..( نـصرة ج ــوارحنا).. - الصفحة 9 - شبكة القناص

الـقنـ20ـــاص · 23-07-2007, 06:21 AM

رواية جميله بس ياريت لكملينها بأسرع وقت ... والف شكر لكي

تقبلي مروري / الـقنـ20ـــاص

خلهم ينفعونك · 23-07-2007, 06:23 AM

..

آهـ وش ذا الجـزء
واخيـــرا وافق ياسر
ياسر والله اني أحبكـ <--مصلحجيه

آخ خقيت انا مع سعود وش ذا
لمـى أهب اكرهتس <--برااا

نجمه جزء ولا بالأحلااااامـ
لاتطوولين تتسفييييين

..

د.نواف · 23-07-2007, 12:37 PM

,,

نجمـة بـاريس

بـ صراحـه أهنيـك على هالروايه اللي والله لو تدري عنـه حياة الفهد إن تعتـزل

أتوقـع ينفـجر عليهم الغـاز بالمطـبخ ويموتـون كلهم ---> أشـوى إنك منتب اللي تكتب القصـه

نجمــه .. لا تطوليـن

,,

BBP

مــذهــلــه · 23-07-2007, 01:11 PM

/
\

نجومه الجزء هذا جنـــآن ..
خــاصه ملكة لمى و سعود ..

بس تكفين خلي ياسر يشوف ذكرى ..

وشسمه ايه بقولك شي خلي خلود ترجع لـ معاذ
وقسم انه مقطع قلبي ..

انتظركـ /

( وردهـ )

نونو الحلوة · 23-07-2007, 04:29 PM

خيتو لا تطوللللللللييييييييين من جد تحمست

**Sara_20** · 23-07-2007, 04:43 PM

رواية قمة في الرووعة <<متحمسة

بس ياليت تكملينها ..!!

في أسرع وقت.

CC

..القنـــ 20ـــــاصه .. · 23-07-2007, 08:16 PM

جزء جونااااااااان ..

وفيه رومانسيه مررررره يوووه دخلت جوو وان شاء الله كل القصه تصير مره رومانسيه ..

واحلى شيء انها تمت ملكة لمى وسعود .. : )

تسلم يدينك نجوومه ..

وبانتظار التكمله بأحر من الجمر ..

تــ ح ــياتي لكِ ..

رشة ملح · 23-07-2007, 09:54 PM

/

هذي الأجزاء ولا بلاش

نجمه اهنيك على هذا الجزء اللي صراحه يعجز لساني عن وصف جماله وروعته

<- لا يكثر

لا صدق نجمه القصه كل مالها وتزين احداثها

ياسر ..
مرررهـ طيب وحبووب لاكن عزة نفسه مخربه عليه شوي

بس الله يثبته ويهديه ويخليه لأمه ولعين ترجيه

< -

لمى وسعود ..
الله يهنيهم ويسعدهم يآرب

نجووومه لا تبطيين علينا صرنا ندخل با السرقه عشان قصتس

/

**زيـآد** · 24-07-2007, 01:27 AM

أكرهـ شيء عندي بالحياه

القصص بالاجزاء

نجمـه .. تكفين بسرعه

BBP BBP

محاسبة هلالية · 24-07-2007, 01:35 AM

*
*
21

والله يا انا متأخره واجد ..
19-20-21
يارب اقدر اقراهم بكره ..
الحين زحمه ماسن وبعدها نومه ..

نجومه خلال اربعه ايام انهي القصه تكفين ..

برب ..

proud soul · 24-07-2007, 01:46 AM

شت آب ولاكلمة ولانفس ولاشئ مابي اسمع صوتك ..
اجل هذا آخر ماوصلناله ..
ما ادري انك منزله الجزء إلا بالصدفه ..
خلاص اووص عكرتي مزاجي ..
خليني اروح للقصه ابرك ..

اخييراً لمى لـ سعود وسعود لمى ..
تصدقين اني فرحت لهم صدق خخخخخخخخخ <-الله يكملك بعقلك بس ..

خلني ابدأ معك بـ ياسر ..
تراه اناني ..
يعني بالله لازم احد يقوله انه غلط ..!!
هو ايعرف بنفسه ان اللي سواه غلط ..!!
ملعيش للحين اقولك ياسر مايستاهل ذكرى ..
صدق بينهم حب بس لو تزوجوا ذكرى بتتعب معه اكثر ..:(
ويكفي انه للحين ماتنازل عن حق عمه ..
ولو ماتنازل بحريقه ..
ياكل تبن وقسم بالله انسان حقير ..
خلاص كرهته وابعلم زعيمه تكرهه بعد .. :(

لمى &سعود ..
احلى كبل بالوجود ..
وان شاءالله يظلون على هالحال ..
الحين سعود طاير فيها بس بعدين بيوريها الويل ..
الله يسعدهم يارب ..

