* * * * ياكثر ما رافقت خلان واحباب وياكثر مافي شدتي هملوني على كثر ما اعدهم ستر وحجاب على كثر ما احتجتهم واتركوني من صارت الخوة ثمن حفنة تراب نفس الوجيه اللي نصوني نسوني من غير ذكر عروق وفروق وأنساب كانوا ثلاثة والثلاثة جفوني علمتهم شلون الأهداف تنصاب ولما سواعدهم قوت صوبوني عشاني أصغرهم عمر صاروا أحزاب عشاني أصدقهم قصيد ظلموني اللي نجا حسني زرع فيهم أنياب حتى النصيحة مابغوا ينصحوني دام العطايا عندهم دين وأتعاب والله لو أطلب ذنبهم ما عطوني طالب نصيحة وكني مطالب رقاب .. وهي نصيحة !! كيف لو زوجوني ؟؟ كنت أكتب لنفسي مشاريه وعتاب ولا ادري إن اللي قروني قروني !! تضاربت من دوني عقول والباب واجد بغوا غيري وواجد بغوني اقفل هدب تسهر على شعري أهداب كني حبست رقادهم في جفوني لو شفتهم واحد يشفوني أسراب من وين ما لقوا نظرهم لقوني اثري وجودي بينهم محرق اعصاب ؟ ومزعل بعضهم من بعض لو طروني !! ياكبري بعيني وانا توني شاب وأهم كتاب الشعر حاربوني حتى ولو يهوي على نجمي شهاب يكفيني إن اسمي كبير بعيوني قد قال ابوي إن هبتهم قول ما اهاب لو يقدرونك قول ماتقدروني ومادام قبل محتضن راس مرقاب على كثر ماتقدرون ادفنوني لو ماني بذيب نهشت عضمي ذياب لو ماقدرت اثبت وجودي لغوني لو ماسكنت وجيهم مت بغياب لو ماعرفت امحي ورقهم محوني ماجيت ابدبل كبدهم شعر وخطاب لين دبلوا كبد اللي خلفوني قالت امي يالله عسى الله يفتح بوجهي ابواب تتوسله بالشدة يكون عوني من كثر ما خفاقها بد وعذاب صارت تحس ان زملاي كرهوني بشرتها يمه معي ربع وأصحاب ماني لحالي واجد اللي يبوني من يوم ماحاز قلمي كل الألقاب قلطتهم في دفتري واحضنوني الله وهبني ايهم بني عم واجناب من يوم جيت اعجبتهم واعجبوني واعجابهم فيني ماهو اي اعجاب باسلوبي بطرحي بلوني ..! لو قلت عن نفسي بشر قلت كذاب ! لو قلت دمي من ذهب ، صدقوني لو بايديهم كان زرعوا دربي اعشاب لوكيفهم يتشبهون شبهوني من كثر ما صاروا من طبوعي قراب حتى بلبسة شمغهم قلدوني واجد دعوني واغلقوا دوني الباب وكثار ناس ابكي لهم مابكوا لي لو طال الهدني مناسيب واطناب كانوا غلاتك من زمان هدموني مادام حطوا فيني عيوب واسباب جنبت عنهم مثل ما جنبوني أصلا ً لو ان في خوتي شئ ينعاب ذبحت نفسي قبل لايذبحوني انا يدي لو ما كست متني ثياب نذر علي اقطع يدي من متوني مو عيب اجي مدعو ولا اشوف ترحاب العيب لو اني رجعت ان دعوني مادمت أجي ولا يحسبون لي حساب حرمت اروح اذا يبوني [ يجوني ] !