مساء الخير .. ومبروك فوز الهـلال .. أقتباس.. فمحمد الدعيع .. لم يعد كالسابق .. نتمنى أعطاء الفرصه للشمري صاحب الـ (( 5 ملايين )) .. وعدم تنطيشه على (( دكة البدلاء )) حتى تموت موهبته !! فالسؤال لماذا تم التعاقد معه وبهالمبلغ .. هل هو كرم حاتمي .. ككرم رئيسنا مع النامي والعنقري !! حتى وان تراجع مستوى محمد الدعيع فـ وجوده يعد مصدر إطمئنان لـ الدفاع ولـ الجماهير الهلاليه الواعيه . الشمري حارس مميز .. مانختلف في هالنقطه . وبطولة فيصل بن فهد قريبه يباخذ فرصته وان شاءالله يثبت نفسه كحارس يليق بإسم نادي كبير كالهلال . أقتباسنقطة الضعف الهلالية حالياُ وبشكل واضح وكبير جداُ .. * خط الدفاع كامل بإستثناء (( تفاريس )) .. بالرغم من أن تفاريس يشهد هبوط مستوى .. على غير العاده .. !! وربما نجد له العذر فمن عاشر القوم ثلاث سنوات صار منهم طيب ليه ماصار العكس .. ليه ماعلم تفاريس المفرج المفرج في مباراه القادسيه كان أفضل من تفاريس الغائب ذهنيا عن المباراه .. عموما جماهير الهلال تطالب بـ هوساوي الوحده اللي مايفرق كثير عن المرشدي .. وبمبلغ كبير 20 مليون .. على مدافع تفاريس مستواه تراجع كثير ولا للمفرج علاقه .. في هبوط مستوى غيره .. وليه مايلام .. تفاريس ملاك يعني لمنا المفرج على غلطه وسميتوه مهرج وطالبتوا بإبعاده .. ولما أخطأ اللاعب الأجنبي قلتوا لايلام .. ليه مايلام والمفرج يلام وش الفرق بينهم يلام مثله مثل غيره لاعب قصر في المباراه ولازم يحاسب على تقصيره وأخطأئه اللي اتمنى انه مايكررها أقتباسأما الجلوس والانتظار الى شهر محرم لتسجيل المنسق مسفر القحطاني فهذي كارثه .. بحق الزعيم .. !! نريد ظهير أيمن جاهز .. وليس منقطع ثلاث سنوات !! والله يرحم أيامك يالدوخي لاعب واحد مقابل (( اليأس + العنقري + العبدالسلام )) منسق من أعطاك هالخبر .. لو منسق كان قدر يشارك مع الهلال الحين .. اللاعب طلب مخالصه مع النادي وان شاءالله في محرم بينتهي عقده وبيوقع مع الهلال وبيعوض ان شاءالله . الدوخي لاعب كبير وافتقدناه .. لكن هذي كره القدم . وهو لاعب محترف واللاعب كانت رغبته ان يلعب لـ الإتحاد وسعى له وتحقق مراده ومطلبه .. ليه كل اللوم على الإداره .. أقتباسنتمنى أن يتم تلبية عرض الوحده بأستقطاب هوساوي بـ 20 مليون مع كامل المر أفضل ظهير أيمن حالياُ في الملاعب السعودية .. مع عدم أهمال صفقة كامل الموسى كظهير أيسر .. !! و جمال التونسي وش رايك فيه .. أقتباس الوسط محتاج تدعيمه بدماء جديده .. بحاجة لأعطاء الفرصه لأفضل أثنين حالياُ بمنتخب المملكه الأولمبي النجم الموهوب (( الفريدي )) مانختلف ان الفريدي والدوسري نجوم لكن مغامره انك تلعبهم على حساب محمد الشلهوب .. نجوم شباب والمستقبل قدامهم وبطوله فيصل بن فهد هي اللي بـ يثبتون انفسهم فيها ونتنمى لهم التوفيق .. والوسط ماهو بحاجه لـ تدعيم لأنه أقوى الخطوط في الفريق الهلالي وهو ميزة الهلال في الوقت الحالي . أقتباسوالصويلح نجم رائع وخطييييييير وحاسم محتاج للفرصه أكثر واكثر ومحتاج أن يكون اساسي على طووول فمن الظلم ركنه على دكة البدلاء ماكأنك قلت قبل النقطه هذي بأن النادي بحاجه لـ مهاجم هداف أجنبي .. كيف بيشارك الصويلح وقتها أساسي .. مع