الحين دخلت بعنف شخصيه سلطان ..
لبى قلبه ..
ماعليه قوليله ان شاءالله تطلق هند وتاخذها يارب ..
ومنيره لها الجنه ان شاءالله وتاخذ رجال يحبها وتحبه ..
بس تترك سلطان ..

امممممممم
ريم مدري ليش صارت تحزني مااره كثيير ..
يعني الظروف كانت اقوى منها عشان سوت هالشئ ..
بس معقوله غلطتها ماتتصلح نجومه تكفيين خلي خالد يحبها حرام حرام ..:(

ذكرى احببببببها موت ..
واللي راح تشوفه اتوقع خالد ..
انسانه ماتعرف تجرح ابد ..
يالبى قلبها ..

طبعاً الملكه كانت احلى شئ ..
يعني ممكن ياسر استجاب لاخته ..
طبعاً احلى شئ يوم جات ذكرى وريم
واكيد مستحييل تفوتي علي ياسر هالليله ..
لازم يشوف ذكرى ..
صدق اكرهه بس خلينا يختي نشوف وش بيسوي ..

للحين مقهوره منك ترى ..
لاعاد تسوينها مره ثانيه ..:(
وبانتظار الجزء الجاي ..

أحبك ..

نونو الحلوة · 24-07-2007, 06:33 PM

خيتو لو سمحتي لا تطولين متحمسة من قلب نزلي اكثر من جزء مو واحد بس ويسلمو

عفريت الهلال · 24-07-2007, 07:51 PM

نجمه نبي التكمله احس اني بأنسى الأجزاء اللي قبل

نجمة عنيزهـ · 26-07-2007, 02:22 AM

عشان فوز الأخضر اليوم فيه جزء

نجمة عنيزهـ · 26-07-2007, 02:22 AM

/

الجزء الثاني والعشرون..

/
بعيد عن الناس.. وبـ مكان خالي من البشر.. كان يتآمل حاله... اليوم كان شاهد بملكة بنت تصغرهـ بـ آكثر من عشر سنوات.. كان رامي شماغه .. ومرجع المرتبه..
كل شئ هادئ إلا من صوت الآرض طلال مداح..
صعب السؤال ... ليه نفترق
صعب السؤال ... وين نلتقي
انتى الجنوب .. وانا الشمال ..
ومابيننا .. بحر ..ورمال
لكن نحب .. والله نحب .. وفوق الخيال
... صعب السؤال
ياللي اجمل من كلامي عنك واقرب من سكوتي
آه ياطول المسافه بين احساسي وصوتي
ماهو غريب ... انى اسألك
وانتى انا .. كيف اوصلك
لامستحيل .. هذا الرحيل
من يقطع الصمت الطويل
ويـــدلــنــي
قصيدتي .. وين الحروف .. جف القلم
ياضايعه .. ببرد الكفوف .. رعشه الم
قصيدتي ... الا الندم ...الاالندم
بتسافرين .. وانتى معي
قصيدتي ..لاتسمعي .. غيري قصيد
ياساكنه افـ ورق الحشا .. وحبر الوريد..

كان يتذكر ملامحها مثل كل مرهـ .. ويتخيلها له مو لـ غيرهـ.. مستغرب من نفسه شلون فضح سرهـ الي لازمه سنين لـ ياسر.. هل كان خايف لا يكون مصيره مثله..أو حب يحقق حلمه في ياسر.. بتفكير مخنوق دار بينه وبين طيفها نزلت دمعته.. وبـ داخله آلف سؤال.. ليش حبها ليش ملكته رغم انه ماشافها غير هـ المره .. ليش هي مو غيرها.. لكنه انتهى لطريق مسدود.. مالقى فيه غير الضعف الي هد حيله..!
\
وفي لحظه متناقظه.. كان سعود ولمى بـ غمرة فرحهم.. يمكن الهدوء هو كان السائد للمكان.. لكن كانت أنفاسهم.. ونظراتهم المملؤمه بـ الحب معطره المكان..!
\
ذكرى راحت للمطبخ حتى تجيب الصنية لكنها انصدمت بـ غندهـ الي كانت تبكي..و بـ حنان قربت عندها..
ذكرى: غنودهـ حبيبتي شفيك..؟!
غندهـ بـ حزن: ما آبي لمى تتركنا مثل أبوي..
بحب ضمتها ذكرى لـ حضنها ومسحت على راسها: ماراح تتركم الحين هذي بس ملكة..
غندهـ: ايه بس بيروح وقتها تكلمه.. وتتركنا..
ذكرى: لمى تحبكم وماراح تنساكم..
غندهـ ببراءة: ليش عمي ذبح أبوي.. كان الحين هو عندنا وفرحان..
ذكرى: بـ حرج: غندهـ فيه أشياء تصير لنا ما نقدر نسوي فيها شئ.. تتذكرين لما انكبت المويه عليك.. وماقدرتي تتكلمين.. مو ربي الي كتب لك كذا..
غندهـ: إلا.. حتى المطوع الي كنت أقرأ عندهـ قال ان ربي هو الي كاتب هـ الشئ..
ذكرى: والي يصبر ربي يدخله الجنه..

