ألف ألف ألف مبروك أولا وأخيـرا وقالوها أحلى إنتصار هو الانتصار اللي يتحقق
وأنت على بعد خطوة وحده من الإخفاق . . .



أعود لمجريات المبارة بعد أول كورة خطيره للمنتخب الأندونيسي انقض المنتخب السعودي
بهجمات منظمه وضغط المنتخب الاندونيسي في منطقته وهذا اللي انا قلته وطالبت فيه من البدايةوهو فرض الرتم اللي نبيه عليهم




نجي لقصة الهدف الأول ونلاحظ انه جاء من كورة عرضية من (البحري ) اللي شفناه اليوم هو وكامل
الموسى يأدون أدوار هجوميه وشفنا كيف كان لتقدم البحري وكامل اضافه قوية للمنتخب السعودي أعتقد ان تمركز ياسر الجيد وإجادة البحري في الكور العرضيه سبب رئيسي للهدف لأول


هنا المنتخب السعودي حاول يمشي المباره على موده ونجح تقريباً الا أن الحكم المرتبك في قرارته
تجاهل خطأ صريح لياسر بعد اربع دقائق تقريبا من هدف منتخبنا طبعا سوء التفاهم بين كريري
وهوساوي كسر خط الظهر وانفرد اللاعب الاندونيسي طبعا كورة مثل هذيك أبسط لاعب يسجلها

بعد هذا الهدف حدث اللي انا كنت خايف منه وبحكم صغر سن اللاعبين سحب الأندونيسين السعوديين
للرتم اللي يبونه وبدوا يلعبون بلمسات قصيره سريعه تحت ضغط جماهيري لصالحهم طبعا ولكن أنجوس
يبدو إنه اذكى وهذا بيوضح معنا بعد شوي .

حافظ أنجوس على النتيجة لنهاية الشوط الأول وهذا مبتغاه بغرض استزاف المخزون اللياقي الاندونيسي
يمكن بالغ شوي انجوس بالاستنزاف وهذا وضح من خلال تأخره بتغيراته وهذا مأخذي الوحيد على آنجوس
في هالمباره

نجي للتغيرات التغير الأول وهو عبده عطيف بديل للموسى أحمد قرأت من هالتغيير رغبة أنجوس في
انعاش خط الوسط وتشكيل وجع راس للمنتخب الاندونيسي على الجبهتين اليمنى واليسرى وونجح
عبده في بعض اللمسات ومع زيادة الضغط السعودي وفقدان اللياقه الاندونيسه وحصول كريري على كرت
كان لازم ينزل الجاسم كل لاعب صاحب حلول فرديه كثيره ولاعب ممكن يفتح ثغرات على الجهتين اليمين
واليسار مع تقدم عطيف والقحطاني ونجح تيسير في هذا وشفنا له فاصل مهاري داخل مربع العمليات
انتهى بضربة زاويه سعودية .التغيير الثالث المتأخر نوعا ما وهو دخول سعد الحارثي بديل عن ياسر
اللي بدأ يعاني من نقص واضح في اللياقه خصوصا من الرقابه والخشونه في الشوط الاول اعتقد لو
ان سعد نازل من وقت بدري كان راح يكون الفارق اكثر من هدف





لمحات عامة من المبارة



* يستحق عبدالرحمن القحطاني رجل المبارة بلا منازع فكان شعله على الجهه اليسار
وكان كل كورة يستلمها ما يحتفظ فيها كانت تشكل خطورة لصالحنا


* المحاور عزيز وكريري كانو ما يتفاهمون فشفنا كيف يتقدمون مع بعض ويتراجعون مع بعض
فيوم نزل تيسير ثبت عزيز وشفنا الخطورة كيف والدليل انطلاقات كامل الموسى بعد وقبل نزول
تسير الجاسم

* ياسر في مستوى تصاعدي من مباره لمباره ولكن يحتاج لوقت أكثر حتى يسترد لياقته الكامله

* أنجوس اثبت انه مدرب ذكي ويلعب بعلاقنيه لمحت فيه حسن قراءته للخصم والدليل لعب خلال تسعين
دقيقه على قتل عامل الفوز الاندونيسي الوحيد وهو السرعه في تكوين الهجمه الا في بعض الاحيان
لأسباب خارجه عن ارادته .


