والله اكبريقبل العايل ويدبـر يبتلـى المسلـم ويصبـر كـل فـوق لـه حـدر
شاعر ضابط مظلي مهندس ملـي بملـي اعبـد المولـى واصلـي ولا طلبـت الجـن در
جت بي امي في رماده وارضعتني في حماده يـا نميـر بن(ا)عبـاده جـدي الشاعـر لبيـد
من وانا حي نسوني وفي عباتـي كفنونـي هـل اذا مـت اذكرونـي لا ورب العاديـات
لا ورب العاديات الضبح رب النازعات الغرق رب الناشطات النشـط رب السابقـات
والله لو عندي فراغ ان قد رسمت الشعر صاغ وجبت ما لا جابه(و)اهل العصورالماضيـات
مير اشغلني الزمان وضرب أنس عند جان وعشرة راحت ثمـان وصـرف عبـاد عبيـد
شاعر من خلقته ما قد شحذ بالشعر قرش ولا طلب في الارض عرش يموت قبل يقول (ابي)
من خلق ما شال هم الا ثنين ابا وأم الموت عنهم بعـد (كم)ورضاهـم اقصـى مطلبـي
ولا هالدنيـا متـاع فرحتيـن ثـم وداع القبـر بـاع فـي ذراع ولا جهلـه الا غبـي
نفخ صور ثم نشور من قبور ثم سعادة او دبور المسعـد اللـي ذالـك اليـوم(ا) سعيـد [/
في النهاية، أهديكم مقطع فيديو للقصيدة مسجلة من نفس المسابقة..
http://www.
r.com/vb/uploaded/5/11196544699.zip