أقنعها كلام الذكرى.. لكنها بـ خوف وحزن دفنت راسها بـ حضنها الي حست فيه بـ الآمان..!

\
راحت عنها غندهـ وهي تحس بـ الضيقه.. كلام غندهـ كان مثل الخنجر الي اندفن بـ صدرها.. طلعت للحوش الي كان ورا المطبخ.. تتبي تتنفس تبعد عن عيونهم.. ما تنكر انها تمنت تكون اليوم بمكان لمى.. كانت تعض على شفايفها ندم على الي صار.. تحاسب نفسها وكأن لها دور بـ كل هذا..
قريب منها شافها وعرفها من طلتها المتميزهـ وطولها الي يفرقها عن بقية البنات..

ابتسم بـ فرح .. تخطيطاته ماراحت عبث.. وآخيراً قدر يشوفها.. قرب آكثر وآكثر.. : نورتي البيت..
بـ خوف التفت ذكرى للصوت لكنها نزلت راسها لما شافته: ياسر..
ياسر: عيون ياسر..
رفعت عيونها مستغربه منه جرأته بـ الكلام: اممم مبروك لـ لمى وعقبالك..
بـ نبرة كأنها تعزي قلبه: تتوقعين راح أتزوج..
ذكرى بـ حزن: آكيد مليون بنت تتمناك..
ياسر: ومن المليون حبيت انسانه وحدهـ..
ذكرى: مازالت متمسك..!
ياسر: رغم كل الي صار .. لكنك مازلتي ذكرى الي متربعه على هـ القلب..
ذكرى: ياسر
ياسر: لبيه..
ذكرى: هي كلمة وحدهـ وخذها مني.. لو جمعنا الحب الآيام بتفرقنا..
ياسر بـ خيبة: ليش تحطميني بـ كلامك.. ليش قلبك صار قاسي علي..؟
ذكرى: غلطة أبوي كبيرة.. لو نسيتها أنا ماراح تنساها أنت..
ياسر: وحبنا ياذكرى.. وعهدها يوم كنا صغار..!
ذكرى:قلت لك ماتت بموت عمي.. ريح بالك.. ودور لك انسانه تريحك من الهم الي أشوفه بـ عيونك..
ياسر: دامك حاسه فيني ليش ما ترحميني..
ذكرى بـ قسوة : ما تعلمت بـ دنياي غير القسوة.. عمري ماشفت حنان ولا حب.. حتى أنت حرموني منك.. ليش ما تبيني أكون قاسية..
ياسر: والقلب الي داخلك.. ونظرة عيونك..؟
ذكرى: منظر مكسور.. مهزوم..
ياسر: نبي ننصر هـ المشاعر الي داخلنا..

قطع كلامهم صوت الي كان قريب منهم.. ومتجه لهم..!

\
بـ خوف تركها وراح.. أما هي فـرجعت حتى تشوف من الي كان جاي لهم .. وبـ ثقه في نفسها كانت تمشي.. بس انصدمت لما شافتها..!
والي كانت نظراتها تتفحصها وخلتها تشك انها سمعت كلامها مع ياسر..!

\
انتهت الملكة على خير..
أم ياسر كانت فرحتها في بنتها أكبر من انها تفكر في وجود ذكرى وريم..
وأم خالد كانت نظراتها تراقب خلود وخفة دمها ..
أم خالد ومعاذ فـ كانوا مندمجين مع عبدالرحمن الي كان مرح وعكس صورته الحقيقه لـ عيال عمه..
ياسر بعد ماشاف ذكرى الضيقة لمته.. ومعاذ كان يراقب خلو من بعيد خصوصاً انها نامت عندهم..
أما فراس وغنده كان الفرح هو الي ينشاف بعيونهم..

ذكرى وريم وعبدالرحمن كانت الفرحة عندهم فرحتين.. بـ فرحة لمى وبـ فرحتهم بعيال عمهم الي قدروهم..

أما لمى فـ كانت ليلتها متميزهـ..حالها حال سعود الي عرف قدرها وحبها من كل قلبه..