* سعد الحارثي أهدانا أحلى هدف وأحلى ثلاث نقاط ويعجبني أنه اخذ الفرصة الماضيه ككبوة جواد
واستفاد من وقفة الجميع معه وعلى رأسهم ياسر وتستاهل يا الذابح واسعد الله ايامك

بسم اللهـ

اول شي مبروووووك الفووز .. مع انها كانت مباراة ترفع الضغط و تجيب كل الامراض الي تخطر على البال

بس ما اقول الا الله يسعدكـ يا ولد الحارثي ,, : ) ..

اثبت للي ما يبغونك انك بطل و تستاهل انك تكون اساسي .. : ) ..

يعني المباراة الي فاتت دخل باخر 10 دقايق ،، لعب 5 دقايق و جاب فرصه حلوه ،،

بعدها انقطعت الكهربا حول الـ 20 دقيقه ،، يعني صعب انه يدخل بجو المباراة بسرعه ،، لكن مع ذلك كان بيجيب هدف عاالمي !!

و مع ذلك المدرب "انجوس" ما دخله اساسي بهـ المباراة ،، و الكل كان يطالب بدخوله من بداية الشوط الثاني بما اننا متعادلين !

بس وين اذنك يا جحا .. من يسمع لك ..

و ما دخله الا الـدقيقهـ 88 .. يعني يا سعد عندك دقيقتين تضيع فيها عشان ينمسح فيك البلاط مثل كل مره

بس عجبني ولد الحارثي ،، سكتهم و جاب الهدف و كان هدف خيالي !


::

هذا من ناحية المدرب

::

اما من ناحية المباراة

::

مباراة سيئه من كل النواحي ،،

لعب كان اقل من متواضع ،،

مع ان المنتخب السعودي ماديا و كـ جهاز فني و لاعبين افضل من المنتخب الاندنوسي بكثير !!

ما شفنا لعب سعودي !
يعني لو ان المنتخب الاندنوسي كان فايز كان فاز عن جداره و استحقاق

بس سعد الحارثي كان له كلمته و طلع بطل و غير المباراة كلها .. : ) ..

و يا ليت "انجوس" يدخله بدري المره الجايه .. : ) ,,



::


هذي وجهة نظري و لكل واحد منه رايه و اتمنى اني اشوف اراكم .. : ) ..

عوااافي بندر وابوطلال

مبروووكـ الفوووز وعقبال الكأس يااارب

تحياتي..

ان شاء الله يتكاتف نجوووم الاخضر

لكي نحقق البطوله

باذن الله


وماقصروا الشباب اليوم

اووووووووووب صاااحيه مع احترااااامي لك

يازين الكلام ..

قبل كل شي نقوول مبروووك لنا الفوز والثلاث نقاط .. !!

وبعدين لابد نقووول الله عليك يالحارثي " ويسلم راسك يا بو مشعل " .. !!

الكلام كثير لسعد والسعاده لا توصف لكن لا تعبير ولا كلام مع هدف سعد .. !!

باعتقادي الشخصي بعد خسارة " مكتب الخدم " الأندونيسيين خلاص باي باي أندونيسيا .. !!

نقطه واحد تفصل الأخضر عن الربع النهائي .. !!

مباراة كبيره وكانت تخوف لأخر دقيقه لكن عيال " بو متعب " سووها وفجروها وبالنهايه خلصوها .. !!


:: تحليلي للمباراة ::

في البدايه ما أدري هل الخطه هذي من البدايه طريقة وأختيار آنجوس .. ؟!!

بداية جيده للأخضر وضياع مالك لهجمه .. ولكن هدف جميل من الكاسر ياسر ومن رفعه أحلى من البحري .. !!

لكن سرعان ما تغير الحال وبدأ أندونيسيا بالهجوم وأرتباك من الدفاع السعودي هذا ما ورط الأخضر بهدف من غلطه يتحمله كريري والدفاع الهوساوي .. !!

كريري اليوم شغلته الأخطاء الكثيره والمتكرره التي ليس لها داعي أبدا .. !!

كنت أتمنى اخراج كريري بين الشوطين ودخول تيسير الجاسم لكن تحققت الأمنيه بعدها بدقائق .. !!

ظهيري الدفاع " كامل الموسى & أحمد البحري " كنت اتمنى من البدايه التقدم على الخط وكثرت الرفعات للمهاجمين لانها تشكل خطر كبير على الدفاع الأندونيسي .. !!

