.
.
.
بخصوص الشاعر خالد المطيري واللي تم استبعاده
انا اللي سمعته والعهدة على الراوي 
..
انه كان مريض يوم الاثنين يعني يوم الرحلة المقررة من الرياض
إلى أبو ظبي للمشاركة في حلقة البرنامج وراحت عليه الرحلة المؤكدة
وحجز ثاني يوم ( يعني يوم عرض الحلقة الثلاثاء في العصر ) لكن
بلغه أحد المسؤولين في البرنامج بأنه تم استبعاده ..
وهذي هي قصيدته اللي كان ينوي المشاركة فيها .. :
اخيل الكواكـب بالمـدار تسيـر
ولله كــل الامــر والتدبـيـر
تاخذني افكاري وتصحي مواجعـي
وادور طبيـبٍ بالعـلاج خبـيـر
حكيـمٍ بتدبيـره عليـمٍ بواجبـه
يقرأ الحدث قبل الامـور تصيـر
لجة هواجيسي وهاضت مشاعر ي
غدى لهـا بيـن الظلـوع نفيـر
ماكل قولٍ يطـرب اللـي يسمعـه
ولاكل مـن يسمـع معـه تفكيـر
لو حلل العـراف كلمـة شاعـر
ماتكسر السلعـه مـن التسعيـر
بديت المعاني في جزيلٍ من الوفاء
ود وفخر فـي صفحـة التحريـر
ابن العرب والمملكـه هـي داري
رمز السلام اللـي علمهـا غيـر
دارٍ معـزي عزهـا واسسـهـا
على العـدل بالصـارم الشطيـر
مطفي مشاعيل الجهالـه والفتـن
مشعـل قناديـل الهـدى تنويـر
واصبح وطن في قلب كل سعودي
به يلتقـي درب الامـن والخيـر
لي الشرف اني من ابناء شعبـه
وارض العرب هي بيتـي الكبيـر
واللي يصير مـن العـراق لغـزه
فـي انعكاساتـه لـهـا تأثـيـر
من واقـعٍ فيـه انكسـار الامـه
كسرٍ معه كـم يصعـب التجبيـر
بالعقل لامنـك سبـرت اغـواره
كنـه تـراه بمجهـر التكبـيـر
اوضاعنا تفرض علينـا الوحـده
حنـا بحاجـة صحـوة الضميـر
امـانـا بالله ثــم بـالـقـاده
وضروفنـا ماتحتـمـل تأخـيـر
تملـي فرقتنـا ووحـدة غيرنـا
وايماننـا فـي وحـدة المصيـر
تنـازع الامـه يهـدم مجـدهـا
من التكاتـف ينهـض التظويـر
تبدي لنا شمس السلام وتشـرق
ت جلي ضلام العنـف والتهجيـر
اذا اجتمعنـا واتحـد مفهمـونـا
يجـي لنـا بيـن الامـم تقديـر
يبقى الامل حلـمٍ نحـب نعيشـه
يطـرب عليـه السمـع والنظـي
والشعر غصنن كل مامال بالحشـا
غنـا ولاغنـا علـيـه الطـيـر
.