\

تلعب بـ آغراضها بـ فضول .. تحاول تلقى شئ ما تعرفه..
لمى: متى بتخلين عنك هـ اللقافه..
خلود: خليني أفرح لما انبش بـ آغراض الناس..
لمى: هذا من اللقافه..؟
خلود: على طاري اللقافه.. شرآيك تكلمين رجلك اللي هو أخوي وتخلينه يطلعنا نبي نتمشى ترى مليت..
لمى: آسفه اذا بطلع بطلع معه لحالي..
خلود: هذي يسمونها أنانيه ترا..
لمى: مو آنانية هذي اسمها حرية شخصيه..
خلود: مالت عليك وعلى الي يطلبك شئ.. من تملكتي على توم كروز وآنتي رافعه خشمك علي.. خربتي..
لمى بـ دلع مستطنع: يحق لي زوجوني زين الرجال..
خلود بـ خبث: تراهـ أخوي.. لا تحطينها براسي وآخليه يطلقك..
لمى: وش دعوه بخاف منك يالحيه..
خلود بـ ضيقه: آنا حيه.. ما توقعت الزواج يكبر رأسك كذا..
لمى تقرب عندها: آحس ان كل شئ بدنيتي تغير.. خلود وربي ما تخيلت آفرح الفرحه هذي كلها..تخيلي الإنسان الي تحبينه يكون جنبك.. ويحبك مثل حبك له ويمكن آكثر..!
خلود: آها بس.. لا تخربيني بالكلام هذا..
لمى: بكرى بتعرفين شعوري وتحسينه..
خلود: طيب خلي عنك هـ الكلام.. وقولي لـ سعود ..لمى وربي ملل.. الإجازة بتخلص وأنا ماشبعت منها.. ولا تنسين السنه الجايه ثالث يعني مافي آمل نطلع ولا نتحرك..

آخذت جوالها ودقت على سعود الي فز يوم شاف رقمها..

سعود: هلا هلا بـ عمري بـ دنيتي كلها..
لمى كانت فاتحه السبيكر.. وخلود انقهرت من أخوها ووقاحته..
خلود: هيه نحن هنا..
سعود: من الي عندك خليدهـ..
لمى: ايه خلود..
سعود: ابعدي عنها لا تخربك..
خلود: من الي تبعد..
سعود: مرتي من بعد.. بليز خلود لا تخربينها وتعلمينها اسلوب الدفاشه بليز..
خلود: من زين وجهك.. لها الشرف اني جالسة عندها..
سعود: طيب شتبين .. واحد يكلم مرته انتي وش دخلك.؟!
لمى: سعود
سعود: يا بعد عين سعود انتي آمري..
لمى بـ حياء: مشغول اليوم..
سعود: أفضالك .. كم لمى عندي..!
خلود: أخوي فيه كلام أكبر من كذا يعني أغمض عيوني..
سعود: وديي بس تنثبرين..!
خلود بـ قهر: لمى اطلبي الطلاق قاعد يسب فيني..
لمى: طيب امسكي لسانك عشان يوافق...
سعود: وش آوافق عليه..
لمى: نبي نطلع نتمشى.. وياسر مشغول ومعاذ لاهي مع خالد وطفش..
سعود: لمو قليبي تطفش وآنا موجود ..
لمى: يعني بنروح..
سعود: لو تبين القمر وديتك له.. بنروح بس بشرط..؟
لمى: وش الشرط..
سعود: الي جنبك لا أشوفها توطي سيارتي..
خلود بـ عصبيه: لا والله.. لمى سمي وآبشري وآنا أختك مافيه..
سعود: متبري منك طيب..
خلود: عادي بنزل وآطلب في معاذ..
سعود بـ لهجة جد: لا وجع.. اعقلي فشلتينا عند عيال خالتي..
خلود: يعني بتآخذني..
سعود: خلاص نآخذك يا النشبة.. بس ترا بتركبين ورا..
خلود: لو آركب بالشنطة ما عندي مشكلة المهم نتمشى.. وعلى حسابك..
سعود: ياطولة لسانك بعد خلاص وعلى حسابي..
لمى: خلاص احنا جاهزين متى تجي..
سعود: شويات بس..

قفلها سعود بعد ما نشف دم خلود الي يموت بشقاوتها..

بعد ماوصل سعود شافه معاذ ..

معاذ: خلاص بنخاويكم..
خالد: وآنا معكم والله من زمان ما طلعنا..
سعود: آجل قولوا لـ خالتي وآم خالد..
خلود بـ حيا: آصلن خالتي وآمي وخالتي ام خالد بيروحون لـ زواج..
فراس: حلو يعني نطلع كلنا سوا..
غندهـ تصفق: ياااهوه وناسه زمان ما طلعنا..
سعود: حلو البنات معي وانتم تعالوا مع خالد..

