.. هلا والله بـ الفجر البعيد .. موضوع رائع والنقاط في الصميم رغم اني اختلف معك في بعضها .. بـ النسبه للحراسه اعتقد من الظلم انك تحكم عليه بـ هبوط المستوى من مباراة او مباراتين .. يمكن ابو عبدالعزيز عنده ظروف هاليومين وهي اللي مأثره عليه شوي .. مع اني ما اشوف ان فيه هبوط بـ معنى الهبوط في مستواه .. يمكن ما حالفه الحظ في مباراة القادسيه .. ياما حراس يخطون اخطاء فادحه ويضيعون بطولات على فرقهم .. بس ما احد يطالب بـ الاستغناء عنهم بـ هالسهوله ..! انا بـ النسبه لي لو ابو دعيع يستمر مع الهلال للـ 45 ما اقول لا .. وقسم بالله العظيم ما عمري شفت حارس بـ امكانيته وثقته وقلة اخطائه .. ما راح تعرفون قدره الا اذا اعتزل .. مو المعنى من كلامي ان الشمري ما يستاهل انه يكون حامي العرين للهلال .. لا والله بـ العكس بس جايه دوره ان شاء الله .. / الدفاع .. والله اني ادعي ربي ليل نهار انه هوساوي ينتقل للهلال ونرتاح شوي .. المفرج لاعب فقير فقير فقير فنياً ..! يعني سهل اني اذا جتني الكوره اشوتها بـ اي مكان اهم شي اخلصها .. الله يخلي الواسطه بس .. يا رب عجل بـ انتقال هوساوي للهلال .. وبـ النسبه للأظهره .. اعتقد ان الخثران يقدر ان شاء الله يكمل هالموسم كـ ظهير ايسر .. بس المشكله والعقده من رحيل الدوخي وهي الظهير الايمن :/ محتاجين ظهير بـ معنى الكلمه هالموسم ولا راح تضيعنا هـ الخانه .. بـ النسبه لعبدالعزيز المفرج الله يوفقه ان شاء الله .. ولو ان اسمه مسبب لي عقده .. / بـ النسبه للوسط الحمد الله الوسط رائع .. بـ استثناء خانة عزيز اللي نتمنى العفو عنه ان شاء الله مثل غيره .. بـ الاضافه الى نواف التمياط اللي مستواه الحين ما يأهله ولا انه يكون لاعب احتياط .. الشلهوب نتمنى رجعته بـ اقرب وقت ان شاء الله .. لأنه موب من عوايد ابو بندر يبطي علينا .. وابو نادين عاد ما عليه كلام .. / هجومنا الحمد الله يطمن بـ وجود ياسر والصويلح .. ولكن ما يمنع وجود مهاجم هداف مثل كالون وباسكال .. مع اني ما ظنتي مثل هالاعبين يجون الهلال .. حنا حدنا لاعبين شركات بـ البرازيل .. الفجر موضوعك رائع وفي وقته .. * ألف شكر .. .