السلام عليكم # # !/ الديكور.. بصراحه حلو بس اللي قبل احس احلى خاصه حركة الدويحه على قولة الشمري وذاك اللي يلف بس احسن شي ان اللجنه وخروها على جنب 2/ المذيعين .. ذاك المذيع مدري وش اسمه بس الرثيسي ماعليه افضل من اللي قبل طبعا دارين بعد افضل من روضه بس مع احترامي هادي المنصوري مو في محله كان ناصر الجهوري افضل 3/ لجنة التحكيم .. د.غسان فاهم وتحليل صح حمد السعيد وتركي المريخي بس فالك البيرق وقواك الله سلطان العميمي صار ينتهج نهج الدكتور غسان في التحليل مع انه في بعض المرات من جنبها بدر صفوق تحسه محقق في نظراته مو ناقد بس ما احس انه اضاف شي يمكن لانه جاء مكان المسعودي اللي كان في محله 4/ حركات اخرى.. اعجبتني بصراحه حركة ان الشاعر اذا دخل يحطون صوته وهو يلقي قصيدة شي محترم وراقي بس اللي ما عجبني هو انهم يبون يجيبون كل شي في وقت واحد يعني جايبين 8 شعراء وجايبين ضيف ويجيبون فنان بصراحه المفروض اجلوا شي اللى الحلقات اللي ما يكون فيها الا 4 او 5 شعراء يعني اقل شوي 5/ الشعراء .. انا مع كل السعوديين بصراحه اعجبني بندر المحيا وخالد العتيبي وان شاء الله في الجاي ناصر الفراعنه وبعد محمد الحويماني بس شي يقهر فيه الشاعر نايف المعلا ليش ما اختاروه ضمن ال48 هل هو اللي انسحب ؟ اللي يدري وش السالفه يبلغني كل الشكر للاخوة القائمين وان شاء الله راح يصير تفاعل حلو