ركبو البنات بسيارة سعود ... وخالد راح معه معاذ وفراس..

بسيارة سعود..

خلود: سعود بليز لا تردني..
سعود: ياكثر طلباتك.. تفضلي..
خلود: نبي نروح لأي منتزه ملل كذا بس ندور بالسيارة..
سعود: أصلا تو خالد قالي.. والحين بنروح..
لمى: طيب اتصلوا على ياسر يلحقنا.. أخاف يزعل لو ما قلنا له..
غندهـ: يقول معاذ انه مشغول..

خلود كانت تناظر خالد الي كانت صورته باينه في مراية السيارة.. وسرحت فيه فرحانه انها راح تكون جنبه.. أو على الآقل قريب للمكان الي فيه..

بعد ماصلوا للمنتزه دورا على مكان هادي ومريح..

سعود: يوهـ ما معي شئ نجلس عليه..
خلود بـ مرح جلست: عادي يالله من فضلك المزروع شكله حلو اجلسوا..
سعود: والله اختي متواضعه تجلس بـ آي شئ ولا همها..
معاذ: ايه فاهمه من تواضع لله رفعه غلط..
خلود: يا بثرك اذا قمت تستخف دمك بعد..
معاذ: من ذوقك أختي..
وابتدأ العناد فيهم..

غندهـ وفراس راحوا يشفون الألعاب الي موجودهـ..

كان سعود وخالد ومعاذ مندمجين بسوالفهم..
وخلود كانت لمى تسولف عليه لكن تحس بالها مو معها مع خالد الي تراقبه من بعيد..

معاذ: والله كانت أمنيتي ألعب كورة.. بس ياسر الله يهديه حطمني.. بس لو الحين العب كان تلقوني أغنى لاعب بالعالم..
خلود : اي عاد انت ماشاء الله عليك قوي مرهـ..
معاذ: شايفتني وآنا ألعب..
خلود: لا بس كذا أحس من ملامح وجهك..
خالد: لا يعجبك وربي شئ لعبه..
معاذ: هه شاهد ولا احلى صدقتي يالدبى..
خلود: لو أشوفك بعيني ما أصدق.. العصاقيل ما يجي منهم غير البثارهـ..
معاذ: على هونك يالدبى..

سعود كان لاهي يرسل مسجات لـ لمى الي كانت قدامه.. وفرحان انه خلاها تذووب من الحياء..

أرسل لها..
( قلبو قومي أبي أتمشى معك)
وردت له..
( راح تزعل خلود أعرفها)
أرسل لها..
( ياذا الخلود كيف نشبه بالحلق)
أرسلت له..
( طيب انت قول يالله قومي وبقوم)

بـ فرح ناظر معاذ..: أخي العزيز معاذ..
معاذ: سم يا رجل أختي..
سعود: هل من الممكن آخذ مرتي وأفر فيها شوي..
خلود: لا والله وأجلس لحالي..
ناظرها خالد لأن صوتها كان عالي وبانت فيه البحة.. من غير لا تنتبه له..
سعود: يا ربي وش الله بلاني بـ أخت عله..
معاذ: عناد بس بخليدهـ عادي خذها خلها تحترق في مكانها..

قام سعود بـ فرح قبل لا غير رأيه.. ونادى غندهـ تجي تجلس مع خلود..
خلود: ما أبيها غندهـ صغيره وش أبغى فيها..
معاذ: خالد قوم اذبحها تقول عن غندهـ بزر..
خالد فرح انه حصل فرصه يكلمها: أشوفها وساكت.. كل شئ ولا غنودتي..
ولأول مره تحس بـ الغيره شافت خالد بـ استحقار: ليش وش ميزتها..
معاذ: هذي حبيبته وزوجته..
كانت تناظر خالد بـ صدمة.. محد لاحظ نظراتها غير خالد.. خصوصا ان سعود مسك يد لمى وراح عنهم..

كانت تناظره بـ استحقار.. أما معاذ فـ قام يفزع لأنه شاف فراس يتهاوش مع ولد صغير على الدبابات..

وحصلها فرصه خالد إنه ينشف دم خلود..

خالد: غنودتي الحين بـ آي صف..
رفعت خلود عينها له.. ولفت تشوف غندهـ وش تقول: خلاص الحين رحت لسادس..
خالد: طيب ان شاء الله شاطرة مثل كل سنه..
غندهـ: أعجبك..
خالد: من يوم وانتي صغيره وانتي تعجبيني..
خلود بـ ضيقه كتمت العبرة بـ عيونها ولفت راسها للجهه الثانية..
كأن موقفها هز خالد.. سكت وهو يتآمل نظرات عيونها الي بين فيها انها تشيل شئ بقلبها..
من غير لا يحس ابتسم لما تخيل ان خلود تحبه.. لكن رجعت معاذ وفراس الي معصب قطعت تفكيرهـ..

