سولف اكثر وانا باحاول اسمع شـوي
ولين قلـت انتهينـا قلـت بالله عيـد
منشغل عن كلامك فيك بالفيـن شـي
فيك ياللي انت غير بكل شـي اكيـد
انت يا حي شفني ميـت فيـك حـي
ماذبحه الغرام العـف واصبـح شهيـد
انتظرتك كثير اهلين يـا اغلـى هلـي
خذ من القلب كله وافعل اللـي تريـد
كيف تسأل من اشبه وانت ما خلق زي
يشبهك في البها ياللي انت في الناس سيد
روح مدري تعال بخافـق كـان لـي
لكن انك ملكته وصرت فيه الوحيـد