عبدالرحمن القحطاني لعله كان أفضل من المباراة السابقه لكن موقعه كوسط يسار لم يعجبني وأعتقد لم يعجبه كلاعب .. !!

وسط الأخضر مشلول شلل كامل لا حول له ولا قوه .. !!

اذا لم يكن لديك وسط صانع ألعاب خبره فسلملي على الوسط " لا الشلهوب ولا نور " .. !!

مالك كثير الحركه وأيضا كثير ضياع الفرص .. !!

ياسر جميل اليووم

تحسفت على انفراد ياسر من المفروض يا يشوت يا يلعب لمالك لكن ضاعت الكوره .. !!

وها هو بو مشعل .. !!

وها هو التعويض بأكمله .. !!

وها هو مفتاح الفرج .. !!

وها هو يقوول " بعد ما أبكيت الملايين قبل أن أبكي لنفسي " .. هاا أنا " أفرح الملايين قبل أن أفرح لنفسي "

هدف رأسي وكما قال " عيسى الحربين " لا يفعلها بالرأس الا خليفة ماجد عبدالله أنه سعد انه سعد الحارثي .. أهـــ يا سعد .. أهــ يا بو مشعل نزلت دموع الفرح من عيونا والله .. !!

بالنهايه ألف مبرووك مره ثانيه للأخضر السعودي .. !!


MiSs_TeKaNa

:
:


قولوا يالأخضر مو قليل
لا ماتعرف المستحيل
يامهندس بالمستطيل
يالمتعب اللي ماتعب





ألف ألف ألف مبروووك فوز المنتخب السعـودي
على خصمة الأندنونسي في مباراة قويه من نوعها

المباراة كانت جيدة جدا رغم الإرتباك الذي صاحب المنتخب السعودي
لكنه استطلع يحافظ على قوته..

التبديلات كان موفقه جدا
رغم اننا أردنا ان يدخل سعد الحارثي مبكرا على حساب مالك معاذ
الذي كان واضحا عليه الإرهاق بشكل كبير في هذهـ المباراه
لكن المدرب كانت له نظرته الفنية التي أرست المنتخب على شاطئ الامان..


عبدالرحمن القحطاني BBP
كان -وبلا شك- نجم المباراة لتحصله على الكرة وإرباكه للخصم
لعب وأبدع رغم أنه أضاع فرصا كبيرة للفوز..

مالك معاذ BBP
في هذهـ المباراة كان يشكل خطورة كبير للأندنوسيين
هجمات خطيرة وتمريرات صحيحة رغم إرهاقه..
راوغ ووأربك ولعب بشكل رائـع..

ياسـر القحطـاني..
وعودهـ السهام المنتظرهـ
أنتظرنا وانتظرنا وهانحن الآن نشهد أروع هدف
اتفق عليه الجميع أنه أفضل هدف لكأس آسيا لهذا العام..
أبدعت ياأبو سعيد.. يسلم لي هالرأس وراعيه..

سعـد الحارثـي..
أبو مشعل.. عوضت الهدف الفائت بهدف أخضر جعلنا نصدر المجموعة
ونقلب الطاولة على المنتخب الإندنوسي
رغم قصر الوقت الذي دخلت به لكنك كنت نجما مميزا من بين اللاعبين
ولو دخلت مبكرا لكنت أنت نجم المباراة بلا شك..


يعطيكم ألف عافيه..
قدمتوا مستوى رائع أفضل من المرات الفائته
ونتمنى ان يكون المستوى أفضل من ذلك في المباراة القادمه أيضا..

][ يابن الوطن لاهان اسمن تشيله ][

ألف ألف مبروووووووووك
وعقبال مانفرح بحمـل كأس آسيــا بإذن الله

كل الشكر لفريق العمل في هذا القسم..

كلمـه أخيــره:
سامي الجابر ومحمد الشلهوب اشتقنالكم وربي

:
:

على البركه والله قلبي شوي ويطلع
جابها وجه السعد واسعدنا


نجي للتحليل
اليوم منتخبنا فقد اللي ينظم الهجمه او بالظبط صانع الالعاب استغرب انجوس نزل عطيف فمباراة كوريا فأخر المباراة ومسك الوسط ولعب بشكل ممتاز واليوم المفروض يلعبه من بداية المباراة وكريري اليوم ابداااااا موب مستواه الجاسم يوم طب ظبط ايقاع الوسط
وخالد عزيز المفروض مايتقدم يمسك دائرة الوسط