معاذ: لا ابوه من بزر..
خالد: شفيه..
معاذ: مدري شلون متربي.. أجيه بالتي هي احسن وألفاظه اقبح من وجهه
فراس: يرفع الضغط ..
معاذ: لا عمري اشوفك تروح مكان فيه مثل هـ النوعيه..
فراس: الدلخ هو الي جا..
معاذ: يا غبيه أرهه الي مثل كذا.. يعورني بطني لين شفتهم..
خالد: هههههههه بزر رفع ضغطك..
معاذ: وربي لو بيدي أفرمه.. بس خله على ربك..وبعدين وين العشاق الى الحين ماجوا..
خالد:خلهم فرحانين في بعض..
معاذ: وام لسان ليه ساكته..
ناظرته خلود من غيرلا ترد.. كان ودها تصرخ بااللي في قلبها .. حركة خالد قهرتها..
حس فيها خالد وأنبه ضميره لا يكون هو سبب ضيقتها.. ماكان لايق عليها هـ النظره.. المرح والهبال الي فيها كان هو الي محليها..

/

بعد طلعه مثيرهـ.. اسمتع فيها لمى وسعود.. ومعاذ وفراس وغنده كان الضحك والسوالف من نصيبهم..
لكن خلود رجعت بقلب كسير نادم على شعوره المخفي..
وخالد الي يحس بشعور ناحية هـ البنت ما قدر يحددهـ..

رجعوا للبيت ورجعت خلود مع سعود ..

\

في بيت أبو عبدالرحمن..

روتين قاتل يسيطر على هـ البيت.. عبدالرحمن الدوام يهد حيله.. وذكرى وريم بس جالسين او يتفرجون على التلفزيون..

ذكرى: ريم ودي اقولك شئ بس ادري بتعصبين مثل كل مره..
ريم : قولي..
ذكرى: بكلم أمي بس طلبتك كلميها..
ريم: قلت لك ما أبي..
ذكرى: والله سآلتني عنك آخر مره..
ريم: ايه مره والدليل دقت تدورنا..
ذكرى: كافي ياريم هـ القسوة.. مهما كان هذي امنا ..
ريم: كل مرهـ تقولين هـ الكلام..وبكل مرهـ أحاول أقنعك أم اسم بدون مشاعر..
ذكرى: خلاص خلاص لا تنفتح محاضره طويلة عريضه..
ريم: خلي عنك هـ السالفه.. أنتي قلتي لـ عبدالرحمن نروح للسوق.. عشان تجهزين للجامعه لازم تكشخين أخر كشخه..
ذكرى: الإنسان بمعدنه وواثقه ان ذوقي حلو..
ريم: ادري حلو وجسمك مساعدك.. بس مو ماركة..
ذكرى: مو مهم عندي ماركة أو لا.. المهم شئ حلو..
ريم: مدري متى بتخلين عنك هـ التواضع..
ذكرى: أمد رجولي على قد لحافي..
ريم: وعبدالرحمن راتبه كثير حلو ويكفي.. بعدين هي مره وحده..
ذكرى: معي الحين ثلاث آلاف كل واحد منا بعطيه آلف..
ريم: خليها لك.. وخلك توب بالجامعه يمكن أحد يخطبك.
ذكرى: ومن قالك أبي أتزوج..
ريم: أنا ابي اتزوج.. ومحد خاطبني الا اذا رحتي..
ذكرى: انتي تخرجي الحين بعدين فكري بالزواج..
ريم: شوفي لمى تملكت..
ذكرى: لمى وضعها غير..
ريم : وانا غير عشان ابوي القاتل..
ذكرى: ريم ليش تحبين تنبشين بالماضي..
ريم: لأن الماضي هو نور المستقبل وللإسف مستقبلنا مظلم..
لا أم ولا أبو..
ذكرى: خليها على ربك.,وبعدين قومي رتبي الغرفة بسوي العشا.. قبل لا يجي عبدالرحمن..

\
حياتهم مثل ماهي ولا شئ يتغير.. انشغال عبدالرحمن يمنعهم حتى من الطلعه.. كان يتعب من غير لا يريح نفسه ولا صحته.. كل شئ يصيبه من هم وضيقه يدفنه بقلبه.. أو يروح عند أعز أخوياهـ الي من طلع على الدنيا يعرفه.. كان نعم الصديق.. اسمه حمد ولد بعمره.. ولد عائلة محترمه ومحافظه .. وحالته المادية ممتازه.. كان قريب له كثير.. وتقريبا الوحيد الي ما تركه لما صارت سالفة ابوه وبالعكس كان هو واهله معهم .. ووقف معه وقفت الرجال..