احترامي لـ قلمك الا انك تناقض نفسك .. وجود مهاجم أجنبي يعني الإستغناء عن أحمد أو ياسر وركنه بـ دكة البدلاء . أقتباسفالهجوم بياسر والصويلح والأجنبي .. نار .. كيف بتكون الخطه وقتها مهاجم ثالث على حساب اما لاعب وسط أو مدافع وهذي الخطه عقيمه .. كل الأنديه العالميه تلعب بـ 451 وأوقات كثير تتبدل الخطه 442 ومرات يلعبون بـ ثلاثه دفاع وخمسه وسط واثنين هجوم بس هذي قدام الفرق الضعيفه .. ومافيه فرييق ضعيف كل الأنديه في الدوري السعودي تهاجم ويملكون لاعبين مميزين .. خطتك ماتنفع بالمره وثلاثه هجوم يعني ضياع الفريق والإفراط بالهجوم على حساب الدفاع والوسط غلطه كبيره لو حصل ولعبها الهلال فـ بتكلفه كثير . أقتباسسلطان البرقان .. لاعب لا يجيد ابجديات (( كرة القدم )) وهي الأستلام والتسليم .. !! فكيف يتم السماح له بأحتلال مركز مهم وحساس كالمحور !! هل (( الواسطـة )) لها دور .. بسبب العلاقه بينه وبين مع مسؤول الأحتراف !! مالنا الا الصبر .. لأن مامن محاور في الفريق غير البرقان عزيز موقوف .. والغنام مع المنتخب أقتباس* سافر رئيس النادي للخارج مع أجازة العيد وترك الحبل على الغارب لرئيس النادي حالياُ (( منصور الأحمد )) .. موجود النمر .. وبعدين مااشوف ان منصور الأحمد مسوي غلط .. اذا على المرشدي .. فالهلال يدربه مدرب .. ويعرف لاعبينه زين ومين الأنسب .. والمفرج قدم مستوى رائع ورد على منتقديه .. في مباراه القادسيه .. لاتقولون ماهي مقياس .. لأنه المفرج فيها واجه هجوم المنتخب السعودي الأولمبي وترى من حق الرئيس يسافر . أقتباس* بعد تطفيشه للمرشدي واحباطه .. بدأ الدور على البيشي نجم دفاع منتخبنا للشباب .. وكل الطرق تؤدي الى استفادة ذالك المدافع الغير مرغوب به (( جماهيرياُ )) .. مو مهم يكون مرغوب فيه جماهيريا الأهم ان المدرب مقتنع فيه وبـ قدراته . أقتباس+ سابقاٌ كنا نسمع بالكديش النصراوي .. وتم تنسيقهم دفعه وحده وتبدل حال النصر للأفضل .. والآن نسمع بالكديش الهلالي .. وتبدل حالنا للأسوأ !! ولما نسسقهم النصر دفعه وحده وش كان حال الفريق كان على وشك الهبوط وتوديع دوري الأضواء .. أكبر غلطه هي التنسيق دفعه وحده .. نعطي شباب الهلال فرصه ولكن بشكل تدريجي .. مومعقول ننسق مدافعين الهلال ونعتمد على شباب يفقتدون لـ الخبره لأن وقتها بـنخسر كثير . ولازم نستفيد من تجارب غيرنا .. النصر زي ماقلت غلطوا بالتنسيق دفعه وحده واحنا لازم مانكرر غلطهم . أقتباس* في أجتماع المصارحه بين (( الرئيس )) و(( الجماهير )) وعدهم بعدم مشاهدة المفرج نهائياُ ولكن سرعان ما تراجع في كلامه كعادته في كل شي .. ليواصل بذااك الضحك على دقون (( الجماهير الهلالية )) .. التي وقفت معه كثيراُ في وجه أعضاء الشرف وهتفت بأسمه !! هكذا يرد الدين يا ولد فيصل ؟ ماضحك عليكم ابدا غاب المفرج .. وخسر الهلال وحضر المفرج وكسب الهلال .. وقدم مستوى مميز والمدرب هو اللي مقتنع فيه ومانقدر نفرض على المدرب المرشدي أو غيره من اللاعبين .. ماندري وش يحصل وقت التمارين .. لكن أنا أكيده بأن المفرج يقدم مستوى أفضل من مستوى زميله المرشدي ويجتهد أكثر لذلك هو يضمن مكانه أساسي في المعلب ومنظبط في التمارين أكثر من المرشدي . بـالتوفيق لـ الهلال