ذكرى وريم كانوا يجهزون ذكرى للجامعه.. وريم للمدرسة..
وخلود ولمى كانوا نفس الشئ..

أما سعود حصل وظيفه وبـ نهاية الإجازة بدأ فيه الدوام.. وخالد قرر يشتغل مع أبوه لحد ما يلقى شغله ..

\
مثل الثواني سنين العمر تمر.. أربع سنوات مرت عليهم.. منهم الي تاه ومنهم الي يكتم العبره بقلبه.. مشاكل هـ الدنيا ومستلزماتها أشغلتهم..وخففت عنهم الهموم الي بـ القلوب..

\

في بيت أم خالد

أم خالد: خلاص الشغل مع ابوك كانه ممتاز خلني أخطب لك وأفرح فيك يمه..
خالد: بس كذا تآمرين آمر.. بس يمه تونا على الزواج..
أم خالد: عمرك بيصك الـ 26 وأنت ماتزوجت.. ودي أفرح فيك.. وبعدين العروس جاهزه..
خالد: بـ خوف: من...؟!

\

انتهى هذا الجزء..

توقعاتكم..

من الي كان قريب لـ ذكرى..؟!
وخلود وخالد وش نهاية الشعور فيهم..؟!
ومن هذي الي تبيها أم خالد لـ ولدها..؟!

23-07-2007, 06:21 AM	#121
الـقنـ20ـــاص قناص جديد	رد: ..( نـصرة ج ــوارحنا).. رواية جميله بس ياريت لكملينها بأسرع وقت ... والف شكر لكي تقبلي مروري / الـقنـ20ـــاص

23-07-2007, 06:23 AM	#122
خلهم ينفعونك قناص مميــز	رد: ..( نـصرة ج ــوارحنا).. .. آهـ وش ذا الجـزء واخيـــرا وافق ياسر ياسر والله اني أحبكـ <--مصلحجيه آخ خقيت انا مع سعود وش ذا لمـى أهب اكرهتس <--برااا نجمه جزء ولا بالأحلااااامـ لاتطوولين تتسفييييين .. التوقيع: .. ;).. The only thing worse than a liar is a bad liar

23-07-2007, 12:37 PM	#123
د.نواف قناص جديد	رد: ..( نـصرة ج ــوارحنا).. ,, نجمـة بـاريس بـ صراحـه أهنيـك على هالروايه اللي والله لو تدري عنـه حياة الفهد إن تعتـزل أتوقـع ينفـجر عليهم الغـاز بالمطـبخ ويموتـون كلهم ---> أشـوى إنك منتب اللي تكتب القصـه نجمــه .. لا تطوليـن ,, BBP التوقيع: ســهــرنا والهوى واحد .. وصرنـا والفراق اثنين ..

23-07-2007, 01:11 PM	#124
مــذهــلــه قناص مميــز	رد: ..( نـصرة ج ــوارحنا).. / \ نجومه الجزء هذا جنـــآن .. خــاصه ملكة لمى و سعود .. بس تكفين خلي ياسر يشوف ذكرى .. وشسمه ايه بقولك شي خلي خلود ترجع لـ معاذ وقسم انه مقطع قلبي .. انتظركـ / ( وردهـ )

23-07-2007, 04:29 PM	#125
نونو الحلوة قنــاص فعــال	رد: ..( نـصرة ج ــوارحنا).. خيتو لا تطوللللللللييييييييين من جد تحمست

23-07-2007, 04:43 PM	#126
Sara_20 . . : زعيم القناصين : . .	رد: ..( نـصرة ج ــوارحنا).. رواية قمة في الرووعة <<متحمسة بس ياليت تكملينها ..!! في أسرع وقت. CC

23-07-2007, 08:16 PM	#127
..القنـــ 20ـــــاصه .. قناص مميــز	رد: ..( نـصرة ج ــوارحنا).. جزء جونااااااااان .. وفيه رومانسيه مررررره يوووه دخلت جوو وان شاء الله كل القصه تصير مره رومانسيه .. واحلى شيء انها تمت ملكة لمى وسعود .. : ) تسلم يدينك نجوومه .. وبانتظار التكمله بأحر من الجمر .. تــ ح ــياتي لكِ ..

23-07-2007, 09:54 PM	#128
رشة ملح قناص مميــز	رد: ..( نـصرة ج ــوارحنا).. / هذي الأجزاء ولا بلاش نجمه اهنيك على هذا الجزء اللي صراحه يعجز لساني عن وصف جماله وروعته <- لا يكثر لا صدق نجمه القصه كل مالها وتزين احداثها ياسر .. مرررهـ طيب وحبووب لاكن عزة نفسه مخربه عليه شوي بس الله يثبته ويهديه ويخليه لأمه ولعين ترجيه < - لمى وسعود .. الله يهنيهم ويسعدهم يآرب نجووومه لا تبطيين علينا صرنا ندخل با السرقه عشان قصتس /

24-07-2007, 01:27 AM	#129
زيـآد قلم المجلس الذهبي	رد: ..( نـصرة ج ــوارحنا).. أكرهـ شيء عندي بالحياه القصص بالاجزاء نجمـه .. تكفين بسرعه BBP BBP التوقيع: - مَ عاد بـ حياتنا مدرسة , خلاص يَ عمي صرنا جامعيين Sayat.me - Flickr - Ask.fm - Twitter................... -

24-07-2007, 01:35 AM	#130
محاسبة هلالية قناص مميــز	رد: ..( نـصرة ج ــوارحنا).. * * 21 والله يا انا متأخره واجد .. 19-20-21 يارب اقدر اقراهم بكره .. الحين زحمه ماسن وبعدها نومه .. نجومه خلال اربعه ايام انهي القصه تكفين .. برب ..

24-07-2007, 01:46 AM	#131
proud soul قناص مميــز	رد: ..( نـصرة ج ــوارحنا).. شت آب ولاكلمة ولانفس ولاشئ مابي اسمع صوتك .. اجل هذا آخر ماوصلناله .. ما ادري انك منزله الجزء إلا بالصدفه .. خلاص اووص عكرتي مزاجي .. خليني اروح للقصه ابرك .. اخييراً لمى لـ سعود وسعود لمى .. تصدقين اني فرحت لهم صدق خخخخخخخخخ <-الله يكملك بعقلك بس .. خلني ابدأ معك بـ ياسر .. تراه اناني .. يعني بالله لازم احد يقوله انه غلط ..!! هو ايعرف بنفسه ان اللي سواه غلط ..!! ملعيش للحين اقولك ياسر مايستاهل ذكرى .. صدق بينهم حب بس لو تزوجوا ذكرى بتتعب معه اكثر ..:( ويكفي انه للحين ماتنازل عن حق عمه .. ولو ماتنازل بحريقه .. ياكل تبن وقسم بالله انسان حقير .. خلاص كرهته وابعلم زعيمه تكرهه بعد .. :( لمى &سعود .. احلى كبل بالوجود .. وان شاءالله يظلون على هالحال .. الحين سعود طاير فيها بس بعدين بيوريها الويل .. الله يسعدهم يارب .. الحين دخلت بعنف شخصيه سلطان .. لبى قلبه .. ماعليه قوليله ان شاءالله تطلق هند وتاخذها يارب .. ومنيره لها الجنه ان شاءالله وتاخذ رجال يحبها وتحبه .. بس تترك سلطان .. امممممممم ريم مدري ليش صارت تحزني مااره كثيير .. يعني الظروف كانت اقوى منها عشان سوت هالشئ .. بس معقوله غلطتها ماتتصلح نجومه تكفيين خلي خالد يحبها حرام حرام ..:( ذكرى احببببببها موت .. واللي راح تشوفه اتوقع خالد .. انسانه ماتعرف تجرح ابد .. يالبى قلبها .. طبعاً الملكه كانت احلى شئ .. يعني ممكن ياسر استجاب لاخته .. طبعاً احلى شئ يوم جات ذكرى وريم واكيد مستحييل تفوتي علي ياسر هالليله .. لازم يشوف ذكرى .. صدق اكرهه بس خلينا يختي نشوف وش بيسوي .. للحين مقهوره منك ترى .. لاعاد تسوينها مره ثانيه ..:( وبانتظار الجزء الجاي .. أحبك ..

24-07-2007, 06:33 PM	#132
نونو الحلوة قنــاص فعــال	رد: ..( نـصرة ج ــوارحنا).. خيتو لو سمحتي لا تطولين متحمسة من قلب نزلي اكثر من جزء مو واحد بس ويسلمو

24-07-2007, 07:51 PM	#133
عفريت الهلال قنــاص فعــال	رد: ..( نـصرة ج ــوارحنا).. نجمه نبي التكمله احس اني بأنسى الأجزاء اللي قبل

26-07-2007, 02:22 AM	#134
نجمة عنيزهـ قنــاص فعــال	رد: ..( نـصرة ج ــوارحنا).. عشان فوز الأخضر اليوم فيه جزء